Read kutep Matiyu 1 Bible Online

Matiyu 1 - kutep bible

Matiyu 1

¹Abane si rishi na Yesu Kristi[1]. Awu si umbae Dawuda. Dawuda ama si umbae Ibrahim.

²Ibrahim mbae Ishaku, Ishaku mbae Yakubu, Yakubu mbae Yawuda ti ameinja-wu.

³Yawuda mbae Perezi ti Zera, iya-ba si Tamar. Perezi mbae Heziron. Heziron mbae Ram.

⁴Aram mbae Aminadab, Aminadab mbae Nashon, Nashon mbae Salmon.

⁵Salmon mbae Bowazi, iya-wu si Rahaba. Bowazi mbae Obed. Iya Obed si Ruti. Obed mbae Jese.

⁶Jese mbae Ukwe Dawuda. Dawuda mbae Solomon, iya-wu si uwa Uriya.

⁷Solomon mbae Rehobowam, Rehobowam mbae Abija, Abija mbae Asaf.

⁸Asaf mbae Jehoshafat, Jehoshafat mbae Joram, Joram mbae Uziya.

⁹Uziya mbae Jotam, Jotam mbae Ahazi, Ahazi mbae Hezekiya.

¹⁰Hezekiya mbae Manase, Manase mbae Amon, Amon mbae Josiya.

¹¹Josiya mbae Jekoniya ti ameinja-wu kiye ti ande ti rika ci anyisu Isirela u ye pu ba ru yi uten ti Babila.

¹²Kiye ti anyisu Isirela ta uwae uten ti Babila, Jekoniya ru ka mbae Sheyatiyel. Sheyatiyel mbae Zerubabel.

¹³Zerubabel mbae Abiyud, Abiyud mbae Eliyakim, Eliyakim mbae Azor.

¹⁴Azor mbae Zadoki, Zadoki mbae Akim, Akim mbae Eliyud.

¹⁵Eliyud mbae Eleyazar, Eleyazar mbae Matan, Matan mbae Yakubu.

¹⁶Yakubu ama mbae Yusufu ti si ubaen Mberimu ti mbae Yesu ti a ku kunn wu baa, Unde ti Rimam Tsab Tsi.

¹⁷Kumbub rishi ti sa ti kiye Ibrahim ru ba kiye Ukwe Dawuda si rijwe asu inje. Kumbub rishi ti sa kiye Ukwe Dawuda ru ba kiye ti a ye pu anyisu Isirela ru yi uten ti Babila ka rijwe asu inje ama. Nwunn kiye ti a pu anyisu Isirela tso yi Babila ru ba kiye ti a mbae Awu ti Rimam Yerkukob si kumbub rishi ka rijwe asu inje.

¹⁸Fengo ti a mbae Yesu Kristi ta ri. Yusufu ye sam Mberimu iya Yesu, amaa, ti ti aba baen-ba atso khika be Kusung Rimam nda Mberimu kyaen rishwu.

¹⁹Ubaen-wu Yusufu si unde ti kubenti, amaa, awu ku sha-wu ti awu u pyir ira Mberimu u nda wu rikwae ti wae uwe ande be. Ikyaen yine awu nde fengo ti awu u fxae ribaen-wu te Mberimu yi uwae kitam.

²⁰Amaa, isim ti awu kab mam pu wu ira yine uwae utob-wu, atom Rimam iki ru ba tu wu uwae kurwa u ri te wu baa, “Yusufu, umbae Dawuda, kyen-fu ikyenricwu be. Mbe Mberimu, ikyaen ti, rishwu ti awu kyaen ne, Kusung Rimam ti nda wu rishwu yi.

²¹Awu u mbae umbae ti urom, afu u fwa rinyi-wu baa Yesu[2], ikyaen ti, awu ti u nwangru ande-wu uwae ikentitibi-ba.”

²²Iken yine meme nde ikyaen ti ayi ā kumunn ira ti Rimam ri ti kute yi unju na unde wu ti ku ya iskin ira-wu baa,

²³“Ni nung! Mbawandab iki u kyaen rishwu u mbae umbae ti urom, ama a u fwa rinyi-wu baa, Emanuwel, ti imbyi-yi baa, Rimam som te ti.”

²⁴Isim ti Yusufu shwu kicwag, awu nde pangma ti atom Rimam ri te wu u ka mbe uwa-wu Mberimu.

²⁵Awu nae te-wu Mberimu be, se isim ti awu mbae pu wu umbae-wu, ama awu fa rinyi umbae wu baa, Yesu.