Read kumam Sabuli 65 Bible Online

Sabuli 65 - kumam bible

Sabuli 65

¹Pak poore bed buti i Sion, Okwe Rubanga; doko poore kocob buti kwongere kame kotimo,

²Okwe in ngat kame igamo ilega! Jo dedede bino bino buti.

³Kame tim areco obwono wa, in isasiro gikareco wa.

⁴Kitie kede yomcuny gin jo kame in iyero, di iko kelo gi bedo i diakal nin. Wan obino yeng kede bero kame oudo i odi, en tempulo ni kacil.

⁵In igamo kwac wa iko lako wa di itimo tice me aura, Okwe Rubanga ngalak wa; in en gen me piny dedede kede me jo kame tie i name kakabor.

⁶In iketo mori kede teko ni; in itie kede twer.

⁷In imio mor me name ling, mor me ebuka gi, kede woo me jo.

⁸Jo me wi lobo lung tie kede lworo pi gianena kame in itimo; gikame in itimo kelo ilel but jo, yai ki tetu wokceng tuno tetu potoceng.

⁹In iparo pi lobo, imio kot cwei iye, imio ebedo mio twatwal; pii opong i ecilet ka Rubanga; in imio jo kal, pien in itieko iiko kamanono.

¹⁰In ibwobwongo bot mere kede pii atot, di iko mine edopakin; in imio kot cwei iye eko doko yom, di iko mino winyo i kom gikame dongo iye.

¹¹Buli mwaka in imio jo amio pi bero nin; kakame in ibeo iye, jamini abeco pong iye di ko alamar.

¹²Lum me wi tim lot twatwal, imio imukuran lelo bala jo,

¹³romini umo elet, kal da umo aditoto. Gin dedede kilelemo di kiwero karacel pi ilel.