Read kumam 1 Jokorinti 13 Bible Online

1 Jokorinti 13 - kumam bible

1 Jokorinti 13

¹Akadi ka ango ayamo leb jo kede me imalaikan, do di ali kede amara, udo acal bala olang kame kok arabo tum kame kotie gono.

²Akadi ka ango atie kede twer me imurai, di aniang gi dedede komungere kede ngec dedede, kede ka atie kede yei kame mitere dedede kame twero kobo mori, do di ali kede amara, kony na udo li.

³Akadi ka ango agabo jo jame dedede kame ango atie kede, kede ka amio koma me awanga, do di ali kede amara, likame tie gimoro kame audo kiye.

⁴Amara dire, doko emwol; eli kede nyeko arabo ewaka;

⁵eli kede deng arabo gero. Amara likame paro pire kenekene; likame cunye wang arabo emako kop arac i cunye;

⁶amara likame lelo pi gikarac, do elelo pi ateni.

⁷Amara likame kwanyo cunye, eyei gi dedede, egeno gi dedede, ekanyakino gi dedede.

⁸Amara likame jik; do imurai bino jik; giamia me yamo i leb anyen bino jik; ngec da bino jik.

⁹Pien giamia wa me ngec kede me imurai tie kede rem;

¹⁰do kame gikame li kede rem obino, gikame tie kede rem bino jik.

¹¹Di bin ango atin, oudo ayamo bala atin, atamo bala atin; do kakame adoko kede dano adwong, ako weko tim me tino.

¹²Pien nataman wan onenunu cal kame warawara i ilabura, do obinunu neeno wang kede wang. Gikame nan ango angeo tie dul kenekene; do abino ngeno odocon, bala kame Rubanga ngea kede odocon.

¹³Aso, yei, gen kede amara, gin adek gi kidong atwal; do kame pire dwong kalamo gin dedede en amara.