Read lango Agege 19 Bible Online

Agege 19 - lango bible

Agege 19

¹Omalaika aryo otuno Codoma otyeno adoŋ piny oyuto oko, gin onwoŋo Lot obedo piny i dog boma me Codoma. Kare ame Lot onenogi, oya malo te wot jologi, te ryebere piny worogi.

²Okobo ni, “Odoŋena, tim wunu ber ibin wunu i oda an amirowu, ibut wunu iye, ilwok tyenwu; odiko ite medde giwu i wotwu.” Gin te kwero oko kun okobo ni, “Pe gire amannono; wan piny bino ruyiwa i dye boma kan.”

³Lot te diyogi atek meicel, omio gin te ye, ote donyo i ode. En te teddigi arama, kede ogati ame mom orubo i tobi, eka gin te camo.

⁴Cite ame mom ru gin obu to, co me Codoma ecipan, awobe kede jo adoŋo daŋ, te gwarre luŋ aluŋa bino guro ot a Lot oko.

⁵Gin te penyo Lot ni, “Jo ame obino baŋi otyeno ni tye kwene? Kelgi oko baŋwa kan me obut kedgi.”

⁶Lot te donyo baŋgi oko, te lokere cego doggola oko,

⁷te kobbigi ni, “Omegona, akwaowu, kur itim wunu tim araccono.

⁸Nen an atye kede anyirana aryo ame mom ru oribere kede ico moro, wek aluny kelogi baŋwu me itimgi wunu kite a yiwu amito; cite kur itim wunu ginnoro i kom jo man, pien gin doŋ odonyo oko i oda.”

⁹Gin odok iye ni, “Jer teŋe lo-ni!” Dok ote medo kobo ni, “Lo-ni obino kan acalo welo, en dok mito doko aŋolkop bo! Ŋit imio otimi rac ak atogi.” Gin luŋ ote nyiggo baŋ Lot ikome, ote diye atek kun otorre karacel ame omito turo-kika me doggola oko.

¹⁰Cite omalaika te cwayo ciŋgi wayo Lot oko ke lo baŋgi i ot, eka ote ce go doggola oko.

¹¹Gin te miyo waŋ jo i doggola luŋ to oko, jo adoŋo kede awo be daŋ, waŋgi te to oko. Gin te bedo babaŋa ababaŋ me yenyo doggola, ote ol oko.

¹²Omalaika te kobbi Lot ni, “Tye dok wati moro ocele kan? Cog anyirani, itinoni awobe kede anyira, onyo nauoro ame tye i paco kan, ya kedgi oko i kabedo man.

¹³Wan doŋ oyikere me tyek o boma man oko, pien jo iye, koko i komgi doŋ dwoŋ okato kare i nyim Rwot. Rwot doŋ ocwaowa me tyeko oko.”

¹⁴Man omio Lot owoto olwoŋo awobe ame rik anyomo anyira mere kun kobbigi ni, “Ya wunu oko i kabedo man, pien Rwot atyekoboma man oko.” Cite jo-nono otamo ni en arate kedgi arata.

¹⁵Kare ame piny doŋ oru, omalaika odio Lot kun kobo ni “Ya malo, iter dakoni kede anyirani aryo ame tye kan, me gin kur to i can ame aketo i kom boma man.”

¹⁶Cite en te bedo gal, ento Rwot obedo kede kica i komgi, omio amalaika te mako ciŋgi, en kede dako mere kede anyira mere aryo, te peyogi, kelogi naka i ŋe boma oko,

¹⁷Adoŋ gin okelogi oko, ocikogi ni, “Riŋ wunu me ilar wunu kwowu; ŋattoro myero kur lokere nen ŋec ba, daŋ kur igik wunu kannoro i luŋ-ŋi, ento riŋ ilar wunu wi kidi, me kur ito wunu.”

¹⁸Lot te gamo ni, “Pe amannono odoŋena!

¹⁹Nen, berra an amironi doŋ onen i nyimi, yin daŋ doŋ itima kica meicel pi laro kwena. Ento mom myero alar wi kidi, mio gin arac-ci dok maka te neka oko.

²⁰Nen boma ame ceggi ca tye loka tuŋ ca, boma-nono daŋ gire titidi, bino miyo abwot.”

²¹Omalaika te dok iye ni, “Nen ba, kwaeci-nono doŋ aye, mom doŋ abino rero boma ame ikobo-nono.

²²Cite myero iru riŋo ilar kuno, pien mom atwero limo ginnoro ka yin mom ru ituno kuno.” Mannono en omio ocako nyiŋ paco-nono ni Joar.

²³Lot te tuno i Joar odiko ame ceŋ doŋ adonyo.

²⁴Rwot te onyo mac kede gweŋ calufa ame mac olio, kun ya i polo, te miyo corre i Codoma kede Gomora,

²⁵eka te reto boma-nono ducu kede luŋ ducu ame tye iye, anaka jo kede ginapita luŋ ame onwoŋo tye iye.

²⁶Ento dako a Lot ame rik onwoŋo odoŋ ceŋ i ŋe, olokere te neno yo ŋe, omio te makere doko kado, te cuŋ oko ikiŋ.

²⁷Iburaim te dilo odiko con, te wot kan a rik ecuŋ iye i nyim Rwot.

²⁸En te neno tutuŋ Codoma kede Gomora kede lobo luŋ ame tye i luŋ kuno, en te neno yito tye aduny kuno balo yito mac arum.

²⁹Kare ame Obaŋa Teloboma ducu ame tye i luŋ, en opo pi Iburaim, eka te laro Lot i kare ame en tye areto boma luŋ ame rik Lot bedo iye.

³⁰Lot rik te bino ya oko i Joar, te wot bedo i wi kidi kede anyira mere aryo, pien onwoŋo lworo bedo i Joar. En obedo i gorogoro kidi karacel kede anyira mere aryo ca.

³¹Nyare me kao te kobbi aminnere atidi ni, “Papawa doŋ oti oko, lonnoro daŋ doŋ mom i lobo ame kono ribere kedwa acalo kite me lobo tye.

³²Biye, omi papawa mat koŋo olok, me ote miye buto kedwa, wek en papawa miwa onywal itino.”

³³Gin daŋ ote miyo papagi mato koŋo olok dyeworrono. Nyako me kao en ate miyo pappere geyo buto kede, ento kun pappere mom oŋeo kare ame en obuto kede i laŋete kede kare me ya mere.

³⁴Odiko ocele nyako me kao te kobbi en atidi ni, “Nen ba, an aworo be amio pappa obuto keda dyewor; tin dok omie koŋo olok me yin daŋ imie ebut kedi, me wek en papawa nywal kedwa wan aryo ducu.”

³⁵Dyeworrono, gin dok te miyo papagi koŋo olok, eka nyako atidi daŋ te wot miyo pappere buto kede, ento kun pappere daŋ mom oŋeo kare ame en obuto kede i laŋete kede kare me ya mere.

³⁶Anyira a Lot aryo-nu te yac oko i papagi.

³⁷Nyako adwoŋŋere te nywalo wode, ame te cako nyiŋe ni Moab, ame en kwaro a jo Moab naka tin

³⁸Nyako atidi daŋ te nywalo awobi, te cako nyiŋe Ben-ammi, ame en kwaro ajo Ammon naka atot tin.