Read lango 1 Tekwaro 25 Bible Online

1 Tekwaro 25 - lango bible

1 Tekwaro 25

¹Daudi karacel kede odoŋe atekere a jo Levi te yero jo me doggola a jo magi me bedo otel woro: Acak, Keman kede Jedutun, Rik oyerogi me kobo kop Obaŋa kun otio opuk kede naŋa kede mola me agoa. Nyiŋ jo ame rik oyero i tic man kede ticgi ene:

²i kom awo be Acap obedo Jakur, Yucepu, Nekania kede Acarela, Acap en ame rik obedo nat a telogi i wer kun ko bo kop Obaŋa ka ee abaka okobbe.

³I kom awobe a Jedutun obedo Gedalia, Jeri, Jecaya, Cimei, Kacabia, kede Matitia, gin luŋ awobe kanyape. Pappagi en ame rik obedo atelgi kun daŋ kobo kop Obaŋa dok tio kede nana opuk, dok daŋ wero wer me pako kede pwoyo Obaŋa.

⁴I kom awo be a Keman obedo Bukia, Matania, Ujiel, Cebuen, Jerimot, Kanania, Kanani, Eliata, Gidalti, Romam-tiejer, Jocebekaca, Maloti, Kotir kede Makajiot.

⁵Obaŋa rik omio Keman ame obedo adwarpiny abaka itino awobe apar wie aŋwen kede anyira adek, kite ame en rik ociko kede ni ebino miyo Keman teko.

⁶Joni luŋ rik obedo jo ame wero wer i kit tum apapat, kede naŋa kede opuk me konyo woro i ot Obaŋa, kun papagi en ame obedo atelgi. Acap kede Jedutun, kede Keman rik obedo jo ame tio tic kun olubo gin ame abaka ocikogi.

⁷Jo man kede omegogi ame obedo jo Levi ame rik onwoŋo opwonyogi i wer i ot a Rwot, gin luŋ rik odiro meicel. Welgi luŋ rik romo mia aryo i pyeraboro wie aboro.

⁸Tic a jo man rik opoko kede kwir, kun gin luŋ oterogi a rom aroma, kadi jo atino onyo jo adoŋo, jo ame doŋ opwonyere oko kede jo ame pwod apwonyere apwonya.

⁹Kwir me agege rik te poto i kom Yucepu me doggola Acap, me aryo te poto i kom Gedalia, kun daŋ omego mere kede awobe mere tye iye, gin ducu jo apar wie aryo;

¹⁰me adekkere te poto i kom Jakur, kun awobe mere kede omego mere tye iye, gin ducu jo apar wie aryo;

¹¹me aŋwennere te poto i kom Ijri kun awobe mere kede omego mere tye iye, gin luŋ jo apar wie aryo;

¹²me kanyere te poto i kom Netania, kun awobe mere kede omego mere luŋ tye iye, gin luŋ jo apar wie aryo;

¹³me abicellere te poto i kom Bukia, kun awobe mere kede omego mere tye iye, gin luŋ jo apar wie aryo;

¹⁴me abiro mere te poto i kom Jacarela, kun awobe mere kede omego mere tye iye, gin luŋ jo par wie aryo;

¹⁵me aboro mere te poto i kom Jecaya, kun awobe mere kede omego mere tye iye, gin luŋ jo apar wie aryo;

¹⁶me aboŋwennere te poto i kom Matania, kun awobe mere kede omego mere tye iye, gin luŋ jo apar wie aryo;

¹⁷me tomon te poto i kom Cimei, kun awo be mere kede omego mere tye iye, gin luŋ jo apar wie aryo;

¹⁸me apar wie acellere te poto i kom Ajarel, kun awobe mere kede omego mere tye iye, gin luŋ jo apar wie aryo;

¹⁹me apar wie aryo mere te poto i kom Kacabia, kun awobe mere kede omego mere tye iye, gin luŋ jo apar wie aryo;

²⁰me apar wie adekkere te poto i kom Cubael, kun awobe mere kede omego mere tye iye, gin luŋ jo apar wie aryo;

²¹me apar wie aŋwennere te poto i kom Matitia, kun awobe mere kede omego mere tye iye, gin luŋ jo apar wie aryo;

²²me apar wie abiccere te poto i kom Jeremot, kun awobe mere kede omego mere tye iye, gin luŋ jo apar wie aryo;

²³me apar wie abicellere te poto i kom Kanania, kun awo be mere kede omego mere tye iye, gin luŋ jo apar wie aryo;

²⁴me apar wie abiro mere te poto i kom Jocebekaca, kun awobe mere kede omego mere tye iye, gin luŋ jo apar wie aryo;

²⁵me apar wie aboro mere te poto i kom Kanani, kun awobe mere kede omego mere tye iye, gin luŋ jo apar wie aryo;

²⁶me apar wie abonwennere te poto i kom Maloti, kun awobe mere kede omego mere tye iye, gin luŋ jo apar wie aryo;

²⁷me pyeraryo mere te poto i kom Eliata, kun awobe mere kede omego mere tye iye, gin luŋ jo apar wie aryo;

²⁸me pyeraryo wie ace Here te poto i kom Kotir, kun awo be mere kede omego mere tye iye, gin luŋ jo apar wie aryo;

²⁹me pyeraryo wie aryo mere te poto i kom Giddalti, kun awobe mere kede omego mere tye iye, gin luŋ jo apar wie aryo;

³⁰me pyeraryo wie adekkere te poto i kom Makajiot, kun awo be mere kede omego mere tye iye, gin luŋ jo apar wie aryo;

³¹me pyeraryo wie aŋwennere te poto i kom Romamtiejer, kun awobe mere kede omego mere tye iye, gin luŋ jo apar wie aryo.