Read lango 1 Tekwaro 19 Bible Online

1 Tekwaro 19 - lango bible

1 Tekwaro 19

¹Ame man doŋ otum oko, Nakac abaka a jo Ammon te to oko, wode Kanum te doko abaka, leyo kakare.

²Daudi te kobe ni, “An abino bedo aber wan i Kanun wot a Nakac, kite ame yam pappere daŋ obedo keda aber.” Daudi te cwayo omiro mere bane me wot kweyo cunye pi to a pappere. I kare ame gin otuno i lobo a jo Ammon baŋ abaka Kanun,

³odoŋe a jo Ammon te kobo baŋ adwoŋgi Kanun ni, “Yin itamo ni Daudi ocwao kwena me kweyo cunyi ateni, me miyo pappi kwogo. Daudi mom ocwao omiro mere me bino roto kede ŋiŋio bomawa me wek ema oko?”

⁴Mannono te miyo Kanun mako omiro a Daudi, te lyelo yer tikgi tuŋ cel oko, te ŋoŋolo boŋŋigi oko i kwon dudgi, eka te doŋ cwayogi wot.

⁵I kare ame kop man owinyere baŋ Daudi, en ocwao jo me wot rwatte kedgi, pien lewic onwoŋo omako omiro mere-nono meicel. Abaka okobbigi ni, “Koŋ doŋ ibed wunu i Jeriko, tuno wan ame yer tikwu olot, eka ite dwogo wunu.”

⁶I kare ame jo Ammon oneno ni nyiŋgi doŋ ŋwe aŋwea baŋ Daudi, Kanun kede jo Ammon te cwayo lim me ryal ame romo million abiro kede tutumia mia aboro me parjo gadigadi lweny kede wegi aguragura i baŋ jo Mecopotamia, karacel kede en i lobo Aram-maaka, kede i Joba.

⁷En rik te paŋo gadigadi lweny tutumia pyeradek wie aryo, abaka me Maaka te daŋ rik bino kede monnyere, ote wot guro gonygi i ŋet Medeba. Jo Ammon daŋ rik te cokere karacel kun oya i bomagi ducu, ote yikere me lweny.

⁸I kare ame Daudi owinyo kop man, en ocwao kede Y oab monnyere luŋ ame onwoŋo tek meicel i lweny,

⁹Jo Ammon te dorre wot oko, ote wot ryeye i tyen me lweny i nyim dogcel me donyo i boma me Rabba, Aco obakki ocele ame rik obino me konyogi te ryeye kengi i bar kannaler.

¹⁰Kare ame Y oab oneno ni mony tye i nyime kede i ŋee en okwanyo ocirikale mogo me Icrael abeco meicel te canogi i nyim jo Curia.

¹¹Jo odoŋŋere luŋ te miyogi i cin ominnere Abicai, ame te canogi i nyim jo Ammon.

¹²En te kobbi ominnere ni, “Ka ee ineno ni jo Curia armto loya oko, yin myero ibin ikonya; cite ka an abino neno ni jo Ammon amito loyi oko, an abinob ino me konyi.

¹³Yin myer o ka ibed ame cunyi nwan, me onyut cowa pi rokwa kede pi boma Obaŋawa, Rwot gire myero tim gin ame en oneno ni ber bane.”

¹⁴Y oab karacel i jo ame onwoŋo tye bane te doŋ wot anyim me wot lweny i kom jo Curia; jo Curia te mukere oko i ŋwec i nyimgi.

¹⁵Kare ame jo Ammon oneno ni jo Curia oriŋo oko, gin daŋ ote mukere gigi oko i ŋwec i nyim Abicai, ote donyo oko iyi boma, Yoab te dwogo doŋ oko cen i ka lweny i kom jo Ammon, te wot i Jerucalem,

¹⁶Cite i kare ame jo Curia one no ni jo Icrael oloogi oko, gin rik te cwayo kwena, wot kelo jo Curia ame onwoŋo tye i ne kulo Eufrate, gin rik te wot kun Cobak, atel wi mony abaka Adadejer en ame telo nyimgi.

¹⁷I kare ame kop man owinyere baŋ Daudi, en ocoko mony me Icrael luŋ karacel ote wot ŋolo kulo Jordan, gin te wot canne i nyimgi kuno, I kare ame Daudi doŋ oryeo monnyere oko i nyim jo Curia lweny daŋ doŋ te ere oko,

¹⁸Jo Curia te dok mukere oko i ŋwec i nyim jo Icrael; Daudi te neko jo Curia tutumia abiro ame riŋo i gadigadi kede wegi at yene tutumia pyeraŋwen, ote neko daŋ Cobat atel wi monygi oko,

¹⁹I kare ame jo ame onwoŋo tye doŋ i te loc abaka Adadejer oneno ni jo Icrael ologi oko, gin doŋ te cako poro kop me bedo i kuc i Daudi, Gin doŋ te bedo i te loccere,

²⁰Mannono te miyo jo Curia bedo i lworo me medde konyo jo Ammon.