Read lango 1 Tekwaro 7 Bible Online

1 Tekwaro 7 - lango bible

1 Tekwaro 7

¹Icakar onwoŋo rik tye kede otino awobe aŋwen: Tola, Pua, Jacub, kede Cimron,

²Tola rik te nywalo otino awobe kanyape: Uji, Repaya, Jeriel, Jakmai, Ibicam, kede Cemuel. Gin rik obedo odon atekere me doggola a jo Tola, dok gin rik obedo twoni jo atek meicel i lweny. I kare abaka Daudi wel ikwaegi onwoŋo romo tutumia pyeraryo wie aryo kede mia kanyape.

³Uji rik tye awobi acel ame nyiŋe Ijraya, W ode-nono rik te nywalo awobe aŋwen: Micael, Obadia, Joel, kede Icaya, gin daŋ rik obedo odon atekere me doggolagi.

⁴Gin rik onwoŋo onyomo mon apol meicel ame omio otinogi daŋ te bedo apol meicel, ame omio wei ikwaegi romo tutumia pyeradek wie kanyape, ame man onwoŋo okwano ka jo ame romo lweny,

⁵Wel jo luŋ me doggola Icakar ame ocoo nyingi kun lubere i doggola me ot a kwarrigi, rik oromo tutumia pyeraboro wie abiro, kun nwoŋo okwano ka jo ame romo lweny.

⁶Benjamin rik onwoŋo tye kede itino awobe adek: Bela, Becer, kede Jediael.

⁷Bela rik te nywalo awobe kany: Egbon, Uji, Ujiel, Jerimot, kede Iri. Gin daŋ rik obedo atekere me doggolagi, kun daŋ obedo twoni jo atek meicel i lweny, I kom ikwaegi rik tye iye jo a romo lweny tutumia pyeraryo wie aryo kede pyeradek wie aŋwen, ame rik ocoo nyingi i buk me nyiŋ kwarigi.

⁸Becer rik tye kede awobe aboŋwen: Jemira, Yowaci, Eliejer, Eleoenai, Omri, Jeremot, Abija, Anatot, kede Alemet.

⁹Wel ikwaegi luŋ ame ocoo piny tye iye jo ame romo lweny tutumia pyeraryo kede mia aryo.

¹⁰Jedialel rik tye kede wode acel ame nyiŋe Bilan, Bilan te nywalo awobe abiro: Jeuc, Benjamin, Ekud, Cenana, Jetan, Tarcic, kede Akicakar.

¹¹Gin daŋ rik obedo odon me atekere i doggola dok daŋ obedo twoni jo atek meicel i lweny. I kom ikwaegi rik tye iye jo ame romo lweny ame romo tutumia apar wie abiro kede mia aryo.

¹²Cupim kede Kupim rik obedo awobe a Ir, eka Kucim te bedo wot Aker.

¹³Naputal rik onwoŋo tye kede awo be aŋwen: Jajel, Guni, Jajer, kede Calum, Gin rik obedo ikwae a Bila.

¹⁴Dako a Manaci ame aŋeca ame obedo nya jo Aram rik onywale otino awobe aryo: Acriel kede Makir. Makir obedo papa a Gilead.

¹⁵Makir rik te nyommi Kupim dako, te daŋ nyommi Cupim mege. Nyiŋ aminnere rik onwoŋo Maaka, Wot a Makir me aryo mere nyiŋe Jelopekad; Jelopekad te nywalo ka anyira keken.

¹⁶Maaka ame obedo dako a Makir rik te nywale awobe aryo, ame ote cako nyiŋgi ni Perec kede Cerec, Perec te nywalo awobe aryo Ulam kede Rakem,

¹⁷Eka Ulam te nywalo wode Bedan, Magi luŋ obedo ikwae a Gilead wot a Makir, akwar Manaci.

¹⁸Amina a Gilead ame nyiŋe Kamolecet ame onywalo awobe adek: Icod, Abiejer, kede Maklak.

¹⁹Cemida rik tye awo be aŋwen Akian, Cekem, Liki, Aniam.

²⁰Magi gin ikwae Epraim. Epraim onywalo wode Cutela, Cutela te nywalo wode Bered, Bered te nywalo wode Takat, Takat te nywalo wode Eleada, Eleada te nywalo wode Takat,

²¹Takat te nywalo wode Jabad, eka Jabad te nywalo wode Cutela, Epraim rik onwoŋo daŋ tye dok awobe ocele aryo, Ejer kede Elead, ame rik obin onekogi oko i kare gin otemo kwale dok a jo ame bedo i Gat.

²²Papagi Epraim rik te bedo kumo pirgi pi kare alac, omego mere te bi no me bino kweyo cunye.

²³Epraim rik dok te medo ribere kede cege, eka te yac nywalo atin awobi, Gin te cako nyiŋe Beria, pi tim arac ame onen i odgi.

²⁴Epraim rik daŋ onwoŋo tye kede nyare ame nyiŋe Cera, ame en a rik ogero boma me Bet-koron ame tye tuŋ piny kede en ame tye tuŋ malo, karacel kede boma me Ujen-cera.

²⁵En rik onwoŋo daŋ tye i wode ame nyiŋe Repa, ame ikwae te bedo kit man: Repa onywalo wode Recep, Recep te nywalo wode Tela, Tela te nywalo wode Takan,

²⁶Takan te nywalo wode Ladan, Ladan te nywalo wode Amikud, Amikudi te nywalo wode Elicama,

²⁷Elicama te nywalo wode Nuni, Nuni te nywalo wode Yocwa.

²⁸Lobo ame gin omao me bedogi tye iye Betel kede pacci luŋ i tjete, kede i tutuŋ kide te bedo Naaran, eka tutuŋ to te bedo Gejer kede pacci luŋ i ŋete,

²⁹Ikwae a Manace rik te gamo boma magi kede pacci luŋ i ŋetgi: boma me Bet-cean, Taanak, Megido, kede boma me Dor, karacel kede pacci luŋ i ŋetgi. Man en kan ame ikwae a Yucepu wot Icrael obedo iye.

³⁰Magi gin ikwae Acer. En rik onwoŋo tye kede awobe aŋwen: Imna, Iciva, Icivi kede Beria, kede amingi Cera,

³¹Beria te nywalo awobe aryo, Keber kede Malciel, Malciel ame obedo papa a Birjait.

³²Keber rik tye kede itino awobe adek: Japlet, Comer, kede Kotam, karacel kede nyako acel ame nyiŋe Cua.

³³Japlet rik daŋ onywalo itino awobe adek: Pacak, Bimal, kede Acivat.

³⁴Ominnere Comer rik daŋ onywalo awobe adek: Roga, Jekubbak, kede Aram,

³⁵Omingi Kotam daŋ onwoŋo onywalo itino awobe aŋwen: Jopa, Imna, Celec kede Amal.

³⁶Aco awobe a Jopa te bedo: Cua, Karneper, Cual, Beri, Imra,

³⁷Bejer, Kod, Camma, Cilcak, Itiran, kede Beera.

³⁸Awobe a Jeter te bedo: Jepunne, Picpa, kede Ara,

³⁹eka awobe a Ulla te bedo: Arak, Kanniel, kede Rijia,

⁴⁰Jo man luŋ rik obedo ikwae Acer. Gin rik obedo odoŋe atekere me doggola a kwarigi, kun daŋ gin obedo twoni jo atek meicel i lweny, dok otel a neye meicel. I komgi rik tye iye jo ame romo lweny tutumia pyeraryo wie abicel.