Read lango 2 Camwiri 6 Bible Online

2 Camwiri 6 - lango bible

2 Camwiri 6

¹Daudi dok te coko jo Icrael luŋ ame oyero, jo tutumia pyeradek.

²Daudi te ya karacel kede jo luŋ ame onwoŋo tye, kun oya i Baal-juda, me wot kelo canduk Obaŋa i kuno, canduk ame olwoŋo i nyiŋ Rwot me mony, ame bedo malo i wi okerubi.

³Gin te cibo canduk i gadigdai anyen, kun okwanyo i ot a Abinadab, ame onwoŋo bedo i wi tur malo; Ujja kede Akic, ame gin obedo awobe a Abinadab, gin te loro gadigadi anyen aŋwen ame onwoŋo canduk Obaŋa tye iye,

⁴kun Akic en ame telo yo i nyim canduk.

⁵Daudi kede jo luŋ me ot Icrael te tuko atek meicel i nyim Rwot, kun owero ogoo opuk, naŋa, bul, ajaa kede mola me agoa.

⁶Kare ame gin otuno i ŋet laro a Nakon, Ujja oryeo ciŋe i kom canduk Obaŋa, eka te kwako kede ciŋe, pien twoni onwoŋo ogatte.

⁷Akemo te mako Rwot i kom Ujja, eka te neke oko kuno, pien oryeo ciŋe i kom canduk Obaŋa; Ujja te to i ŋet canduk Obaŋa,

⁸Cuny Daudi te waŋ, pien Rwot oneko Ujja akemo; mannono te miyo lwoŋo nyiŋ kabedo-nono ni Perej-ujja, tuno naka atot tin.

⁹I nino-nono lworo omako Daudi atek i kom Rwot. Omio en okobo ni, “Kara canduk a Rwot bino bedo baŋa i yore aŋo ba?”

¹⁰Omio Daudi obedo kede lworo me tero canduk a Rwot i gony a Daudi; en te lunyo tero teŋe i ot Obed-edom ame obedo dano me Gat.

¹¹Canduk a Rwot te ri i ot Obed-edom me Gat dwete adek; Rwot te miyo winyo i kom Obededom karacel kede jo luŋ me ode.

¹²Rik ote kobbi abaka Daudi ni, “Rwot doŋ omio winyo i kom jo me ot Obed-edom kede jami mere luŋ, pi canduk Obaŋa.” Omio Daudi te omo canduk Obaŋa oko i ot Obed-edom, te kelo i gony a Daudi i yomcuny.

¹³Kare ame jo oyeo canduk a Rwot ocako wotgi, kun pwod obolo tyengi tyen kanyape keken, Daudi oyalo Rwot i twon ocwe.

¹⁴Dok te myel i nyim Rwot atek meicel; Daudi onwoŋo otweo ka epod me camanini i pyere.

¹⁵Mannono en kite ame Daudi karacel kede jo luŋ me Icrael otero kede canduk a Rwot kun owo, okuto tuŋ rommi.

¹⁶Kare ame canduk a Rwot otuno i gony a Rwot, Mikal nyaka a Caulo oroo waŋe i dirica, te neno Daudi tye akirre i myel i nyim Rwot; en te caye i cunye.

¹⁷Gin te cwayo canduk a Rwot i ot, ote keto kakare iyi kema ame onwoŋo Daudi rik oguro pire. Daudi te yalo Rwot kede mot awaŋa, kede mot me kweyo cuny i nyim Rwot kuno.

¹⁸Kare ame Daudi doŋ otyeko yalo Rwot i mot awaŋa kede mot me kweyo cuny, en olamo winyo i kom lwak i nyim Rwot me mony.

¹⁹En te poko baŋ ŋat acel acel ogati acel, dul riŋo aduno, kede aŋina olok otwo acel, en opoko baŋ jo luŋ, co kede mon me Icrael luŋ. Eka jo doŋ te keketa kun ŋat acel acel dok i ode.

²⁰Daudi te dwogo paco, me bino lamo gum i jo me ode. Cite Mikal nyaka a Caulo te ŋolle i kome, te kobbe ni, “Abaka me Icrael tin oketo kwogo i kome kene be! Tin en ogonyo boŋo i kome oko i nyim aŋeca omiro mere, kun lanne, weko kome nono i nyim jo calo dano moro ame wie oballe.”

²¹Daudi te kobbi Mikal ni, “An onwoŋo amyel gira i nyim Rwot ame oyera me leyo kaka pappi kede jo me ode ducu, me keta bedo aloc a jo mere Icrael. Mannono omio an gira pwod abino medde myel i nyim Rwot.

²²Abino medde bedo lo moro ayot meicel ame kato man oko, yin giri ibino medde caya, cite aŋeca ame yin ikobo pirgi-nono, gin bino keto kwogo i koma.”

²³Mikal nyaka a Caulo mom te nywalo atinnoro naka oto.