Read kutep 2 Korinti 3 Bible Online

2 Korinti 3 - kutep bible

2 Korinti 3

¹Ira ti ame ri ne, ati ku teb risu-ti a? Ariki ku ri baa, se a ri nyang rinyi unde uwae kutsingken titawe aba u cwe ira-wu. Ira-ti te ni si-yi ahan be. Ati ku sha-ti itso kutsingken wune risu-ni be. Ani ama ku sha-ni itso kutsingken wune risu-ti be.

²Ani ti risu-ni ti si kutsingken-ti ti ati sa bae si uwae riyaen utob-ti, ikyaen ti ande meme na sae u nùng putsa.

³Ani ti risu-ni ti si kutsingken ti ru uwog Kristi ba, ti si kujwo wande-ti ti ti nde. Ira yi ama, a bae-ba yi te rikàen ti a ku bae iken atang be. A bae yi te Kusung Rimam ti tsi kukunn. A bae-ba yi risu kupám be, a bae yi riyaen utob ande.

⁴Ati tsi ting ting uwae ira yine ikyaen ti, ati sa ijwe-ti konje uwog Rimam uwae kujwo wande na Kristi.

⁵Ati ti risu-ti u nde tu-ti iken iki be. Ati u nde tu-ti wande iki ti ribom ijwe-ti be. Rimam amam ti nda ti, ati nde tu iken.

⁶Awu ti nda ti kuko ti ti na si apyi na unju ti yer ti tishe ti awu sa ba. Unju ti yer tishe yine si-yi icwe iki ti ukaen amam ti ande iki bae uwae kutsingken be, ayi si iken na Kusung Rimam. Icwe yi ti a bae tsi kucang, ayi shir iticwu ba risu ande, iken ti Kusung Rimam shir ba na ande si unyang.

⁷Itimyae ti Rimam myae yi fengo na icwe ti a bae ijwe kutxom, ayi shir iticwu ru ba. Ko ti ayi si ahan, Rimam tatso kuko-wu atang u nda kutxuwe Musa tsen u ku jijaen ku wur wur ka sang ti ande ti Isirela sae tu-ba yi te ayib be, ko ti uwog ti saen kyag wu yag ku ti ta. Itimyae ti kucang yi ti shir iticwu ba né, ayi ru ba ti kuko Rimam.

⁸Itimyae ti Kusung Rimam u sa ba uwe ike, u site-yi te kuko siskeb be a.

⁹Itimyae na Rimam ti kucang ti a ku pwen ande rikwén iticwu atang ku tso kuko na Rimam. Itimyae tishe ti Rimam ku pwen ande rikwén ti tinyang atang u ba tso kang kuko Rimam skeb kyi-yi ayi ti kucang be a.

¹⁰Kubenti, riyinn na itimyae ti kucang, ti kuko-wu, si-yi iken iki uwog-ti cwucwo be ikyaen ti, itimyae tishe skeb yi te kuko ti riyinn.

¹¹Itimyae ti kucang, ti tsi-yi tsi be u wur ru, site riyinn na Rimam. Itimyae ti u tsi kukunn u site kang riyinn na Rimam skeb kyi ti kucang yang-yi akwen cwucwo.

¹²Ti ati site itso iken yine ti ati sa uwae tsi atang, ati ku tsi uwe ande u ku wae-ti rukwae be ko tikiyib.

¹³Ati ku tam-ti uwe-ti pangma ti Musa nde be. Awu pu kutupwa takyi kutxuwe-wu ikyaen ti ande ti Isirela na nung-ba itisaen kyag yi kiye ti ayi ku yagtita be.

¹⁴Kubenti, utob-ba kwenkyi pu yi. Ba ku kwer ti yaka ne, kiye ti aba a sae ayib si uwae ira risu unju ti yer titikyi, kutupwa wune ta ti atang. Awu u mbubta-wu be ama. Ikyaen ti, ayi si Kristi amam ti ku ye ra wu ru.

¹⁵Ko yaka ne ma, kiye ti ande bane a sae ayib si uwae kutsingken na Icwe, kutupwa wu bur kyi riyaen utob-ba.

¹⁶Amaa, kiye ti unde a kafe uwe tag Itsekuru, kutupwa wune u yagta.

¹⁷Ira risu “Itsekuru” ti a bae ne, si Kusung. Ama uwog ti Kusung Itsekuru a ta atang, ande u tu itisaenta.

¹⁸Meme-ti tine, kutupwa takyi-yi uwe-ti be. Ikyaen na yine uwe-ti si pangma iken ti ku sae ayib ti ande ku sae uwog ti saen kyag na rurob Rimam atang. Ati ti risu-ti, rurob Rimam wune ku nda ti kafe pangma awu Rimam, u ku nda ti riyinn ti ko ku fufa ru ku fife yi uwe. Ayine si wande na awu Itsekuru-ti, awu ti si Kusung Rimam wu.