Read kumam Sakaria 2 Bible Online

Sakaria 2 - kumam bible

Sakaria 2

¹I gianyuta ace bobo, ango ako neno icuo koudo tie kede tol me pimo boro i cinge.

²Ango ako penye be, “In itie ot tuai?” En eko dwoko na be, “Atie ot Yerusalem pi pimo laco mere kede boro mere.”

³Di ango ako neno malaika koudo oyamo keda oko bino anyim, di ace da bobo oko bino pi riamo kede.

⁴Malaika me agege oko waco ne ocelu be, “Ringi ioti iwac ne awobi atie mako tol me pimo boro ca be, jo kede leini bino garo apama me cel me Yerusalem, pi manono en ebino bedo bala calere kame li kede apama.

⁵Rwot owaco be en ebino bedo apama me mac koluko Yerusalem, doko da ebino bedo deyo kame tie iye.”

⁶Rwot owaco ne jo mege be, “Ango asasaro wu obukui bala yamere kame buko i bad ongwon. Do nan yaunu! Lwiunu ki Babilon ikounu dwogo Yerusalem.

⁸Ngatamoro kame bino suro wu rom aroma bala ecobo wanga.” Aso Rwot me jo yi oko cwana kede kop but jo koudo oyako jo mege be,

⁹“Rwot kikome en kame bino yi kede wu, di jo koudo obedo ipasoi wu en kame ko bino yako wu.” Kame manoni otimere, jo dedede bino ngeno be Rwot me jo yi en kocwaa.

¹⁰Rwot waco be, “Werunu pi kilel, wun jo me Yerusalem, pien ango atie bino bedo i diere wu.”

¹¹I kare nono atekerin atot bino bino but Rwot di kiko doko jo mege. En ebino bedo i diere wu di wun ikounu bino ngeno be Rwot me jo yi en kocwaa butu.

¹²Rwot bino doko mino Yuda doko mere, i lobo kacil, di eko bobo yero Yerusalem pi bedo bomba mere.

¹³Lingunu titi i nyim Rwot, wun jo dedede; piento en etieko yai ki kabedo mere kacil etie bino.