Read kumam Esekeri 42 Bible Online

Esekeri 42 - kumam bible

Esekeri 42

¹Di icuo nono oko tera i diakal aoko adok i bad tetu malo, di eko tera i gedo kame oudo bad tetucel mere neeno kede diakal me yie, kede bad tetucel mere neeno kede gedo atie i bad tetu malo i diakal aoko.

²Ot kame oudo tie i bad tetu malo boro mere oudo tie mita ot kany, kede laco mere mita ot are kiwie kany.

³I bad tetucel en oudo eneeno kede kakatwolo kame laco mere tie mita tomon, kame oudo tie i nget tempulo; kede i bad tetucel en oudo eneeno kede diakal aoko kakame kotoro kede kide. Oudo kogere goropan adek malo, di goropa acelacel oudo apama mere dok i yie kalamo apama kame en oudo ecungo i wie.

⁴I bad tetu malo me gedo nono oudo tie iye kabeo kame boro mere tie mita ot kany, kede laco mere mita kany, di kadonyo mere tie i bad tetu nono.

⁵Agolai kame oudo tie i goropa me malo oudo diding kalamo me goropa me diere kede me piny, pien oudo komio apama me malo odok i yie, omio manono oko ngongo gi.

⁶Pien agolai me goropan adek nogo oudo kobedo wutakino gi di kicungo i wi icegun abongo keto ipirin kame gango gi bala me gedo ace atie i diakal aoko; goropa me malo oudo komio odonyo i yie kalamo me diere kede me piny.

⁷Oudo apama moro tie koriere aneeno kede agolai nogo i bad adok tetu diakal aoko, di eneeno kede agolai atie i diakal aoko; boro mere oudo tie mita ot are kiwie kany.

⁸Pien agolai kame oudo dok i bad tetu diakal aoko oudo boro gi tie mita ot are kiwie kany, do agolai kame oudo neeno kede tempulo boro gi oudo tie mita ot kany.

⁹Piny i dud agolai nogi ki bad tetu kide me ajikini me gedo nono, oudo tie iye ekeko kame donyo i diakal aoko ki kakame apama me diakal me yie cakere kiye. I bad tetu piny me tempulo oudo tie iye da gedo ace kacal kamanono, kakame neeno kede kakatwolo me nget tempulo i bad tetucel, kede i bad tetu ocelu oudo eneeno kede gedo me diakal aoko.

¹¹I nyim agolai nogo oudo tie iye kabeo; oudo gin kical acala bala epone me gedo nono atie i bad tetu malo: boco gi, laco gi, kite kame kotimo gi kede, ikekon gi oudo cal acala.

¹²I dud agolai me gedo me bad tetu piny nono, oudo tie ekeko kame donyo i ajikini mere i bad tetu kide, i dog apama me diakal me yie.

¹³Icuo nono oko waco na be, “Agolai atie i bad tetu malo kede i bad tetu piny, kame neeno kede kakatwolo me nget tempulo obedo agolai kacil, kakame josaseredoti aoto i nyim Rwot camo kiye giayala kacil kalamo. Kanono en kame gin kiketo iye giayala kacil kalamo: giayala me alos kede me kwanyo dub kede me timo cul.

¹⁴Kame josaseredoti oudo tie i tempulo di do kiko mito ot i diakal aoko, gin kipoore weko i agolai nogi igoen kacil kame gin oudo kingapo i esawa me tic ne Rwot. Gin kipoore loko igoen apat di pwodi likame kioto kakame jo ocokere iye.”

¹⁵Kakame icuo nono otieko pimo kede tempulo kede diakal me yie, en eko tera obeo ki erute me bad tetu kide, di eko pimo diakal aoko me tempulo rimaro.

¹⁶En eko kwanyo magada me pim di eko pimo boro mere me bad tetu kide, di eko udo etie mita tol are kede ot kany (250).

¹⁷En eko bobo pimo bad tetu malo, bad tetu piny, boco gin dedede oudo rom aroma kamanono, mita tol are kede ot kany (250).

²⁰En epimo bad ongwon dedede. Kanono oudo tie kede apama koluke. Apama nono oudo oluko kabedo kame boro mere tie mita tol are kede ot kany (250) ki bad dedede. Apama nono oudo poko gikacil kikom gi kalikame cil.