Read kumam Wel 2 Bible Online

Wel 2 - kumam bible

Wel 2

¹Rwot oko yamo ne Musa kede Aaron kaman:

²Jo me Isirael bino gero kimere gi ngat acelacel i ekodet gi, di lubere kede imendera gi. Gin kibino gero kimere gi di nyim gi neno Eema me ariamakin keda ki bad dedede.

³I bad tetu kide, bad kame ceng wok kiye, jo dedede koriribun i imendera me jo me ekeko ka Yuda bino gero kimere gi di lubere kede ikodeta gi. Nakason wot ka Aminadab en kame bino telo jo tutumia ot kanyaare kiwie ongwon kede tol kanyape (74,600), gin jo me ekeko ka Yuda.

⁵Jo kame bino bedo i bad gi tetucel en jo me ekeko ka Isakar. Netanel wot ka Suar en kame bino telo jo tutumia ot kany kiwie ongwon kede tol ongwon (54,400) me ekeko noni.

⁷I bad gi tetu ocelu jo me ekeko ka Sebulun bino bedo iye. Eliab wot ka Kelon en kame bino telo jo tutumia ot kany kiwie kanyaare kede tol ongwon (57,400) me ekeko noni.

⁹Isirikalen tutumia tol acel kede ot kanyauni kiwie kanyape kede tol ongwon (186,400) nogi en kame bino cako sirito ot i yi.

¹⁰I bad gi tetu piny, jo dedede koriribun i imendera me jo me ekeko ka Ruben bino gero kimere gi di lubere kede ikodeta gi. Elisur wot ka Sedeur en kame bino telo jo tutumia ot ongwon kiwie kanyape kede tol kany (46,500), gin jo me ekeko ka Ruben.

¹²Jo kame bino bedo i bad gi tetucel en jo me ekeko ka Simeon. Selumiel wot ka Surisadai en kame bino telo gi,

¹³gin jo tutumia ot kany kiwie kanyangon kede tol adek (59,300), gin jo me ekeko noni.

¹⁴I bad gi tetu ocelu bino bedo iye jo me ekeko ka Gad. Eliasap wot ka Reuel en kame bino telo jo tutumia ot ongwon kiwie kany kede tol kanyape ki ot kany (45,650) me ekeko noni.

¹⁶Isirikalen me ikodeta dedede kame bino bedo i imendera me jo me ekeko ka Ruben noni bino bedo tutumia tol acel kede ot kany kiwie acel kede tol ongwon ki ot kany (151,450). Gin kibino bedo esirit me are.

¹⁷Di do i dierediere me ikodeta are me agege kede are me ajikini bino bedo iye ekodet me jo me ekeko ka Lebi. Gin kibino yeno Eema me ariamakin keda. Dule apapat me ekodet noni bino sirito di kilubere aluba, acelacel di mako imendera mere.

¹⁸I bad tetu tim, jo dedede koriribun i imendera me jo me ekeko ka Epuraimu bino gero kimere gi di lubere kede ikodeta gi. Elisama wot ka Amikud en kame bino telo jo tutumia ot ongwon kede tol kany (40,500), gin jo me ekeko ka Epuraimu.

²⁰Jo kame bino bedo i bad gi tetucel en jo me ekeko ka Manase. Gamaliel wot ka Pedasur en kame bino telo jo tutumia ot adek kiwie are kede tol are (32,200), gin jo me ekeko noni.

²²I bad gi tetu ocelu bino bedo iye jo me ekeko ka Benjamin. Abidan wot ka Egidioni en kame bino telo jo tutumia ot adek kiwie kany kede tol ongwon (35,400), gin jo me ekeko noni.

²⁴Isirikalen me ikodeta dedede kame bino bedo i imendera me jo me ekeko ka Epuraimu noni bino bedo tutumia tol acel ki kanyauni kede tol acel (108,100). Gin kibino bedo esirit me adek.

²⁵I bad tetu malo, jo dedede koriribun i imendera me jo me ekeko ka Dan bino gero kimere gi di lubere kede ikodeta gi. Akieser wot ka Amisadai en kame bino telo jo tutumia ot kanyape kiwie are kede tol kanyaare (62,700), gin jo me ekeko ka Dan.

²⁷Jo kame bino bedo i bad gi tetucel en jo me ekeko ka Aser. Pagiel wot ka Akeran en kame bino telo jo tutumia ot ongwon kiwie acel kede tol kany (41,500), gin jo me ekeko noni.

²⁹I bad gi tetu ocelu bino bedo iye jo me ekeko ka Naputali. Akira wot ka Enan en kame bino telo jo tutumia ot kany kiwie adek kede tol ongwon (53,400), gin jo me ekeko noni.

³¹Isirikalen me ikodeta dedede kame bino bedo i imendera me jo me ekeko ka Dan noni bino bedo tutumia tol acel kede ot kany kiwie kanyaare kede tol kanyape (157,600). Gin kibino bedo esirit me ajikini.

³²Jo dedede me Isirael kame oko wandiko i ikodeta nogi di lubere kede ude me joakwari gi oudo oko bedo jo tutumia tol kanyape kede adek, kede tol kany i ot kany (603,550).

³³Bala kame Rwot oudo ociko ne Musa, likame bin oko maro Jolebi i kom jo icegun me Isirael.

³⁴Jo me Isirael bin oko timo gikame Rwot ociko negi: gin kigero kimere gi ekodet acelacel kede imendera mere, di kiko sirito da iepone acel nono, di lubere kede ude ka joakwari gi.