Read kumam Jolebi 14 Bible Online

Jolebi 14 - kumam bible

Jolebi 14

²iswilia amako pwola me lonyere me dano kame tuwo mere me delkom ocango kaman: Kobino tere but ngasaseredoti,

³di ngasaseredoti ko tere tenge me kimere di eko ngingico en. Ka tuwo me delkom kame dano nono oudo tie kede ocango,

⁴ngasaseredoti bino mino kokelo pir ngat kame kotie lonyo nono winy akuo are kalikame obedo winy me kwer, kede yat seda, kede ausi akwar, kede emompir.

⁵Ngasaseredoti ko bino mino kongolo winyo acel i wi pii atie i agulu, pii kame kotwomo i atan amol.

⁶Di do eko bino tero winyo akuo kodong, kede yat seda, kede ausi akwar, kede emompir, di eko rwako gi i remo me winyo kame kongolo i wi pii atie i agulu.

⁷Di eko kikiro remo nono tien kanyaare i kom ngat kame kotie lonyo ki tuwo arac me delkom, di do eko bino tuco kakaler be dano nono likame opwokere, di eko jalakino winyo akuo nono por eoto obar.

⁸Di dano nono ko lwoko igoen mege, di eko lielo wie, di eko bol; di do en eko bino doko ngat kame li kede pwokere. Ingei manono en ebino dok kakame kimere tie iye, do ebino tieko ceng kanyaare di likame edonyo i eema mere.

⁹I ceng me kanyaare en ebino bobo lielo wie, tike, abukewange; en ebino lielo yer dedede atie i kome. Di en eko bino lwoko igoen mege di eko bol, di do eko doko dano kame li kede pwokere.

¹⁰I ceng me kanyauni en eko bino kelo romini are acuo, kalikame tie kede peko moro i kom gi, kede oromo akaale me mwaka acel kalikame tie kede peko moro i kome, kilo adek me alos kame konyongo kede mo me olibeti, kede mo me olibeti anoko dul lita.

¹¹Ngasaseredoti atie timo pwola me lonyere bino cibo dano atie lonyere nono kede giayala nogi i ekeko me Eema me ariamakin kede Rwot.

¹²Di do ngasaseredoti ko bino kwanyo emerekek acel karacel kede mo anoko dul lita di eko yalo gi bala giayala me timo cul. En ebino kiarao gi malo i nyim Rwot.

¹³Ebino ngolo oromo nono kakame kongolo iye leini me giayala me kwanyo dub kede giayala awanga i kabedo kacil; pien giayala me timo cul, bala giayala me kwanyo dub da, dong ne ngasaseredoti; en ebedo gikacil twatwal.

¹⁴Ngasaseredoti bino kwanyo remo mogo me oromo nono di eko keto i yit dano kame kotie lonyo nono me bad tetu cam, kede i lwete adwong me cinge tetu cam, kede i lwete adwong me tiene tetu cam.

¹⁵Ngasaseredoti ko onyo mo mogo i yi cingen ngasaseredoti me tetu ngodal,

¹⁶di eko rwako iye lwete me cinge tetu cam, di eko kikiro mo mogo i nyim Rwot kanono tien kanyaare.

¹⁷Di eko bino kwanyo mo mogo kodong i yi cinge tetu ngodal, di eko kete i yit dano nono me bad tetu cam, kede i lwete adwong me cinge tetu cam, kede i lwete adwong me tiene tetu cam, kakame oudo koketo iye remo me giayala me timo cul.

¹⁸Mo apat kodong i yi cing ngasaseredoti en ebino keto i wi dano kame kotie lonyo nono. Epone noni en kame ngasaseredoti bino timo kede pwola me lonyere.

¹⁹Di do ngasaseredoti ko mino giayala me kwanyo dub pi ngat kame kotie lonyo ki pwokere mere nono. Ingei manono en ebino ngolo oromo me giayala awanga

²⁰di eko yale karacel kede giayala me alos i wi alutari. Iepone noni, ngasaseredoti bino timo pwola me lonyo dano kopwokere di en eko doko dano kolonyere.

²¹Do ka en ebedo ngacan likame etwero kwanyo gigo dedede, en ebino kelo emerekek acel bala giayala me timo cul kame kobino kiarao, kilo acel kenekene me alos kame konyongo kede mo me olibeti pi bedo giayala me alos, kede mo anoko dul lita.

²²Ebino kelo da amam are amoto ilukei are, di lubere kede kite kame en etwero kede; acel bino bedo giayala me kwanyo dub kede acel ko bedo giayala awanga.

²³I ceng me kanyauni me lonyere mere en ebino tero gi but ngasaseredoti i ekeko me Eema me ariamakin kede Rwot, i nyim Rwot.

²⁴Ngasaseredoti bino kwanyo oromo kede mo me olibeti di eko kiarao gi i nyim Rwot.

²⁵Ngasaseredoti ko bino ngolo oromo me giayala me timo cul, di eko kwanyo remo mogo me giayala nono di eko keto i yit dano kame tie lonyere nono me tetu cam, i lwete adwong me cinge tetu cam, kede i lwete adwong me tiene tetu cam.

²⁶Ngasaseredoti ko onyo mo mogo i yi cinge en ngasaseredoti me tetu ngodal,

²⁷di eko rwako iye lwete me cinge tetu cam, di eko kikiro mo mogo i nyim Rwot kanono tien kanyaare.

²⁸Di eko bino kwanyo mo mogo kodong i yi cinge tetu ngodal, di eko kete i yit dano nono me bad tetu cam, kede i lwete adwong me cinge tetu cam, kede i lwete adwong me tiene tetu cam, kakame oudo kokeketo iye remo me giayala me timo cul.

²⁹Mo apat kodong i yi cing ngasaseredoti en ebino keto i wi dano kame kotie lonyo nono. Epone noni en kame ngasaseredoti bino timo kede pwola me lonyo dano kopwokere.

³⁰Di do ngasaseredoti ko bino yalo amam arabo eluke acel, di lubere kede kite kame etwero kede,

³¹bala giayala me kwanyo dub, kede ocelu mere eko yalo bala giayala awanga karacel kede giayala me alos. Iepone noni, ngasaseredoti bino timo pwola me lonyo dano kopwokere.

³²Manoni en pwola amako dano atie kede tuwo arac me delkom do di likame etwero kwanyo giayala kame mitere me lonyere.

³³Rwot oko waco ne Musa kede Aaron kaman:

³⁴Kame itununu i lobo me Kanan, en lobo kame ango amio wu pi doko meru, di ango ako keto gikame purao i ot ka ngatamoro,

³⁵won ot nono bino ot but ngasaseredoti di eko waco ne kop i kom gi nono.

³⁶Ngasaseredoti ko bino mino kokwanyo jame dedede atie i ot nono ooko, aso ka li, jamini nogo dedede kobino waco be opwokere. En eko bino donyo i yi ot

³⁷di eko ngingico gikopurao nono. Ka eko udo kakalulum amoto akwakwar, di eneeno bala etieko roko apama,

³⁸ngasaseredoti bino wok ooko di eko gono ot nono pi ceng kanyaare.

³⁹Di en eko bino bobo dwogo i ceng me kanyaare di eko medo ngingico en. Ka eko udo gi nono omedo nyai i apama me ot,

⁴⁰en ebino mino cik di oko tako ingaroi me apama kakopurao nono di oko ot uco gi kakopwokere ooko me bomba.

⁴¹Ingei manono en ebino mino kokiso apama me ot dedede kiber ki yie, di oko ot onyo gikame kokiso nogo kakopwokere tenge me bomba.

⁴²Di oko bino lunyo keto engaro apat kawang kame kokwanyo noka, doko di oko medo puco ot kiber.

⁴³Ka ot bobo oko cako purao ingei en tako ingaroi kede kikiso apama kede doko medo puce,

⁴⁴ngasaseredoti bino ot di eko ngingico en; ka eko udo kakopurao onyai i ot, udo ot nono otieko pwokere.

⁴⁵En ebino mino koreto ot nono, di oko tako ingaroi, ibaon kede apama mere dedede, di oko tero gi tenge me bomba kakopwokere.

⁴⁶Ngatamoro kame bino donyo i ot kame kogengo pien epurao, ngat nono bino doko dano kopwokere tuno piny yuto;

⁴⁷doko da jo dedede kame bino buto arabo cam i ot nono poore lwoko igoen gi.

⁴⁸Ka ngasaseredoti obino di eko ngingico di eko udo be kakopurao likame bobo omedo neeno ingei puco ot nono, en ebino tuco kakaler be ot nono likame opwokere, gikopurao otieko kwanyere.

⁴⁹Di do pi lonyo ot nono en ebino kwanyo winy are, yat seda, ausi akwar kede emompir.

⁵⁰En ebino ngolo winyo acel i yi agulu kame tie kede pii kame kotwomo ki atan amol,

⁵¹di eko kwanyo yat seda kede emompir kede ausi akwar karacel kede winyo akuo mere, di en eko rwako gi i remo me winyo kame kongolo i wi pii ca. Di eko kikiro remo nono tien kanyaare i kom ot kame kotie lonyo nono.

⁵²Epone noni en kame kobino lonyo kede ot kopwokere kede remo me winyo, kede pii me atan amol, kede winyo akuo, kede yat seda, kede emompir kede ausi akwar.

⁵³En eko bino jalakino winyo akuo nono por eoto obar tenge me bomba. Iepone noni, ngasaseredoti bino timo pwola me lonyo ot kopwokere di en eko doko ot kolonyere.

⁵⁴Magonogi en pwola amako tuwo arac me delkom;

⁵⁵buge, giakwoti, gikame kokolo; kede gikame purao i kom igoen kede i ude.

⁵⁶

⁵⁷Iswilia nogi moko ka gimoro obedo gikame opwokere arabo li.