Read lango 1 Tekwaro 12 Bible Online

1 Tekwaro 12 - lango bible

1 Tekwaro 12

¹Magi gin jo ame ogeo wot baŋ Daudi i Jiklag i kare ame en mom romo wot kannoro kadi acel i kuc pi Iworo Caulo wot a Kic, Gin tye i akina jo ame onwoŋo ŋeo lweny atek ame obedo konye i kare me weny,

²gin luŋ obedo jo me atekere a Benjamin, ame obedo atekere a Caulo. Gin rik oneo bayo atero kede kidi me atirjdio, kun oneo bayo i turj cam kede tuŋ cem.

³Otel rik obedo Akieja kede Yowaci ame obedo awobe a Cemak, ame obedo dano me Gibea; kede dok Jejiel, Pelet, ame obedo awobe a Ajimavet; Beraka, kede Yeko, ame obedo jo me Anatot;

⁴Icimaya dano me Gibeon ame en dano acel i akina twoni jo pyeradek ca ame rik onwoŋo ŋeo lweny wok ca, en onwoŋo rik adwoŋ ame loo jo pyeradekkaca; Jeremia, Jakajiel, Yokanan Jabad dano me Gedera,

⁵Elujail, Jerimot, Bealia, Cemaria, Cepatia dano me Karup;

⁶Elkana, Icia, Ajarel, Joejel kede Jacobeam dano me Kora;

⁷kede Joela kede Jebadia ame gin luŋ obedo itino a Jerokam dano me Gedor.

⁸Twoni jo ame onwoŋo tek meicel i lweny i akina jo me atekere a Gad owoto baŋ Daudi i ka pono mere atek i tim,

⁹gin onwoŋo obedo jo ame ŋeo lweny i kwot kede toŋ, kun waŋgi nen calo waŋ iŋatu dok odwir meicel calo atil ame bedo i wi kidi. Jo-nnono gin ene: Ejer ame en obedo rik atelgi, me aryo te bedo Obadia, me adekere te bedo Eliab,

¹⁰me aŋwennere te bedo Micimana, me kannyere te bedo Jeremia,

¹¹me kannyape mere te bedo Atai, me abiro mere te bedo Eliel,

¹²me aboro mere te bedo Y okanan, me abonwennere te bedo Elijabad,

¹³me aparrere te bedo Jeremia, me apar wie acel te bedo Makibanai.

¹⁴Jo ocele i akina jo-ni rik obedo otel wi mony ame lo jo tutumia, kede jo ocele i akinagi ame lo jo mia.

¹⁵Jo-ni en ame rik obin oŋolo kulo Jordan i dwe me agege, i kare ame rik pii onwoŋo opoŋ meicel i kulo Jordan naka i wi tela malo, ote ryemo jo ame rik bedo i dog kulo ducu tuŋ kide kede tuŋ to.

¹⁶Jo mogo me Benjamin kede Juda rik dok te wot baŋ Daudi i ka pono mere.

¹⁷Daudi rik te wot bangi me wot rwatte kedgi, te kobbigi ni, “Ka ee ibino wunu bota acalo owotena me bino konya, abino jolowu i yomcuny; ento ka ee ibino dota wunu baŋ okworra, kadi bed an gira mom at ye kede balloro, Obaŋa a kwarina myero nenwu te jukowu.”

¹⁸Cuny Obaŋa rik te bino i kom Amacai, ame rik obedo atel a jo pyeradek ca, te kobo ni, “Wan giwa obedo joni, ama Daudi; wan giwa obino bedo kedi, yin wot a Yece! Kuc, kuc gire obed kedi, kuc daŋ obed i komjo ame konyi. Pien Obaŋani gire en akonyi!” Daudi te jologi, te miyogi bedo otel me wi monnyere.

¹⁹Jo mogo me atekere a Manaci rik te wirre lubo Daudi i kare ame en obino i jo Piriciti me bino lweny i kom Caulo. Kadi bed amannono en mom te konyo jo Piriciti pien odoŋe a jo Piriciti mogo rik te yiko kop i kome, ote miyo ryeme oko, kun okobo ni, “Ka ce oye en odok cen baŋ adwonnere Caulo, en bino lokere te timowa lit.”

²⁰Magi gin jo Manace ame rik owirre olubo yore i kare ame en woto i Jiklag: Adna, Jojabad, Jediael, Miceal, Jojabad, Eliku, kede Jilletai, Jo man luŋ rik onwoŋo obedo odoŋe ame telo wi mony ame loo jo tutumia i Manace.

²¹Gin rik te konyo Daudi me telo monyere i kare me lweny oyak, pien gin rik obedo twoni jo atek meicel i lweny,

²²Jo rik te bedo bino ni no i nino kun omedde i kom mony a Daudi, mannono te miyo mony a Daudi bedo mony atek meicel.

²³Man en wel lwak mony ame orukere i jami lweny ame rik obino baŋ Daudi i Kebron me konye dwoko loc a Caulo i ciŋe kite ame Rwot rik ociko.

²⁴Jo Juda ame rik obino kun orukere i jami lweny, kun omako kwot kede toŋ rik romo tutumia abicel kede mia aboro.

²⁵Jo Cimeon ame rik onwoŋo obedo twoni jo atek meicel i lweny rik oromo tutumia abiro kede mia acel.

²⁶Jo Levi onwoŋo romo tutumia aŋwen kede mia kanyape.

²⁷Jo me ot Aron ame olubo Yekoyadi rik oromo jo tutumia adek kede mia abiro,

²⁸Eka Jadok, awobi ame onwoŋo tek meicel i lweny te bi no otel wi mony ame romo pyeraryo wie aryo, ame oya kedgi ot a pappere ikome.

²⁹Jo Benjamin ame obedo itekere a Caulo ikome, rik obino iye jo ame romo tutumia adek, jo apol i kom jo me atekere a Benjamin rik omedde cwako Caulo.

³⁰Jo Epraim ame obino, rik romo tutumia pyeraryo twal kede mia aboro, kun gin luŋ onwoŋo obedo twoni jo ame neye meicel dok ame tek meicel i lweny i atekeregi,

³¹Jo Manace arik obino rik romo tutumia apar wie aboro, ame man rik obedo jo ame oyero ayera me wot keto Daudi bedo abaka.

³²Jo Icakar a rik obino rik obedo otel ame romo mia aryo kun atel acel acel tye kede jo mere, Man rik obedo jo ame onwoŋo ŋeo gin ame jo Icrael myero ti kede kare ame myero ti iye.

³³Jo Icrael ame obino rik romo tutumia pyerabic twal, kun gin luŋ obedo jo ame ŋeo lweny meicel, dok opwonyere atek meicel me lweny i jami ducu ame olwenyo kede, dok obino daŋ ame doŋ oruko jami lwenygi oko. Gin rik obino i cunygi acel me konyo Daudi.

³⁴Jo Naputali ame obino rik tye iye otel ame romo tutumia acel kede jo tutumia pyeradek wie abiro ame orukere oko i jami me lweny, kun omako kwodegi kede tonigi.

³⁵Jo Dan ame obino rik romo tutumia pyeraryo wie aboro kede mia kanyape, kun gin luŋ obino ame doŋ oyikere oko me lweny,

³⁶Jo Acer ame obino rik romo tutumia pyeraŋwen, gin daŋ onwoŋo obino ame doŋ oyikere me lweny,

³⁷Jo Reuben, jo Gad kede nucu me atekere a Manaci ame obino i loka Jordan, rik obino ame romo tutumia mia acel i pyeraryo wie aryo, kun gin luŋ obedo jo ame opwonyo me lweny i jami me lweny luŋ.

³⁸Ocirikale magi luŋ, ame onwoŋo doŋ oyikere oko me lweny owoto i Kebron, kun otye kede cuny me keto Daudi bedo abaka me Icrael. Jo Icrael odonnege daŋ onwoŋo tye i cuny acellono, gin daŋ onwoŋo omito ni Daudi bed abakagi.

³⁹Gin rik te bedo baŋ Daudi kuno pi nino adek, kun ocemo dok daŋ omatte, pien omegogi ame onwoŋo rik tye kuno onwoŋo oyikere pirgi.

⁴⁰Dok jo ame onwoŋo ceggi kedgi ame oya i atekere a jo leakar, Jabulon kede Naputali gin daŋ onwoŋo obino i lwak cam adwoŋ meicel ame oketo i wi kane, kede inaga, kane adono mege kede twoni, kun okelo daŋ moko kwon adwoŋ meicel anina oduro, kede etak olok otwo, kono olok, kede moo. Okelo daŋ dok kede romi me acama, Man luŋ otimere me nyuto yomcuny ame jo lerael luŋ onwoŋo tye kede i lobogi.