Read lango 2 Tekwaro 27 Bible Online

2 Tekwaro 27 - lango bible

2 Tekwaro 27

¹Yocam ocako loc kun mwka me dittere tye pyeraryo wie abic, en te bedo loc i Jerucalem pi mwakki apar wie abicel. Nyiŋ tottere Yeruca ame obedo nyaka a Jadok,

²En obedo tiyo gin gin ame tye atira i nyim Rwot, kun timo ginnoro luŋ ame pappere Ujia rik obedo timo; cite en gire mom oturo cik me donyo wot tic i ot a Rwot, Cite lwak pwod omedde timo tim a mom atira.

³En ogero doggola i malo me ote a Rwot, dok daŋ otio tic atek meicel i gero apama cel i tur ame olwoŋo ni Opel.

⁴Medo i mannono, en ogero daŋ boma apapat i lobo obedo kidikidi i Juda, te daŋ gero celloro atek kede gedo ocuŋ i guŋ i wi kiddi kan ame yen ocule iye.

⁵En olwenyo abaka a jo Ammon te loyogi oko. Jo Ammon te miye ryal ame romo tan aŋwen, ŋano ame romo puku tutumia pyeradek kede cayiri daŋ puku tutumia pyeradek. Gin te bedo culle kit jami acellono i mwaka ame lubo mannono kede i mwaka me adek.

⁶Yocam te doko twon lo moro atek meicel, pien obedo winyo Rwot Obaŋa mere.

⁷Kop i kom Yocam odoŋŋere luŋ, lweny ame en olwenyo luŋ, kite ame en obedo kede, ame mom ocoo kan, gin luŋ tyeocoo i buk obakki me Icrael kede Juda.

⁸En ocako bedo aloc kun mwaka me dittere tye pyeraryo wie abic, en te bedo loc i Jerucalem pi mwakki apar wie abicel.

⁹Yocam oto, te wot weo karacel i kwari mere, ote yiko kome i paco a Daudi. Wode Akaj en ame te leyo kakare.