Read lango Agege 5 Bible Online

Agege 5 - lango bible

Agege 5

¹Man en coc ame nyuto ikwae Adam, I kare ame Obaŋa keto dano, ocweo dano i callere.

²Oketogi co kede mon, omiogi gum, dok te cako nyiŋgi ni Dano i nino ame oketogi iye-nono.

³Kare ame Adam doŋ ori oromo mwaka mia acel kede pyeradek, onywalo awobi ame cal kede en ikome; te cako nyiŋe Ceji.

⁴Mwaka Adam i kare ame en doŋ otyeko nywalo Ceji rik oromo mia aboro, dok rik daŋ omedo nywalo awobe kede anyira.

⁵Pi mannono, mwaka Adam luŋ ame ori kede i lobo te doŋ to, romo mia aboŋwen kede pyeradek.

⁶Kare ame Ceji doŋ ori oromo mwaka mia acel kede abic, onywalo Enoci.

⁷I ŋe nywalo Enoci, Ceji ori mwaka mia aboro kede abiro, dok rik daŋ omedo nywalo awobe kede anyira.

⁸Pi mannono, mwaka a Ceji luŋ ame ori kede i lobo te to, romo mia aboŋwen kede apar wie aryo.

⁹Kare ame Enoci doŋ ori oromo mwaka pyeraboŋwen, onywalo Kenan.

¹⁰I ŋe nywalo Kenan, Enoci ori mwaka mia aboro kede apar wie abic, dok rik daŋ omedo nywalo awobe kede anyira.

¹¹Pi mannono mwaka Enoci luŋ ame ori kede i lobo te to, romo mia aboŋwen kede abic.

¹²Kare ame Kenan ori oromo mwaka pyerabiro, onywalo Maalalel.

¹³I ŋe nywalo Maalalel, Kenan ori mwaka mia aboro kede pyeraŋwen, dok rik daŋ omedo nywalo awobe kede anyira.

¹⁴Pi mannono mwaka a Kenan luŋ ame ori kede i lobo te to, romo mia aboŋwen kede apar.

¹⁵Kare ame Maalalel doŋ ori oromo mwaka pyerabicel wie abic, onywalo Jared.

¹⁶I ŋe nywalo Jared, Maalalel ori mwaka mia aboro kede pyeradek, dok rik daŋ omedo nywalo awo be kede anyira.

¹⁷Pi mannono mwaka a Maalalel luŋ ame ori kede i lobo te to, romo mia aboro kede pyeraboŋwen wie abic.

¹⁸Kare ame Jared doŋ ori oromo mwaka mia acel kede pyerabicel wie aryo, onywalo Enoka.

¹⁹I ŋe nywalo Enoka, Jared ori mwaka mia aboro, dok rik daŋ omedo nywalo awobe kede anyira.

²⁰Pi mannono mwaka a Jared luŋ ame ori kede i lobo te to, romo mia aboŋwen kede pyerabicel wie aryo.

²¹Kare ame Enoka doŋ ori mwaka pyerabicel wie abic, onywalo Metucela.

²²I ŋe nywalo Metucela, Enoka obedo tiyo gin ame Obaŋa mito pi mwaka mia adek, dok rik daŋ omedo nywalo awobe kede anyira.

²³Pi mannono mwaka Enoka luŋ ame ori kede i lobo romo mia adek kede pyerabicel wie abic.

²⁴Enoka obedo tiyo gin ame Obaŋa mito; eka te rwenyo atwal, pien Obaŋa otere oko.

²⁵Kare ame Metucela doŋ ori oromo mwaka mia acel kede pyeraboro wie abiro, onywalo Lamek.

²⁶I ŋe nywalo Lamek, Metucela ori mwaka mia abiro kede pyeraboro wie aryo, dok rik daŋ omedo nywalo awobe kede anyira.

²⁷Pi mannono mwaka a Metucela luŋ ame ori kede i lobo te to, romo mia aboŋwen kede pyerabicel wie aboŋwen.

²⁸Kare ame Lamek doŋ ori oromo mwaka mia acel kede pyeraboro wie aryo, onywalo wode,

²⁹ame te cako nyiŋe Nua, kun kobo ni, “Man bino kelliwa weo i tic me ciŋwa ame ocanne iye, i lobo ame Rwot oceno.”

³⁰I ŋe nywalo Nua, Lameki ori mwaka mia abic kede pyeraboŋwen wie abic, dok rik daŋ omedo nywalo awobe kede anyira.

³¹Pi mannono mwaka a Lamek luŋ ame ori kede i lobo te to, romo mia abiro kede pyeraboro wie abiro.

³²Kare ame Nua doŋ ori mwaka mia abic onywalo Cem, Kam, kede Yafeci.