Read kumam Sabuli 98 Bible Online

Sabuli 98 - kumam bible

Sabuli 98

¹Okwe werunu wer anyen but Rwot, piento en etieko timo jamini me aura. Twer mere kede teko mere kacil en komie elo.

²Rwot otieko mino twer kame en elako kede jo ongere; enyuto i nyim atekerin ngolo kop me ateni kame lako jo.

³En etieko paro pi amara mere kalikame lokere kede genere mere but jo me Isirael. Jo me lobo lung otieko neno loc ka Rubanga wa.

⁴Lelemunu kede kilel but Rwot, wun jo me lobo lung; dipunu wer me kilel di ipakunu Rwot.

⁵Werunu were me pako Rwot di igounu arigirigi, gounu arigirigi di iwerunu kede dwan amit.

⁶Kutunu agwara kede bilo di ilelemunu kede kilel i nyim Rwot, Abaka.

⁷Miero nam kede gi dedede kame tie iye rurumo; piny kede gi dedede kame tie iye da weri.

⁸Miero icileta bap cing gi; mori da wer karacel pi kilel i nyim Rwot,

⁹piento en etie bino pi ngolo ne lobo kop. En ebino ngolo ne jo me piny kop i ateni bala kame poore ne dano acelacel.