Read kumam Wel 4 Bible Online

Wel 4 - kumam bible

Wel 4

²“Marunu jo me ekeko ka Kokat, di lubere kede joakwari gi kede miere gi,

³cako kibut jo me mwakini ot adek me dongo tuno i mwakini ot kany, gin en jo kame twero timo tic amakere kede Eema me ariamakin keda.

⁴Tic me jo ka Kokat i Eema me ariamakin keda makere kede jamini kacil.

⁵“Kame kare otuno me dako kimere, Aaron kede awobe mege bino gonyo esuka kame galao kakame Sanduku me Isikan tie iye, di gin kiko umo Sanduku kede egoe nono.

⁶Di do kiko bino medo ume kede del apwot, di kiko ume kede egoe ebululu ebululu, di kiko rwako ne atekai me yene.

⁷“Gin kibino peto egoe ebululu ebululu i wi emesa kame koketo iye mugati kame koyalo ne Rwot, di kiko keto iye suanin, itatany me dunyo odok angwe kur, kalayan, jagin me giayala amata, kede do mugati me nakanaka.

⁸Di do gin kiko bino umo gi kede egoe akwar, di kiko medo ume kede del apwot di kiko rwako ne atekai me yene.

⁹“Gin kibino kwanyo egoe ebululu ebululu di kiko umo kede gicibo etala, kede italan mege, kede gime kepo wi ausin mege, itatany mege, kede kakame kopiko iye mo.

¹⁰Gin kiko bino medo bono gi kede del apwot di kiko cibe i kom yen kame koguro me yeno gi.

¹¹“Alubo mere gin kibino yaro egoe ebululu ebululu i wi alutari kame kotimo kede saabu, di kiko medo ume kede del apwot, di kiko rwako ne atekai me yene.

¹²Gin kibino kwanyo jamini dedede kame kotio kede gi i Kabedo Kacil di kiko bono gi kede egoe ebululu ebululu, di kiko medo umo gi kede del apwot di kiko keto gi i kom yen kame koguro me yeno gi.

¹³Gin kibino kwanyo buru ki wi alutari, di kiko ume kede egoe akwakwar.

¹⁴Di kiko bino keto iye jamini dedede kame kotimo kede tic i wi alutari, kame ribo itatany me kwanyo buru aliet, ilumai, gi me kikiso wi alutari, kede kalayan. Di do kiko bino medo ume kede del apwot di kiko rwako atekai me yene.

¹⁵Kame kare me dako kimere otuno, jo me ekeko ka Kokat bino yeno jamini kame kotio kede gi me wora ingei Aaron kede awobe mege tieko bono gi kiber. Jo ka Kokat nogo likame poore mulo jamini kame kotio kede gi me wora, aso ka li kibino to. “Magonogi en obedo tice me jo me ekeko ka Kokat i kabedere dedede kame kobino kobo iye Eema.

¹⁶“Eleasar wot ka Aaron bino bedo ngat kame lo Eema dedede kede mo me italan, kede odok angwe kur, kede giamia me alos, mo me wir kede jamini dedede kame tie i Eema kame kotieko kwero buta.”

¹⁷Rwot oko meede kede yamo but Musa kede Aaron be, “Jo me ekeko ka Kokat likame poore noko akadi neno jamini kame kotio kede gi me wora, tuno di Aaron kede awobe mege kong ber oumo jamini nogo. Aso ka li, gin kibino to dedede kikom Jolebi. Pi manono, Aaron kede awobe mege en kame bino donyo kede gin i yi Eema di kiko waco negi gikame ngat acelacel kikom gi poore timo.”

¹⁸

¹⁹

²⁰

²¹Rwot oko waco ne Musa be,

²²“Mar wel jo me ekeko ka Gereson, di lubere kede joakwari gi kede miere gi,

²³cako kibut jo me mwakini ot adek me dongo tuno i mwakini ot kany, gin en jo kame twero timo tic amakere kede Eema me ariamakin keda.

²⁴Tic gin bino bedo yeno gigi:

²⁵gin kibino donyo yeno isukan kame poko yi Eema, aum mere me ooko, kede aum me del apwot kame kodokakino i kom manono, kede egoe me galao ekeko mere,

²⁶kede isukan aluko diakal mere, kede egoe agalao kadonyo i diakal mere, kede jamini dedede me twetweo kede dudupo gi nogi. Gin kibino timo tice dedede amakere kede gi nogi.

²⁷Aaron kede awobe mege bino neno be tice nogi dedede jo ka Gereson otimo, doko kiko lubo gi dedede kame gin kibino waco negi.

²⁸Magonogi en obedo tic me jo me ekeko ka Gereson amakere kede Eema me ariamakin keda; Itamar wot ka Aaron ngasaseredoti en kame bino bedo neno be jo otimo tice nogi.”

²⁹Rwot oko waco ne Musa be, “Mar wel jo me ekeko ka Merari, di lubere kede joakwari gi kede miere gi,

³⁰cako kibut jo me mwakini ot adek me dongo tuno i mwakini ot kany, gin en jo kame twero timo tic amakere kede Eema me ariamakin keda.

³¹Tic gin bino bedo yeno ibaon, atekai, ipirin kede agangeta me Eema,

³²kede yeno ipirin, agangeta, loce, aunoi kede jamini dedede amakere kede gero diakal aluko Eema.

³³Magonogi en obedo tic me jo me ekeko ka Merari amakere kede Eema me ariamakin keda; Itamar wot ka Aaron ngasaseredoti en kame bino bedo neno be jo otimo tice nogi.”

³⁴Aso Musa kede Aaron kede jotel me Isirael oko maro wel me jo ka Kokat, di lubere kede joakwari gi kede miere gi,

³⁵cako kibut jo me mwakini ot adek me dongo tuno i mwakini ot kany, jo dedede kame twero timo tic amakere kede Eema me ariamakin kede Rwot.

³⁶Di wel gin dedede di lubere kede ikekon ka joakwari gi oko tuno tutumia are kede tol kanyaare kede ot kany (2,750).

³⁷Manoni en obedo wel me jo me ekeko ka Kokat di lubere kede ikekon ka joakwari gi, jo kame oudo poore tic i Eema ka Rwot, gin jo kame Musa kede Aaron oudo owandiko di lubere kede cik ka Rwot.

³⁸Jo me ekeko ka Gereson, di lubere kede joakwari gi kede miere gi,

³⁹cako kibut jo me mwakini ot adek me dongo tuno i mwakini ot kany, jo dedede kame twero timo tic amakere kede Eema me ariamakin kede Rwot,

⁴⁰wel gin dedede di lubere kede ikekon ka joakwari gi oko tuno tutumia are kede tol kanyape kede ot adek (2,630).

⁴¹Manoni en obedo wel me jo me ekeko ka Gereson di lubere kede ikekon ka joakwari gi, jo kame oudo poore tic i Eema ka Rwot, gin jo kame Musa kede Aaron oudo owandiko di lubere kede cik ka Rwot.

⁴²Jo me ekeko ka Merari, di lubere kede joakwari gi kede miere gi,

⁴³cako kibut jo me mwakini ot adek me dongo tuno i mwakini ot kany, jo dedede kame twero timo tic amakere kede Eema me ariamakin kede Rwot,

⁴⁴wel gin dedede di lubere kede ikekon ka joakwari gi oko tuno tutumia adek kede tol are (3,200).

⁴⁵Manoni en obedo wel me jo me ekeko ka Merari di lubere kede ikekon ka joakwari gi, gin jo kame Musa kede Aaron oudo owandiko di lubere kede cik ka Rwot.

⁴⁶Jo dedede kame Musa kede Aaron kede jotel me Isirael oko wandiko, di lubere kede joakwari gi kede miere gi,

⁴⁷cako kibut jo me mwakini ot adek me dongo tuno i mwakini ot kany, jo dedede kame twero timo tic amoto yeno jamini amakere kede Eema me ariamakin kede Rwot,

⁴⁸wel gi oko tuno tutumia kanyauni kede tol kany kede ot kanyauni (8,580).

⁴⁹Musa bin oko maro wel gin dedede di lubere kede cik ka Rwot, di eko popoko negi epone me timo tic i Eema amoto me yeno jamini amakere kede.