Read kumam Matayo 1 Bible Online

Matayo 1 - kumam bible

Matayo 1

¹Man en nying joakwari ka Yesu Kirisito, ngat kobedo akwar Daudi kede Aburaam.

²Aburaam onywalo Isaka, Isaka oko nywalo Yakobo, Yakobo oko nywalo Yuda kede imiegu mege,

³Yuda kede cege Tamar oko nywalo Peresi kede Seera, Peresi oko nywalo Keseroni, Keseroni oko nywalo Aram,

⁴Aram oko nywalo Aminadab papa me Nakason, Nakason oko nywalo Salamoni,

⁵Salamoni kede cege Rakab oko nywalo Boasi, Boasi kede cege Lusi oko nywalo Obed, Obed oko nywalo Yese,

⁶Yese oko nywalo Abaka Daudi. Daudi kede dako ka Uria oko nywalo Sulumani,

⁷Sulumani oko nywalo Rekobuamu, Rekobuamu oko nywalo Abija, Abija di oko nywalo Asap,

⁸Asap oko nywalo Yekosapati, Yekosapati oko nywalo Yoram, Yoram oko nywalo Usia,

⁹Usia oko nywalo Yotam, Yotam oko nywalo Akas, Akas oko nywalo Esekia,

¹⁰Esekia oko nywalo Manase, Manase oko nywalo Amosi, Amosi oko nywalo Yosia,

¹¹Yosia oko nywalo Yekonia kede imiegu mege i kare kame otero gi kede Babilon.

¹²Ingei kare kame kotero gi kede Babilon: Yekonia oko nywalo Salatiel, Salatiel oko nywalo Serubabel,

¹³Serubabel oko nywalo Abiuda, Abiuda oko onywalo Eliakim, Eliakim oko nywalo Asora,

¹⁴Asora oko nywalo Sadoki, Sadoki oko nywalo Akim, Akim oko nywalo Eliud,

¹⁵Eliud oko nywalo Eriesa, Eriesa oko nywalo Matani papa me Yakobo,

¹⁶Yakobo oko nywalo Yosepu cwar Maria, kame oko nywalo Yesu kame kolwongo be Kirisito.

¹⁷Aso, oudo tie joakwari tomon kiwie ongwon cako kibut Aburaam tuno but Daudi. Do cakere kibut Daudi tuno kede i kare kame kotero gi kede Babilon, oudo tie joakwari tomon kiwie ongwon; kede da oudo tie joakwari tomon kiwie ongwon cako i kare kame kotero gi kede i ipasun i Babilon tuno but Kirisito.

¹⁸Nywalo Yesu Kirisito riki obedo iepone ni. I kare kame Maria toto mere bin Yosepu onero nyomo, oko ngere be Maria oudo oyac pi twer me Tipo Kacil di pwodi likame kiribo kabuto.

¹⁹Kite kame Yosepu oudo obedo kede ngat kame timo gi kopoore kede kalikame mito mine lewic, en gire eko moko tam mere pi wekere kede Maria i mung.

²⁰Do bin di etie paro kop noni, malaika ka Rwot oko nyutere bute i wang lek di oko waco ne be, “In Yosepu akwar Daudi, kur ibed kede lworo pi tero Maria doko dako ni, pien en eyac pi twer me Tipo Kacil.

²¹En ebino nywalo atin awobi di iko cako nyinge Yesu, piento en ebino lako jo ki dub gi.”

²²Magi dedede bin otimere pi mino cobere kakare kop ka Rwot, kame bin ewaco i dog enabi be,

²³“Neni, nyako kame pwodi likame ngeo icuo bino yac di en eko nywalo atin awobi, di oko bino cako nyinge Emanuel,” kame dwong mere be, “Rubanga tie karacel kede wa.”

²⁴Kakame bin Yosepu ocei kede ki nino, en eko timo bala kite kame bin malaika ka Rwot ocike kede; en eko tero Maria oko doko dako mere.

²⁵Do Yosepu likame oko ngere kede Maria, tuno kede Maria nywalo atin awobi, di en eko cako nyinge Yesu.