Read kutep 2 Yohana 1 Bible Online

2 Yohana 1 - kutep bible

2 Yohana 1

¹Kutsingken wune ru uwog-m, ame ti si unde ndufu, ba uwog Iya ti Rimam tsitsab, ti anyisu-wu, ti ame site ure te ba uwae kubenti. Si-yi nyáng ame amam be, amaa, fa ti meme ande ti nung ira ti kubenti,

²ikyaen ti, ira kubenti ta utob-ti, u tsikunn te ti ru fife yi uwe.

³Rinyangwae, ti ayibrisi, ti kujimshwur, u si ana-ti ru ye uwog Rimam Itse, ti uwog Yesu Kristi ti si Umbae Itse, uwae kubenti ti ure.

⁴Ame tsen utob timambe ti ame nung ariki uwae anyisu-fu, putsa ira ti kubenti uwae usom ti som-ba, pangma ti Itse-ti nda ti unju.

⁵Tine ame ku jwam fu, Iya, si-yi pangma ti ame na bae icwe tishe ku na fu be, ayi si sí icwe ti kucang ti ati fxen pu ti pu baa, ati na ye ure tetso.

⁶Ure ti si ure ti kubenti si ti, ati na nae risu riben te icwe Rimam. Awu nda ti icwe baa, ati na som usom uwae ure tetso. Nee iken ti a tsag te ni ti kucang akwen.

⁷Ande ti ku kyaefa ande yang-ba akwen sang ba pu ba utense. Aba ku ri baa, ayi na si-yi kubenti ti Yesu Kristi na sang ba utense uwae rimenn ijwe unde be. Utso ande bane ti si ande ti kukyaefa, u si ande ti kuka Kristi.

⁸Ni nung ijwe-ni nyinyang ikyaen ti ni shanum-ni iken ti ati nde mam pu ti wande ikyaen-yi be, amaa, ti ni tu kujwojang-ni ti rimunn-yi.

⁹Unde ti a ya iken ti kwen Yesu Kristi ta, u tā ka sang iken ti kwen iki, unde wune nung-wu Rimam be. Unde ti a ye su iken ti kwen Kristi, awu site pu wu Rimam Itse ti Rimam Umbae meme.

¹⁰Asiti unde iki a ba uwog-ni, u ba-wu te iken ti kwen Kristi be, ni kyangte-ni awu uwae anunn-ni be. Ko usuko ma, ni nde-ni awu be,

¹¹ikyaen ti, unde ti a kunnji wu ira, awu fa pu wu kutun kujwo wande ikentitibi-wu ayi.

¹²Ame site ira yang-yi akwen ti m ri te ni, amaa, ame u bae-m ayi uwae kutsingken be. Ame sa uwae tsi baa, ame na u ru ba nung ni ti ti ri ira tetso ayib te ayib ikyaen ti utob ti tsen-ti ā kumumunn.

¹³Anyisu kaya-fu, awu ti Rimam tsitsab, ku kunnji ni ira atang.