Read kumam Sabuli 76 Bible Online

Sabuli 76 - kumam bible

Sabuli 76

¹Rubanga ngere i Yuda, nyinge dwong i Isirael.

²Eema kame en ebedo iye koguro Salem, kabedo mere tie Sion.

³Ki kuno en etuturo leb imalia ameny amenya, kede ibukui kede ipimai, kede jamini ace me yi me ngakwor.

⁴Deyo nin tie me aura, in idwong kalamo mori kame bedo nakanaka.

⁵Komao joe gi kame cuny gi nwang i yi jamini gi me yi kame oudo gida kiyako, nan do kinino nino me atwal; oudo likame tie ngatamoro kibut gi kame twero kiarao cinge da.

⁶I kare kame in icokere negi kede, Okwe Rubanga ka Yakobo, asigiran kede jo kame wanano gi oko popoto piny kiko to.

⁷Do in ipoore me alwora! Ngai kame karuno cungo i nyimi ka in idoko ger?

⁸In bin imio kop kame ingolo i malo oko ngere, jo kame tie i wi lobo oko doko lwor, di kiko ling titi

⁹kakame in iyai kede malo pi ngolo kop, pi lako jo dedede kame kotero kirac i wi lobo.

¹⁰Gero ka dano lokere doko gikame paki, jo kame obwot ki tice nin me gero bino cokere luki.

¹¹Kwongerenu but Rwot Rubanga wu, di ikounu timo gikame ikwongerenu iye; jo dedede kame tie i ngete miero kel giamia gi but ngat kame poore alwora;

¹²en ngat kame emio jopug doko mwol, doko emio lworo mako abakai me wi lobo.