Read kumam Wel 29 Bible Online

Wel 29 - kumam bible

Wel 29

¹I ceng me agege me duwe me kanyaare ibinunu bedo i cokere kacil; likame ibinunu timo tice wu. Ceng nono kobino kuto iye agwara.

²Jo bino mino giayala awanga kame ngwe kur but Rwot: etobait acel, emerekek acel, kede idwe romini acuo kanyaare me mwaka acelacel; gin dedede miero di kili kede peko moro i kom gi.

³Ibinunu mino giayala me alos kame konungo kiber di oko nyonge kede mo me olibeti: kilo adek me alos nono kobino yalo karacel kede twon acelacel, kilo are mere kobino yalo karacel kede emerekek,

⁴di kilo acel oko bino yalo karacel kede atin oromo acelacel.

⁵Ibinunu da mino giayala me ekoroi acel bala giayala me kwanyo dub. Manono en pwola me lonyo jo kidub gi.

⁶Ibinunu mino giayala nogi medo i wi giayala awanga me duwe anyen kede giayala mere me alos, kede giayala me buli ceng kede giayala mere me alos, karacel kede giayala amata gi. Giayala me cam nogi yomo cuny Rwot.

⁷I buto duwe tomon me duwe me kanyaare cokere kacil bino bedo tie; likame jo bino camo gimoro akadi timo tic moro.

⁸Kobino mino giayala awanga kame ngwe kur but Rwot: etobait acel, emerekek acel, idwe romini acuo kanyaare me mwaka acelacel. Gin miero di kili kede peko moro i kom gi.

⁹Ibinunu mino giayala me alos kame konungo kiber di oko nyonge kede mo me olibeti: kilo adek me alos nono kobino yalo karacel kede twon acelacel, kilo are mere kobino yalo karacel kede emerekek,

¹⁰di kilo acel oko bino yalo karacel kede atin oromo acelacel.

¹¹Kobino da mino giayala me ekoroi acel bala giayala me kwanyo dub, medo i wi maca kame oudo komio bala giayala me kwanyo dub me jo, kede giayala awanga me buli ceng karacel kede giayala mere me alos kede me amata.

¹²I buto duwe tomon kiwie kany me duwe me kanyaare, cokere kacil bino bedo tie; jo likame bino timo tice gi. Kobino tedo ebaga me kimere pi ceng kanyaare pi mino wor but Rwot.

¹³I ceng me agege mere kobino mino but Rwot giayala me cam kame ngwe kur: itobai tomon kiwie adek, imerekekin are, kede idwe romini acuo tomon kiwie ongwon me mwaka acelacel, gin dedede di kili kede peko moro i kom gi.

¹⁴Ibinunu mino giayala me alos kame konungo kiber di oko nyonge kede mo me olibeti: kilo adek me alos nono kobino yalo karacel kede twon acelacel, kilo are mere kobino yalo karacel kede emerekek,

¹⁵di kilo acel oko bino yalo kede atin oromo acelacel, karacel kede giayala amata bala kame mitere.

¹⁶Ibinunu da mino giayala me ekoroi acel bala giayala me kwanyo dub. Kobino mino giayala nogi medo i wi giayala me buli ceng kede giayala mere me alos kede me amata.

¹⁷I ceng me are kobino mino giayala me itobai tomon kiwie are, imerekekin are, kede idwe romini acuo tomon kiwie ongwon me mwaka acelacel, gin dedede miero di kili kede peko moro i kom gi.

¹⁸Kobino mino giayala nogi karacel kede giayala apat dedede bala kame kotimo i ceng me agege.

²⁰I ceng me adek kobino mino giayala me itobai tomon kiwie acel, imerekekin are, kede idwe romini acuo tomon kiwie ongwon me mwaka acelacel, gin dedede miero di kili kede peko moro i kom gi.

²¹Kobino mino giayala nogi karacel kede giayala apat dedede bala kame kotimo i ceng me agege.

²³I ceng me ongwon ibinunu mino giayala me itobai tomon, imerekekin are, kede idwe romini acuo tomon kiwie ongwon me mwaka acelacel, gin dedede miero di kili kede peko moro i kom gi.

²⁴Ibinunu mino giayala nogi karacel kede giayala apat dedede bala kame kotimo i ceng me agege.

²⁶I ceng me kany kobino mino giayala me itobai kanyangon, imerekekin are, kede idwe romini acuo tomon kiwie ongwon, gin dedede miero di kili kede peko moro i kom gi.

²⁷Ibinunu mino giayala nogi karacel kede giayala apat dedede bala kame kotimo i ceng me agege.

²⁹I ceng me kanyape kobino mino giayala me itobai kanyauni, imerekekin are, kede idwe romini acuo tomon kiwie ongwon me mwaka acelacel, gin dedede miero di kili kede peko moro i kom gi.

³⁰Ibinunu mino giayala nogi karacel kede giayala apat dedede bala kame kotimo i ceng me agege.

³²I ceng me kanyaare kobino mino giayala me itobai kanyaare, imerekekin are, kede idwe romini tomon kiwie ongwon me mwaka acelacel, gin dedede miero di kili kede peko moro i kom gi.

³³Kobino mino giayala nogi karacel kede giayala apat dedede bala kame kotimo i ceng me agege.

³⁵I ceng me kanyauni ibinunu bedo i cokere kacil, likame jo bino timo tice iye.

³⁶Ibinunu mino giayala awanga bala giayala me cam kame ngwe kur but Rwot: etobait acel, emerekek acel, kede idwe romini acuo kanyaare me mwaka acelacel, gin dedede di kili kede peko moro i kom gi.

³⁷Ibinunu mino gi bala giayala karacel kede giayala apat dedede bala kame kotimo i ceng me agege.

³⁹Magonogi en iswilia kame mako giayala awanga, giayala me alos, giayala amata, kede giayala me nywak kame ibinunu mino buta i kare me ibagai kame kotieko moko. Kobino mino giayala nogi medo i wi giayala kame imiunu pi cobo kwongere wu arabo me bercuny.

⁴⁰Aso, Musa bin oko waco ne jo me Isirael kope dedede bala kame oudo Rwot ociko ne.