Read kumam Sabuli 79 Bible Online

Sabuli 79 - kumam bible

Sabuli 79

¹Okwe Rubanga, atekerin apat otieko donyo i lobo ni; kitieko munao tempulo nin kacil di kiko tuturo Yerusalem piny.

²Kimio liele me jotic nin but winy kame por i malo pi camo, kimio ringokom jo nin kacil but leini me obar kame tie i wi lobo pi camo.

³Kionyo remo gi bala pii i Yerusalem lung, doko oudo likame tie ngatamoro kame romo yiko gi.

⁴Wan do otieko doko gi me acae but jokio wa; jo koluko wa do tie kede nyero i kom wa.

⁵Okwe Rwot, pi kare arom amene? Benyo, ibino dong di iger atwal? Benyo, nyeko ni bino mino ibedo kede gero aliet bala mac?

⁶Bwot gero ni nono i kom atekerin kalikame ngei, kede i kom ajakanuto kalikame wori.

⁷Pien gin kitiekaro ikwae ka Yakobo di kiko mino kabedo gi odoko ameje.

⁸Kur iyutuno dub me joakwari wa di iko maro gi i wi wa; susunyo mino kisa maki kede wa, pien kotieko mino wa odoko goro.

⁹Kony wa, Okwe Rubanga ngalak wa, pi kelo deyo i nyingi; lak wa iko sasiro dub wa pi kelo bero i nyingi.

¹⁰Pinyo komio atekerin apat poore penyere be, “Rubanga gi tie tuai?” Tim onyanga i kom atekerin apat di wang wa neno, pi remo me jotic nin kame gin kionyo.

¹¹Winy cur me jo kame tie i otkol, di lubere kede twer nin adwong gwok jo kame kongolo kop me to i wi gi.

¹²Culi i kom jokwor wa tien kanyaare ayet kame gin kiyeti kede, Okwe Rwot.

¹³Di do wan jo ni, romini kame in itie kwano, oko bino pwoni nakanaka; kare dedede wan obino meede paki.