Read kumam Wer amit 8 Bible Online

Wer amit 8 - kumam bible

Wer amit 8

¹Koto di in oudo ibedo omina kodoto tuno ka toto na da! Ka koto ariamo kedi i dier jo, koto amoti amot me notere abongo ngatamoro bedo kede acae buta.

²Koto ateri i ot ka toto na, i agola me ngat konywala. Koto amii bwini angwe kur imato, pige me anyakini me pomagurunet na.

³Cingi tetu ngodal ango ateno iye wia, di cingi tetu cam gwaka.

⁴Akwao wun mon me Yerusalem kur itotolunu amara wa tuno en romo wa.

⁵Ngai ica atie wok ki wi tim, di egongere i epepet opa mere? Ango acei i dud olemo kakame toto ni oudo onywali iye, kakame ngat konywali oramere kiye.

⁶Mia abed i cunyi nakanaka bala alama, cingi maka, ango kena, di ako bedo bala alama atie iye. Amara tek bala to, amita tie kede twer arom aroma kede ates. En ekiro mac, mac aliel di ger.

⁷Pii likame karuno neko mac me amara, alele da likame mwonye. Ka dano otamo wilo amara kede abar me ode dedede, ebino udo acae atwal atwala.

⁸Wan otie kede amin wa apwodi titidi pwodi likame eburuno. Nyo kame obino timo ne ka awobi moro obino supe?

⁹Ka koto en oudo ebedo apama, koto ogero siliba i wie malo, ka koto en oudo ebedo ekeko, koto omwone kede ibaon me yen seda.

¹⁰Ango abedo apama, tune na obedo gedo aboco; nena kelo ne opa na anapakin.

¹¹Sulumani tie kede poti me olok i kabedo kame kolwongo be Baal Kamon. Tie jopur kame pango poti nogo kibute, ngat acelacel cule siliba akaya tutumia acel.

¹²Poto nango me olok, mera amaka, obedo mera kena; wek Sulumani gam siliba akaya tutumian, kede da jo kame daro poti ko gamo tol are bala iner gi.

¹³In itie i poti; jowota tie kuro winyo dwani. Wek awiny dwani.

¹⁴Susunyo bino buta, opa na me amara. Bed dwir bala amiem icuo apwodi iyapakina, pi ot i mori kakame yen angwe kur dongo iye.