Read kumam 2 Yokana 1 Bible Online

2 Yokana 1 - kumam bible

2 Yokana 1

¹Baluwa kowok kibut Adwong. But dako kame koyero, kede idwe mege, jo kame amaro ateteni, do likame ango kenekene do paka jo dedede kame ngeo ateni,

²pien wan otie kede ateni i cuny wa, doko da ebino bedo kede wa nakanaka.

³Akwao kisa, mwolo kede mulem kame wok kibut Rubanga Papa kede kibut Yesu Kirisito Wot ka Papa, bed but wa, i ateni kede i amara.

⁴Ango ako bedo kede kilel kame kalamo pi udo be idwe nin mogo tie lubo kuo me ateni, bala kame Papa otieko ciko ne wa kede.

⁵In dako kame koyero, ango nan atie kwani, likame etie bala ango atie wandiko ni cik anyen, do en etie cik kame wan oudo obedunu tie kede cako i agege, en ine be, omarerenu kenwa kenwa.

⁶Amara nono en ine be, wan poore olubunu cik ka Rubanga. Cik nono, bala kame ibedunu winyo kede cako i agege, en ine be, miero ibedunu kede amara.

⁷Joangalo atot otieko sarakin i piny, jo kalikame yei be Yesu Kirisito obino bala dano. Dano moro kame cal kamanono obedo ngaangalo, doko en Ngakwor ka Kirisito.

⁸Gwokerenu tetekeny kur ikeunu gikame itiekunu timo tic pire, do me wek ibin iudunu giamia me pwoc wu lung.

⁹Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.

¹⁰Ka ngatamoro obino butu abongo pwony nono, kur igamenu i miere wu akadi mote da.

¹¹Pien ngat kame mote udo nywako kede en timo tice mege areco nogo.

¹²Bed bala ango atie kede kope atot kame apoore wandiko ne wu, do aparo be miero kur doko awandiko gi awandik, do ango atie kede gen me bino neno wu wang i wang di ako yamo kede wu, tetekeny opongunu kede kilel.

¹³Idwe ka amini kame koyero cwao ni amot.