Read lango 1 Tekwaro 24 Bible Online

1 Tekwaro 24 - lango bible

1 Tekwaro 24

¹Magi en dul ame ikwae Aron oya iye, Aron rik onwoŋo tye awobe aŋwen: Nadab, Abiku, Eliajar, kede Itamar.

²Ento Nadab kede Abiku rik te to oko con ame pappagi pwod kwo kun daŋ pwod ope kede itino, mannono te miyo omegogi Eliajar kede Itamar doko olamdog.

³Abaka Daudi rik te poko ikwae Aron dul i dul kun lubo kit tic ame gin otio. Jo ame okonye kede ticcono obedo Jadok ame en dano acel i akina ekwae Eleajar, kede Abimeleki ame obedo akwar Itamar.

⁴Ikwae Eleajar rik opoko i dul apar wie abicel, kun ikwae Itamar ote poko i dul aboro; otimo kit man pien odoŋe me atekere me doggola acel acel ame oya i kom ikwae Eleajar rik onwoŋo pol kato me ominnere Itamar oko,

⁵Kite acalo rik odoŋe me ot Obaŋa kede odoŋe me telo woro onwoŋo tye i kom ikwae Eleajar kede Itamar, omio opokogi kede bo lo kwir.

⁶Cemaya wot a Natanel en ame rik obedo araŋ a jo Levi me coyo nyiŋ, Ocoogi kun joni tye: abaka, rwode adoŋo, Jadok alamdog, kede Ebimereki wot Abiatar, kede odoŋe atekere ame oya i ot a kwarigi ame gin olamdog kede me doggola a jo Levi. Gin rik obedo kwanyo kwir kun oleo alea, ikwae Eleajar yero eka ikwae Itamar te daŋ yero megi.

⁷K wir me doggola pyera aryo wie aŋwen luŋ rik te poto kit man: kwir me agege opoto i kom Jekoarib, me aryo te poto i kom Jedaya,

⁸me adek te poto i kom Karim, me aŋwen te poto i kom Ceorim;

⁹me abic te poto i kom Malkija, me kanyape te poto i kom Mijamin;

¹⁰me abiro te poto i kom Kakoj, me aboro te poto i kom Abija;

¹¹me aboŋwen te poto i kom Yecua, me apar te poto i kom Cekania;

¹²me apar wie acel te poto i kom Eliacab, me apar wie aryo te poto i kom Jakim;

¹³me apar wie adekkere te poto i kom Kuppa, me apar wie aŋwen te poto i kom Jecebeab;

¹⁴me apar wie abic te poto i kom Bilga, me apar wie abicel te poto i kom Imer;

¹⁵me apar wie abiro te poto i kom Kejir, me apar wie aboro te poto i kom Kapijej;

¹⁶me apar wie aborjwen te poto i kom Petakia, me pyeraryo te poto i kom Jekejikel;

¹⁷me pyeraryo wie acel te poto i kom Jakin, me pyeraryo wie aryo te poto i kom Gamul;

¹⁸me pyeraryo wie adek te poto i kom Delaya, Eka me pyeraryo wie aŋwen te poto i kom Maajia.

¹⁹Joni rik occogi i tic i ot a Rwot kun lubo cik ame kwarogi Aron rik oketo pirgi, kite ame Rwot Obaŋa me Icrael rik ocike kede.

²⁰Magi nyiŋ odoŋe atekere me doggola ocele mege ame oya i kom Levi: i kom ikwae Amuram rik oyero Cebuel; i kom i kwae a Cebuel rik oyero Jedeya.

²¹I kom ikwae a Rekabia kwir opoti i kom Icaya;

²²i kom ikwae a Ijar kwir te poto i kom Celumot, i kom kwae a Celumot kwir te poto i kom Jakat;

²³i kom ikwae a Kebron ote yero Jeria, kede Amaria, kede Jekajiel kede Jekameam,

²⁴i kom ikwae a Ujiel ote yero Mika, i kom ikwae a Mika ote yero Camir.

²⁵Omin a Mika ame en Icaya, i kom ikwae Icaya ote yero Jekaria.

²⁶I kom ikwae a Merari ote yero Makali kede Muci. I kom ikwae a Jajia ote yero Beno.

²⁷I kom ikwae a Merari obedo Jajia, Beno, Cokam, Jakur, kede Ibri,

²⁸I kom ikwae a Mekali ote yero Eleajar ame rik obin onywalo wode moro.

²⁹I kom ikwae a Kic ote yero Jeramel.

³⁰I kom ikwae a Muci ote yero Makali, Eder kede Jerimot. Magi gin ikwae a jo Levi kun lubere i goggola a kwarrigi.

³¹Joni daŋ en ame rik obedo odoŋe atekere me doggola a kwarigi ame rik obolo kwir karacel kede omegogi atino, kite ame omegogi ame obedo ikwae Aron obolo kede kwir i nyim abaka Daudi, Jadok, Abimelek i, kede odoŋe atekere ame oya i ot a akwarrigi ame gin olamdog kede me doggola a jo Levi.