Read lango 1 Tekwaro 11 Bible Online

1 Tekwaro 11 - lango bible

1 Tekwaro 11

¹I kare-nono atekere me Icrael luŋ te bi no baŋ Daudi i Kebron ote bino kobbe ni, “Nen ba, wan acel kedi.

²I kare okato Caulo onwoŋo abakawa; yin en a rik itelo jo Icrael me wot ilweny, dok daŋ idwogogi paco; Rwot rik te kobo ni, ‘Yin ibino kwayo jona Icrael dok daŋ ibino bedo aloc ajo Icrael.’ ”

³Mannono en omio odoŋe luŋ me Icrael obino baŋ abaka i Kebron, Abaka Daudi te cikere kedgi i Kebron i nyim Rwot, gin te daŋ wiro Daudi kede moo me bedo abaka me Icrael, kite ame Rwot rik ociko kede baŋ Camwiri.

⁴Daudi karacel kede jo mere luŋ rik te wot i Jerucalem, ame en Jebuc, kan ame jo Jebuc onwoŋo bedo iye,

⁵Jo me Jebuc te kobbi Daudi ni, “Yin gire mom ibino kato kan.” Kadi bed amannono, Daudi te mayo bomagi atek ame olwoŋo ni Ci on oko ame doŋ olwoŋo i nyiŋe ni, boma a Daudi.

⁶Daudi te ko bo ni, “Ŋat ame bino geyo neko dano me Jebuc bino bedo atel wi monya.” Eka Joab wot a Jeruya en ate geyo telo wi mony, omio en te doko atel wi mony.

⁷Daudi te bedo i ka-ponogi atekkono, te cako nyiŋe ni, Gony a Daudi.

⁸Daudi te gero bomanono manno amana, cakere i M illo dok kede iyie. Joab te doŋ yiko kan ocele ame odon i boma nono.

⁹Daudi te doŋ medde ameda ibedo twon lo moro adit pien Rwot Obaŋa me mony obedo bedo kede.

¹⁰Man en nyiŋ jo a Daudi ame rik onwoŋo tek meicel i lweny, Gin karacel kede jo Icrael luŋ, okonye me bedo abaka, kite ame Rwot rik ociko, dok daŋ ote gwoko loccere bedo atek.

¹¹Dano me acel i akinagi rik obedo Yecebbacebet, dano me Takemon, en rik obedo atel a jo adek. En rik obin olwenyo kom i keken i kom jo mia adek te daŋ nekogi luŋ awane acel.

¹²I akina jo adekkaca, nat ame lube onwoŋo obedo Eleajar wot a Dodo, wot Akoki.

¹³En rik onwoŋo tye gin i Daudi i Pac-damim i kare ame jo Piriciti ocokere kuno me lweny. I kare ame jo Icrael ca ko ŋwec oko i nyim jo Piriciti en onwoŋo tye i poto kalloro,

¹⁴en te nyono piny atek acalo ico, te lweny i jo Piriciti tuno wan ame ciŋe ojony atek kun ciŋe gire otwo atwoa i kom pala romo mere. Rwot te miyogi loyo jo Piriciti atek meicel.

¹⁵Jo adek i akina jo pyeradek adoŋo owoto baŋ Daudi igorogoro kidi me Adullam, kun onwoŋo mony a jo Piriciti mogo oguro gonygi i luŋ me Repaim.

¹⁶I kare-nono onwoŋo Daudi tye i ka-pono mere ame egeno, kun mony a jo Piriciti mogo tye i Beterekem.

¹⁷Daudi onwoŋo tye kede mit adwoŋ meicel i cunye, omio en te ko bo ni, “Kono nattoro kom twero kella pi amata ame tye i akorj i dog cel me Beterekem.”

¹⁸Jo adek ca ame onwoŋo gin luŋ obedo jo atek meicel i lweny, ote yeco yogi kengi i dye gony a jo Piriciti, ote wot twomo pii iyi akon i dog cel me Beterekem, ote tero baŋ Daudi, Cite Daudi mom te mato; en te lunyo onyo oko piny i nyim Rwot acalo kono olok me yalo Rwot,

¹⁹kun kobo ni, “Ama Obaŋana, mom gire atwero ma to pii man! Ka ee amato, nwoŋo rom aroma ame amato remo a jo man adek ame ojalo kwogi, ote wot.” Mannono omio en gire mom omato pii-nono. Man en gin a rik jo adekkaca otimo.

²⁰Abicai omin a Yoab wot a Jeruya rik obedo atel a jo pyeradek ca, En daŋ rik olwenyo kom i toŋ keken i kom jo mia adek, te neko oko luŋ; mannono te miyo nyiŋe cako rwo atek i akina jo pyeradek ca,

²¹En a doŋ rik obedo twon lo moro a tjeye akato luŋ i kom jo pyeradek ca, en rik te bedo atel wigi, cite mom otuno i rwom a jo adek ocele ca.

²²Benaya wot a Yekoyadi, dano me Kabjeel, rik obedo twon alwennyoro a neye meicel; en otimo gigi mogo ame pirgi dito meicel. En oneko itino awobe aryo, ame onwoŋo rik obedo twoni jo alwenyo meicel i Moab, Dok en rik odonyo piny i bur i kare me pee, te wot neko iye eŋatu,

²³Dok oneko twon lo moro me Miciri ame neno onwoŋo ber atek. Dano-naca onwoŋo rik tye kede tonnere i ciŋe, cite Benaya te wot bane ka i lut keken, te wot yuto tonnere i ciŋe-naca oko, ocobe kede te neke oko.

²⁴Benaya wot a Yekoyadi otimo magi,

²⁵Omio en daŋ obedo a rom aroma i jo adek ocele ca, En daŋ te bedo twon lo moro ame omio kwogo i akina jo pyeradek ca, cite en mom otuno i rwom a jo adek ocele ca, Daudi okete me loyo ocirikale ame gwoke.

²⁶Jo ocele ame onwoŋo tye i akina jo pyeradekkaca nyingi ene: Acael omin a Yoab; Elkanan wot a Dodo me Beterekem;

²⁷Camma me Karod, Kalec me Pelet;

²⁸Ira wot a Ikec me Tekoa; Abiejer me Anatot,

²⁹Mebunai me Kuca, Calmon me Akoki,

³⁰Marai me Netopa; Kaleb wot a Bana me Netopa,

³¹Ittai wot a Ribai, me Gibea i lo bo jo Benjamin; Benaya me Piroton;

³²Iddai ame oya i luŋ me Gaac; Abialon me Araba,

³³Ajmawet me Bakurim; Eliakaba me Calbon,

³⁴awobe a Yacen, kede Y onacan;

³⁵Camma dano me Arar, Akiam wot a Carar me Arar;

³⁶Elipelet wot Akacbai me Maaka kede Eliam wot Akitepel Gilo;

³⁷Kejro me Karmel, Parai me Arabi;

³⁸Joel ominna Natan, Mibar wot a Kagri

³⁹Jelek a jo Ammon, Nakari me Beerot, ame obedo amak jami lweny a Y oab wot a Jerua;

⁴⁰Ira me Itri, Gareb me Itri;

⁴¹Uria ame obedo dano me atekere a jo Kitti; Jadad wot a Alai,

⁴²Adina wot Acija ame rik en atel i atekere a Reuben dok onwoŋo tye kede owote mere ame romo pyeradek,

⁴³Kanan wot a Maaka, kede Jocapat ame en dano me Mitan,

⁴⁴Ujia ame dano me Acitera, Ca ma kede Jeyel awobe a Kotam dano me Aroer,

⁴⁵Jediael wot a Cimri, kede Joka ame obedo omina Cimri ame gin jo me Tij,

⁴⁶Eliel dano me Makava kede Jeribail, kede Jocavia, ame gin luŋ obedo awobe a Elanaam kede Itama ame obedo dano me Moab,

⁴⁷kede Jaciel ame obedo dano me Mejoba.