Read lango 1 Tekwaro 9 Bible Online

1 Tekwaro 9 - lango bible

1 Tekwaro 9

¹Rik ocoo nyiŋ jo Icrael luŋ i buk me nyiŋ kwaro, kun ocoogi i doggola i doggola, doŋ man en kite ame rik ocoo kede i buk obakki me Icrael. Jo Juda luŋ rik obin otero oko iyi opii i Babulon pi balgi me kwero geno Obaŋa.

²Doŋ i akina jo ame te geyo dwogo me bino bedo i lobo ame rik opokkigi, obedo jo Icrael, olamdog, jo Levi, kede jo ame tio i ot Obaŋa.

³Jo mogo me Juda, jo Benjamin, jo Epraim kede jo Manace te wot bedo i Jerucalem.

⁴I akinagi rik tye iye Utai wot Ammikud, Ammu wot a Omri, Omri wot a Imri, Imri wot a Bani, ame oya i i kom itino a Perej wot a Juda.

⁵Dok i kom jo me Cilo, te bedo iye; Atin kao ame nyiŋe Acaya, kede itino mere.

⁶Aco i kom awobe a Jera te bedo iye: Jeuel, kede wati mere. Jo luŋ a rik obedo i Jerucalem rik romo mia abicel kede pyeraborjwen,

⁷Aco jo ame oya iyi atekere a Benjamin obedo iye jo magi: Callu wot a Mecullam, ame rik obedo wot a Kodavia, Kodavia ome obedo wot a Kacenua.

⁸Ibneya wot a Jerokam. Ela wot a Ujju, ame obedo akwar jo Miciri. Mecullam wot a Cepatia, ame rik obedo wot a Rewel, ame obedo wot a Ibnija,

⁹Jo me itekere a Benjamin a rik onwoŋo bedo i Jerucalem rik romo mia aborjwen kede pyerabic wie abicel, kun jo ame nyingi tye kani obedo odoŋe atekere me doggola a kwarigi.

¹⁰Olamdog ame obedo i Jerucalem ene: Jedaya, Jekoyarib, kede Jacin.

¹¹Ajaria wot a Kilkia ame rik obedo atel adwoŋ me ot a Rwot. Kilkia wot a Mecullam, Mecullam wot a Jadok, Jadok wot a Merayot, Merayot wot Akitub kede en Akitub.

¹²Adaya wot a Jerokam, ame obedo wot a Packur, Packur ame obedo wot a Malelia. Maacai wot Adiel, ame obedo wot a Jajera, ame obedo wot a Mecullam, ame obedo wot a Mecillemit, kede Immer ame obedo papa a Mecillemit.

¹³Olamdog ame rik obedo otel ame onwoŋo loo tic i ot Obaŋa rik romo tutumia acel, mia abiro kede pyerabicel nono. Jo man rik obedo jo ame tye kede ŋec atut i ticcoro luŋ ame onwoŋo otio i ot Obaŋa.

¹⁴Jo Levi ame obedo i Jerucalem ame Cemaya wot a Kaccub ame obedo wot Ajirikam; Ajirikam wot a Kacabai, ame obedo wot a Merari,

¹⁵kede Bakbakkar, Kerec, Calal, kede Mattatia ame obedo wot Acan.

¹⁶Obadia wot a Cemaya, wot a Gelal ame obedo wot a Jedutun, kede Berakia wot Aca, ame obedo wot a Elkana ame rik bedo i Netopat.

¹⁷Jo ame rik obedo ogwok doggola ene: Callum, Akub, Talmon, Akiman kede watigi. Atelgi rik obedo Callum,

¹⁸gin onwoŋo obedo ogwok doggola abaka me tuŋ kide, naka atot tin, Magi gin ogwok dogcel me gony a jo Levi,

¹⁹Callum wot a Kore, Kore wot a Ebiacap, karacel kede owote mere, ame gin obedo jo me doggola a kwarogi Kora. Gin jo Kora onwoŋo rik gin en ame loo tic me gwoko doggola me kema, kite ame rik kwarogi onwoŋo obedo jo ame loo ke ma a Rwot, ogwok doggola ame donyo i ke ma a Rwot.

²⁰Kare moro Finekaci wot Eleajar onwoŋo obedo nat ame loogi, Rwot rik obedo bedo kede i kare-naca.

²¹Aco Jekaria wot a Mecelemia rik obedo agwok doggola me kema me rwatte.

²²Jo ame rik oyero me gwoko doggola kede dogcel, rik romo mia aryo kede apar wie aryo. Jo man rik ocoo nyiŋgi i buk me Tekwaro kun olubo i paco i paco ame gin onwoŋo bedo iye. Abaka Daudi kede Camwiri anen piny, en ame rik oketo jo man i tic ame mito gen.

²³Mannono omio gin kede ikwae obedo ame loo tic me gwoko dogcel me ot a Rwot, ame en ot me kema, kun gin otye acalo okur piny.

²⁴Dogcel onwoŋo tye aŋwen, me tuŋ kide, kede tuŋ to, me tuŋ anyarodi kede tuŋ anyarolum, rik onwoŋo oketo dano ame gwoko dogcel acel acel.

²⁵Ogwok dogcel-li rik watigi ame bedo i akina paco rik konyogi kun oleo alea i ne ni no abiro abiro.

²⁶Ogwok aŋwen-ni rik bedo kuno i kare luŋ, kun olo icika atino mege, kede ot kano lim Obaŋa.

²⁷Udi me butogi rik tye i ŋet ot Obaŋa kuno pien gin rik ogwok ot Obaŋa, kun oyabo doggola ni no luŋ odiko.

²⁸Jo ocele i akina jo Levi rik obedo jo ame gwoko jami me tic, Gin rik kwano kare ducu ka awot tic kedgi kede ka adwogogi,

²⁹Jo ocele rik oketo i tic me loyo jami me ot Obaŋa, jami tic acil luŋ, moko kwon aprottere, kono olok, moo, odok a ŋwece kur, kede gin a rjwece kur.

³⁰Ento jo mogp i akina awobe olamdog, en ame rik obedo jo ame rubo gin a ŋwece kur.

³¹Alevi moro ame nyiŋe Mattitia, ame obedo wot a Callum me kao, dano me doggola a Kora, en ame rik obedo nat ame loo tic me tedo ogati ame opapado me yalo Obaŋa, pien en rik onwoŋo obedo lo a genne.

³²Watigi ocele ame obedo jo me doggola a Kokat, rik obedo jo ame loo tic me ogati ame oketo i nyim Rwot; gin rik oyiko cabit i cabit.

³³Jo mogo me doggola a jo Levi, rik obedo jo ame ower i ot Obaŋa. Odoŋe ame loo doggola ame wero-nono rik obedo i udi mogo atitino ame tye i ŋet ot Obaŋa, kun mom doŋ omiogi ticcoro ocele, pien gin rik otio kare luŋ dyecen kede dyewor.

³⁴Jo ame nyingi tye malo-nu, en ame obedo otel me doggola a jo Levi, kun lubo lwakigi. Gin rik obedo otel ame bedo i Jerucalem.

³⁵Jeyel rik obin onwoŋo boma me Gibeon te daŋ bedo kuno, Dako mere rik nyiŋe Maaka,

³⁶eka wode me kao te bedo Abdon. Awobe mere ocele te bedo: Jur, Kic, Baal, Nadab, Neri,

³⁷Gedor, Akio, Jekaria, kede Miklot,

³⁸ame obedo papa a Cimea. Ikwae a joni rik obedo i Jerucalem i ŋet jo ocele me doggola apapat.

³⁹Papa a Kic obedo Neri, eka Kic te bedo papa a Caulo. Caulo rik onywalo itino awobe aŋwen: Yonacan, Malkicua, Abinadab, kede Ecibaal.

⁴⁰Yonacan rik te bedo papa a Meribaal, ame obedo papa a Mika,

⁴¹Mika rik onywalo awobe aŋwen: Piton, Melek, Tarea, kede Akaj.

⁴²Akaj rik te bedo papa a Jarak, ame rik onywalo awobe adek: Alemet, Ajimavet kede Jimri. Jimri rik te bedo papa a Moja,

⁴³eka Moja te bedo papa a Binea, Binea te nywalo wode Rapa, Rapa te nywalo wode Eleaca, Eleaca te nywalo wode Ajel.

⁴⁴Ajel rik te nywalo itino kanyape: Ajirikam, Boceru, Icmael, Cearia, Obadia kede Kanan.