Read lango 2 Tekwaro 1 Bible Online

2 Tekwaro 1 - lango bible

2 Tekwaro 1

¹Culeman wot a Daudi te moko loccere bedo atek meicel, kun Rwot Obaŋa mere mie winyo ame te miyo en bedo twon lo moro adwoŋ meicel.

²Culeman rik te kop i jo Icrael luŋ, kun kobo odoŋe ame onwoŋo telo wi mony, odoŋe ame loo jo tutumia kede en ame loo jo mia, oŋolkop kede odoŋe ocele luŋ me Icrael, karacel kede odoŋe me Icrael ame loo doggola a kwarigi,

³Culeman rik te ciko ni lwak luŋ myero wot kede i ka woro Obaŋa ame tye i wi kidi i Gibeon; pien kema me rwatte Obaŋa, ame Muca amiro Obaŋa rik otio i tim onwoŋo rik pwod tye kuno.

⁴Ento Daudi rik onwoŋo okwanyo canduk Obaŋa i Kiriat-jearim, okelo i kabedo ame rik en oyiko pire, pien en rik onwoŋo oguro kema pire i Jerucalem.

⁵Medo i mannono daŋ keno lam me mola ame rik Bejajel wot a Uri, ame obedo wot a Kur, rik otio, onwoŋo daŋ pwod tye i Gibeon kuno i nyim kema a Rwot. Culeman karacel kede lwak luŋ rik te wot woro Obaŋa kuno,

⁶Culeman rik te wot cuŋ i nyim Rwot kuno i nyim keno lam me mola, ame rik onwoŋo tye i nyim kema me rwatte; en te yalo Obaŋa i mot awaŋa ame romo tutumia acel i wi keno lam kuno,

⁷Kare ame en tye i Gibeon kuno, Obaŋa te nen baŋe i dyeworrono te kobbe ni, “Peny gin ame imito ni myero ami baŋi,”

⁸Culeman te gamo ni, “Yin doŋ ityeko nyuto twon marri adwoŋ a mom lokere baŋ amironi pappa Daudi, ityeko daŋ doŋ keta me bedo abaka kakare.

⁹Ama Obaŋa, mi kop ame rik iciko baŋ pappa Daudi ocobere doŋ oko aman, pien yin doŋ ityeko keta me bedo abaka ame loo rok adwoŋ meicel, ame pol calo apua me lobo.

¹⁰Tim ber tin doŋ imia ryeko kede ŋec, me aŋe loyo rok man, pien ŋa kara ame romo loyo rokki adwoŋ wok-ki?”

¹¹Obaŋa te gamo ni, “Pien iyero man mom ikwao lim, lonyo kwogo akadi kwayo ni myero mi inek jo ame dagi oko, dok daŋ mom ikwao ni myero ami iperakino kare alac, cite ite lunyo kwayo ka ryeko kede ŋec, me wek ilo jona ame an doŋ atyeko keti me bedo abakagi,

¹²ryeko kede ŋec doŋ atyeko miyo oko baŋi. Abino daŋ miyo twon lonyo adwoŋ kede lim adwoŋ a mom twerre, kun daŋ jo wori atek, ame mom tye ŋattoro i akina oloc ame otelo nyimi ame yam koŋ obedo calo yin, dok daŋ mom tye moro i akina oloc ame bino lubi ame bino nwoŋo gin a yin inwoŋo.”

¹³Culeman doŋ te ya oko i nyim kema me rwatte, i wi kidi i Gibeon te wot i Jerucalem. En doŋ te bedo loyo jo Icrael.

¹⁴Culeman rik ocoko gadigadi lweny karacel kede olweny ame riŋo aguragura. En rik onwoŋo tye i gadigadi lweny tutumia apar wie aŋwen karacel kede wegi aguragura tutumia apar wie aryo, Mogo i akinagi rik bedo i boma apapat ame ogwoko iye gadigadi, en ocele bedo baŋ abaka i Jerucalem.

¹⁵Abaka rik te miyo ryal kede jabu doko gin a pire mom dit i Jerucalem calo gweŋ, kun bao me cedar dwoŋ atata i Jerucalem calo olam ame tye i bar me Cepela,

¹⁶Culeman rik onwoŋo aguragura mere i ya i lobo me Miciri kede i Kuc; ocatwil abaka rik wilogi i Kuc i wel ame onwoŋo doŋ omoko oko.

¹⁷Gadi gadi ame ya i Miciri rik acel acel romo cekel me ryal abicel, eka aguragura acel acel te bedo me ryal mia acel kede pyerabic. Ocatwil abaka te dok catogi oko baŋ obakki a jo Kitti kede me Curial.