Read lango Agege 36 Bible Online

Agege 36 - lango bible

Agege 36

¹Magi gin ikwae Ecau (ame en Edom).

²Ecau onyomo anyira a jo Kanaan: Ada nyaka Elon, dano me Kitti, Olibama, nyaka Ana wot a Jibeon, dano me Kivi,

³kede Bacemat nyaka Icmael, amina Nebayot.

⁴Ada onywalli Ecau Elifaji, Bacemat onywalo Rewel,

⁵Olibama onywalo Jeuc, Jalam, kede Kora. Magi gin itino Ecau ame onywalo i lobo Kanaan.

⁶Ecau otero monnere kede itino mere awobe kede anyira, kede jo luŋ me ode, karacel ilimmere, leyi kede jami luŋ ame en onwoŋo i Kanaan, owoto kede i lobo ocele kun pokere oko ominnere Yakobo.

⁷Pien limgi a leyi onwoŋo dwoŋ atek ame mom rommigi bedo karacel, lobo ame gin rik onwoŋo bedo iye acalo wele onwoŋo mom romogi me kwat; pien limgi onwoŋo bup.

⁸Ecau te wot bedo i Ceir ame en lobo obedo kidikidi. Ecau en ame daŋ olwoŋo ni Edom.

⁹Magi gin ikwae Ecau kwaro a jo Edom ame bedo i Ceir, i lobo ame obedo kidikidi.

¹⁰Nyiŋ itino Ecau ene: Erifazi wot Ada, dako Ecau, kede Rewel wot a Bacemat, dako Ecau.

¹¹Itino Erifazi ene: Teman, Omar, Jepo, Gatam kede Kenaj.

¹²Timna rik dako aŋeca Erifazi wot Ecau. En onywalo Amalek baŋ Ecau. Magi-nono gin itino Ada dako Ecau.

¹³Aco itino a Rewel ene: Nakat, Jera, Camma, kede Mijja. Magi-nono gin itino a Bacemat dako Ecau.

¹⁴Aco itino Olibama nyaka Ana wot a Jibeon dako Ecau, gin ene: en onywalli Ecau Jeuc, Jalam kede Kora.

¹⁵Magi gin ikwae Ecau ame obedo rwode. Itino awobe meca Erifazi wot Ecau me kao, gin ene: rwot Teman, rwot Omar, rwot Cepo rwot Kenaj,

¹⁶rwot Kora, rwot Gatam kede rwot Amalek; mannono gin itino Erifazi ame obedo rwode i lobo Edom. Gin luŋ obedo itino Ada.

¹⁷Magi gin itino a Rewel wot Ecau obedo rwode: rwot Nakat, rwot Jera, rwot Camma, kede rwot Mijja; mannono gin itino a Rewel ame obedo rwode i lobo Edom. Gin luŋ obedo itino a Bacemat dako Ecau.

¹⁸Magi gin itino Olibama dako Ecau ame obedo rwode: rwot Jeuc, rwot Jalam, kede rwot Kora. Magi gin rwode ame obedo itino Olibama, nyaka Ana, dako Ecau.

¹⁹Magi gin itino Ecau ame en Edom; rwodegi daŋ ennono.

²⁰Magi gin itino a Ceir ame dano me Kori, ame gin obedo wegi lobo-nono: Lotan, Cobal, Jibeon, Ana,

²¹Dicon, Ejer, kede Cican; maginono gin rwode a jo Kori ame tye i lobo Edom, ame gin obedo itino a Ceir,

²²Itino a Lotan ene: Kori kede Eman; amin a Lotan obedo Timma.

²³Itino a Cobal ene: Alvan, Manakat, Ebal, Cepo kede Onamo

²⁴Itino a Jibeon awobe mege ene: Aiya, kede Ana. Mane en Ana ame rik bin onwoŋo akoŋ akukunya alyet i tim i kare ame en tye akwayo kana a pappere Jibeon.

²⁵Itino Ana awobe mege ene: Dicon kede nyare Olibama.

²⁶Itino a Dicon awobe mege ene: Kemdan, Eciban, Itran kede Keran.

²⁷Itino Ejer ene: Bilan, Javan kede Akan.

²⁸Itino a Dican ene: Uji kede Aran,

²⁹Rwode a jo Kori ene: rwot Lotan, rwot Cobal, rwot Jibeon, rwot Ana,

³⁰rwot Dicon, rwot Ejer kede rwot Dican; magi-nono gin rwode a jo Kori acalo atekeregi tye kede i lobo Ceir.

³¹Magi gin rwode ame oloo Edom, ame onwoŋo abaka moro mom ru oloo jo Icrael.

³²Bela wot a Beor onwoŋo loo Edom, nyiŋ boma mere adwoŋ olwoŋo ni Dinkaba.

³³Kare ame Bela oto, Jobab wot a Jera me Bojra oleo tyene.

³⁴Kare ame Jobab oto, Kucam ame oya i lobo a jo Teman oleo tyene.

³⁵Kare ame Kucam oto, Kadad wot a Bedad, a rik olwenyo te loyo jo Midian ame tye i Moab, en ate leyo tyene; nyiŋ boma mere adwoŋ rik olwoŋo ni Avit.

³⁶Kare ame Kadad oto, Camla me Macireka oleo kakare, odoko rwot kakare.

³⁷Kare ame Camla oto Caul me Rekobot ame tye i ŋet kulo me Efurate, odoko rwot kakare.

³⁸Kare ame Caul oto, Baal-kenan wot a Akbor oleo kakare, odoko rwot.

³⁹Kare ame Baal-kenan wot Akbor oto, Adar oleo kakare, odoko rwot; nyiŋ boma mere adwoŋŋere rik Pau. Dako mere nyiŋe rik Meetabel, ame obedo nyaka Matred, Matred, ame nyaka a Mejaab.

⁴⁰Magi gin rwode ame oya i baŋ Ecau, kun lubere kede atekeregi kede kabedogi, kede nyiŋgi, rwot Timna, rwot Alwa, rwot Yetet,

⁴¹rwot Olibama, rwot Ela, rwot Pinon,

⁴²rwot Kenaj, rwot Teman, rwot Mibjar,

⁴³rwot Magdiel kede rwot Iram. Magi-nono gin rwode me Edom, acalo kabedogi tye kede i lobogi i komgi; mannono en Ecau papa Edom.