Read kumam Sabuli 64 Bible Online

Sabuli 64 - kumam bible

Sabuli 64

¹Winy dwana, Okwe Rubanga, bala kame atie kelo kede koko na buti; gwok kuo na ki cing ngakwor kame kelo na lworo.

²Gwoka ki iik kame jo areco timo i koma i mung, kede ki cing ekodet me jo kame timo gikareco,

³jo kame peno leb gi bala ipimai, jo kame kope kame yai ki dog gi bit bala tong me emal,

⁴tong me emal kame gin kipwono di kiko gweno kede jo kame li kede raco moro; gin kingeso gweno gi abongo lworo.

⁵Gin kiketo cuny gi kitek i kom iik gi areco; kiporo kope me ciko owic i mung, di kiwaco be, “Ngai kame karuno neno wa?

⁶Ngai kame karuno ngeno gikareco kame wan otimo? Wan otieko timo iik atek twatwal.” Pien gikame tie i cuny dano kede i tam mere omungere.

⁷Do Rubanga bino gweno gin kede emal mere; kobino ngeso gi di oko mino gi awanon.

⁸Kop kame yai ki dog gi bino mino emuducaro gi; jo dedede kame neno gi bino yayango wi gi ayayang.

⁹Di do jo dedede ko bino bedo kede lworo; gin kibino paro i cuny gi gikame Rubanga otimo di kiko tatamo tice mege.

¹⁰Jo kopoore miero lel pi Rwot di gin kiko ringo ot gwokere bute. Jo dedede kame cuny gi ber miero pak Rubanga.