Read kutep 1 Timoti 5 Bible Online

1 Timoti 5 - kutep bible

1 Timoti 5

¹Fwan-fu unde ti kwēn ra pu wu kibyag be. Ri ira te wu pangma awu na si itse-fu. Ri ira te anyisu itaen pangma ameinja ti asham uwae-fu.

²Nung anda ndufu pangma abiya-fu, ti nung anyisu wandab pangma aba na si ambakaya-fu. Sha-fu aba sha be.

³Aba awa icwu ti site-ba unde ti u ndeya ba be, sa rurob na ba ti ndeya ba.

⁴Amaa, asiti uwa icwu a site anyisu-wu ko anyisu anyisu-wu, aba ti u shi abiya-ba, ikyaen ti, ayi si wande-ba uwe Rimam ti a u nung kununn-ba nyinyang u fenkyi rikaen ti abitse-ba ti abiya-ba nde na ba. Rimam ku tsen utob ti wande yine.

⁵Unda ti si uwa icwu ti kubenti u site-wu unde iki ti ku nungkyi wu be, awu sa ijwe-wu konje pu wu Rimam. Ko kiye titini awu ku jwam itindeya uwog Rimam.

⁶Amaa uwa icwu ti sa utob-wu na rifunn ti utense, ku ci ku ngwa, awu cwu mam pu wu, ko ti awu tsi ti user.

⁷Ri te ba ira yine ikyaen ti a putsa yi, ikyaen ti ande ā tu-ba aba te riraen be.

⁸Asiti unde iki a ku nung-wu ande ure-wu nyinyang be, awu ku tso baa, awu pyir pu wu ira Rimam. Ayi si ahan siskeb uwog unde ti ye su-wu kununn-wu be. Awu beb skeb pu wu unde ti nung-wu ira Rimam be.

⁹Kiye ti afu a ku bae rinyi awa icwu ti ni u ndeya-ba, bae nyang rinyi awa icwu ti kyaen tag pu ba. Asiti uwa icwu a ka asang mae ita, ko siskeb, pwen wu fa atang ti nung wu nyinyang. Awu ā si unda ti baen nyang unde kinjo amam ti ti awu ser,

¹⁰u si unda ti ande ku teb rinyi-wu ikyaen wande-wu ti tinyang. Awu ā si unda ti shi anyisu-wu nyinyang, u ku kyangte ande ti rikyen kununn-wu, u si unda ti ku ndeya ande na Rimam ti risu ti nae riben[2]. Awu ā si unda ti ku ndeya ande ti ta uwae rikaen u sa ijwe-wu na wande ti tinyang ti ti nde ti tsotso.

¹¹Pwen rinyi awa icwu ti tsi ti kindab fa-fu atang be, ikyaen ti, kiye ti ijwe-ba a ba ndab skeb risu, aba u teya Yesu Kristi ta u ru ka sha arom ti a baen.

¹²Ayine ama u nda ba, a sae ru unju ti aba yer te Kristi ti kucang u shir rikwen ru ba risu-ba.

¹³Cwucwo, aba ku som usom ti uyáng, u ku kyang kyife anunn ande meme. Ti beb skeb ayine si ti, aba ku nung nyang ande ti tsag amam u ku ri tsutso ri sisi, yi uwae ira ti si-yi ira ti aba u sa unju sang-ba atang be.

¹⁴Ikyaen yine, uwog-m, ayi nyang skeb ti aba awa icwu ti tsi ti kindab-ba ā baen ande, u mbae anyisu, u nung kununn-ba nyinyang, ikyaen ti ande ti ku ta rika te ti ā tu-ba riyae ti a ri ira titibi risu-ti be.

¹⁵Ikyaen ti, ariki uwae awa icwu jwunnsi pu ba fengo Rimam u putsa pu ba Shetann.

¹⁶Asiti unda iki uwae ande ti ru kubenti uwog Yesu a site awa icwu kununn-wu, awu ā nungkyi ba ikyaen ti awu ā ye rikaen nae tsa-wu ande na Rimam be. Asiti awu a nungkyi ba, aba ande na Rimam ama u nungkyi awa icwu ti site-ba ande ti u sha na ba itici ti itingwa be.

¹⁷Ande ndufu ti ku nde wande na unde ti uwe nyinyang, ni nda ba rurob, ama uwae-ba ande ti ku kwen na ande iken u ku tsag te ande ira Rimam, rurob-ba ā ko ra siskeb,

¹⁸ikyaen ti, a bae uwae Kutsingken Rimam baa, “Kiye ti indag a ku ceb ku rug awum-fu, yirkyi-fu awu unju be.” Cwucwo, a bae baa, “Unde ti ku nde wande ā tu kang kujwojang-wu.”

¹⁹Asiti unde a ri ira titibi risu unde ndufu na ande na Rimam, cwe-fu ti naa atong yi ira yi be, se iken ti ande ifaen ko ita a cwe baa, en, ira yi na si kubenti.

²⁰Ande ti a ku nde kob ikentitibi, fwan ba kibyag uwe ande meme paenine, ikyaen ti ande ti tsitsi ā kyen ikyenricwu u fxae ana-ba.

²¹Uwe Rimam, ti uwe Yesu Kristi, ti uwe atom Rimam ti sisaen ti ta apupwen, ame ku ri te fu ti ribom baa, nung ira yi ti ame bae ne nyinyang. Uwae itindeya-fu, kag-fu ande kag be, amaa, sa ba pang atso.

²²Kiye ti afu ku sha ti fu tsab unde ti uwe tishe, fae-fu fae be. Nde yi sku sku. Cwe-fu ti unde iki ā shir fu sang uwae ikentitibi-wu be. Som usom ti sisaen.

²³Ngwa-fu nyáng ambyi amam cwucwo be, amaa, ngwa ra ambyi awaen anam kpang ama ikyaen ti yi ndeya rishwu-fu ti ku tsi-wu tsi be ti iticaeb.

²⁴Ikentitibi na ande iki nae paenine ahan u ku tso baa, rikwen na yir pu aba ti utense ike, amaa ana ariki titam, se usir ti a ba ku pwen rikwen titawe ayi u ru ba nae ise paenine.

²⁵Ti mbwe-yi ama, wande ti tinyang tam-yi tam be. Ayi ti a nde pangma ayi na titam, a u sa yi nae ise paenine uwe ike.