Read lango 1 Tekwaro 2 Bible Online

1 Tekwaro 2 - lango bible

1 Tekwaro 2

¹Icrael rik tye kede awo be mere apar wie aryo; Reuben, Cimeon, Levi, Juda, Icakar, Jabulon,

²Dan, Yucepu, Benjamin, Naputali, Gad kede Acer.

³Juda onwoŋo rik tye kede awobe mere luŋ abic: Dako mere Bateua, nyako me Kanaan onywalo awobe adek: Er, Onam kede Cela, Awobi mere adwoŋ Er onwoŋo obedo atin a kite rac, omio Rwot te neke oko,

⁴Ci-wode Tamali te nywalle awobe aryo: Perej kede Jera.

⁵Perej onwoŋo tye awobe aryo; Kejeron kede Kamul.

⁶Ominnere Jera rik te nywalo awo be abic; Jimri, Etan, Keman, Kalkol, kede Dara,

⁷Wot a Karmi obedo Akar, ame obedo dano obin okelo peko i kom jo Icrael pi turo cik me gin ame rik onwoŋo doŋ otyeko jalo baŋ Rwot;

⁸eka wot Etan te bedo Ajalia.

⁹Kejeron rik onwoŋo onywalo awobe adek: Jerameel, Ram, kede Kelubai,

¹⁰Jo me ot a Ram, cakere i kome tuno kede i kom Ye ee te bedo kit man: Ram onywalo Amminadab, Amminadab onywalo Nacon, ame obedo twon lo moro a neye meicel i kom atekere a Juda,

¹¹Nacon te nywalo Calma, Calma te nywalo Boaj,

¹²Boaj onywalo Obed, Obed te nywalo Yece,

¹³Yece onywalo iti no awo be abiro: Eliab obedo wode me kao, eka joni te lube, Abinadab, Camma,

¹⁴Netanel, Raddai,

¹⁵Ojem, kede Daudi.

¹⁶En rik onywalo daŋ anyira aryo: Jeruja kede Abigail. Jeruja nyaka a Yece te nywalo awobe adek: Abicai, Joab, kede Acael.

¹⁷Eka aminnere Abigail te nywalo Amaca, ame pappere obedo dano me Icrael a nyiŋe Jeter.

¹⁸Kaleb wot a Kejeron rik te nyomo Ajuba, eka gin te nywalo nyako a nyiŋe Jeriot. Itinogi awobe te bedo: Jeeer, Cobab, kede Ardon.

¹⁹Kare ame Ajuba oto, Kaleb te dok nyomo Eprat, eka gin te nywalo awobi ame nyiŋe Kur.

²⁰Kur te nywalo Uri, eka Uri te nywalo Bejalel.

²¹I kare ame Kejeron doŋ oromo mwaka pyerabicel nono, en te nyomo nyaka a Makir, amina a Gilead. Nyannono te nywalle awobi ame nyiŋe Cegub,

²²Cegub te nywalo Jair, ame rik onwoŋo obedo i boma mege ame romo pyeraryo wie adek i lobo me Gilead.

²³Ento Gecur kede Aram rik te mayo boma ame romo pyerabicel twal i kuno kun me Jair kede Kenat daŋ tye iye, karacel kede boma ocele ame onwoŋo tye i ŋetgi. Jo luŋ ame onwoŋo rik bedo kuno onwoŋo rik obedo ikwae a Makir, ame rik obedo papa a Gilead,

²⁴I kare ame Kejeron doŋ otyeko to, wode Kaleb te lako dako mere Eprat, eka te nywalo awobi ame nyiŋe Acur, ame en nat a rik obin onwoŋo boma me Tekoa.

²⁵Jerameel, wot a Kejeron me kao rik te nywalo itino awobe kany: Wode me kao nyiije Ram, eka jo ocele te bedo: Buna, Orem, Ojem, kede Akija.

²⁶Jerameel rik daŋ tye i dako ocele ame nyiŋe Atara, ame obedo toto Onamo

²⁷Ram wode me kao rik onywalo itino awobe adek: Maaj, Jamin, kede Eker,

²⁸On am onywalo itino awobe aryo: Cammai kede Juda, eka Cammai daŋ te nywalo awobe aryo: Nadab kede Abicur.

²⁹Abicur te nyomo dako a nyiŋe Abikail, ame te nywalo Aban kede Molid,

³⁰Nadab ominna a Abicur te nywalo awobe aryo: Celed kede Appaim, ento Celed te to ame mom ru onywalo atinnoro.

³¹Appaim te nywalo Ici, Ici te nywalo Cecan, eka Cecan te nywalo Alai.

³²Jada ominna a Cammai te nywalo awobe aryo: Jeter kede Yonatan, ento Jeter te to ame mom ru onywalo atinnoro,

³³Yonatan te nywalo awobe aryo; Pelet kede Jaja. Joni luŋ obedo ikwae a Jerameel.

³⁴Cecan rik te nywalo ka anyira keken. En onwoŋo tye kede amiro mere ame obedo dano me Miciri, ame nyiŋe Jara,

³⁵ame en rik te miyo nyomo nyare acel. Gin te nywalo atin awobi ame nyiŋe Attai.

³⁶Attai te nywalo Nacan, Nacan te nywalo Jabad,

³⁷Jabad te nywalo Eplal, eka Eplal te nywalo Obed.

³⁸Obed te nywalo Yeku, Yeki, te nywalo Ajaria,

³⁹Ajaria te nywalo Kalej, Kalej te nywalo Eleaca,

⁴⁰Eleaca te nywalo Cicmai, Cicmai te nywalo Callum,

⁴¹Callum te nywalo Jekamia, eka Jekamia te nywalo Elicama.

⁴²Wot a Kaleb me kao, a nyiŋe Meca, ame obedo ominna a Jerameel, rik onywalo Jip, Jip te nywalo Mareca ame obedo papa a Kebron,

⁴³Kebron te nywalo itino awobe aŋwen: Kora, Tappua, Rekem, kede Cema,

⁴⁴Cema onywalo Rakam ame obedo papa a Jorkeam, Bekem ominna a Cema te nywalo Cammai,

⁴⁵Cammai ame obedo papa a Maon, Maon ame obedo papa Betjur.

⁴⁶Kaleb rik onwoŋo daŋ tye i dako aŋeca nyiŋe Epa, ame rik daŋ te nywalle awobe ocele adek: Karan, Moja kede Gajej, Karan te nywalo wode ame nyiŋe daŋ Gajej.

⁴⁷Lo a nyiŋe Jadai rik te nywalo itino awo be abicel: Regem, Jotam, Gecen, Pelet, Epa, kede Caap.

⁴⁸Kaleb rik daŋ dok tye i dako aŋeca ocele ame nyiŋe Maaka, ame te nywale awobe ocele aryo: Caap papa a Madmanna, kede Ceva papa a Makbena kede Gibea,

⁴⁹Medo i kom itino magi, Kaleb onwoŋo daŋ tye i nyare ame nyiŋe Akeca.

⁵⁰Jo-nu luŋ obedo ikwae a Kaleb. Awobi a Kaleb me kao ame dako mere Eprat onywalo obedo Kur. Kur te nywalo Cobal ame obedo papa a Kiriat-jearim,

⁵¹kede Calma papa a Beterekem, kede Kareb papa a Betgader.

⁵²Cobal papa a Kiriat-jearim onwoŋo daŋ tye kede awobe mere ocele, ame nat acel i akinagi obedo Karoe, ame nucu a jo Menuot oya iye,

⁵³jo me doggola a Kiriat-jearim ducu obedo jo Itri, jo Put, jo Cumat kede jo Micra. Jo Jora kede jo Ecitoal daŋ oya i komjo man.

⁵⁴Calma papa a Beterekem obedo kwaro a jo Netopa, Atrot-bet-joab kede nucu a jo Manakat, kede jo Kora.

⁵⁵Jo me doggola a jo ame odiro i tic me araŋ ame obedo boma me Jabej ene: jo Tira, jo Cimea kede jo Cuka. Magi-nono gin jo Keni ame oya i kom Kammat, papa a jo me ot a Rekab.