Read lango Ejira 10 Bible Online

Ejira 10 - lango bible

Ejira 10

¹I kare ame Ejira tye ka kwayo Obaŋa-nono, kun tuco bal, ame akok akoka, dok arette piny i nyim ot Obaŋa, lwak jo apipim, co kede mon kede itino, ocokere baŋe kun oya iyi Icrael luŋ, ote kok atek meicel.

²Cekania wot a Jekial, me doggola a Elam, te kobbi Ejira ni, “Wan oturo cik Obaŋawa, ote nyomo anyira orok ame bedo kan me bedo monwa, kadi bed wan otimo bal man cite jo Icrael pwod tye kede gen.

³Aman wan myero koŋ dok ocikere kede Obaŋawa ni mannono wan obino miyo mon magi luŋ kede itinogi wot oko, Wan obino timo gin ame yin adwoŋwa karacel kede jo ame woro gin ame Obaŋa ociko okobbiwa, Wan obino timo kun olubo gin ame Obaŋa ociko,

⁴Ya doŋ malo, pien mannono obedo ticci, wan oyikere oko me tic karacel kedi; bed atek me itimo oko.”

⁵Ejira doŋ te ya malo, te miyo odoŋe ame loo olamdog kede jo Levi karacel kede jo Icrael ducu kwoŋ ni obino timo gin ame doŋ otyeko kobo ducu, Jo luŋ te kwoŋ kittono.

⁶Ejira te doŋ ya oko i nyim ot Obaŋa, te wot naka iyi cikka a Jekokanan wot a Eliacib, te wot bedo kuno dyewor acel kun mom camo ginnoro, mom daŋ mato ginnoro; pien i kare-nono onwoŋo tye ka kumo atek pi tim a jo ame odwogo iyi opii eka ote cako turo cik a Rwot.

⁷Rik ote rabo kop romo jo luŋ ame odwogo iyi opii ame tye i Juda kede i Jerucalem ni jo luŋ myero cokere i Jerucalem,

⁸kun omedo ni ka ŋat a mom obino i Jerucalem i akina me nino adek, rwode kede odoŋe atekere bino miyo ogamo jami mere oko ote daŋ ryeme oko i akina jo ame odwogo iyi opii,

⁹Jo luŋ me Juda kede Benjamin te cokere i Jerucalem i nino adek keken; gin ocokere kuno i nino dwe pyeraryo nono, dwe me aboŋwen. Jo luŋ obedo i dyekal i nyim ot Obaŋa, kun komgi amyel amyela pi koppono, kede dok pi kot ame onwoŋo tye acwe atek meicel.

¹⁰Ejira alamdog te ya malo kobbi lwak ni, “Wun ituro wunu cik pi nyomo monwu i baŋ rok ocele, mannono omio imedo wunu bal atek i wi jo Icrael.

¹¹Aman doŋ myero ituc wunu balwu baŋ Obaŋa a kwariwu, eka ite timo wunu gin ame en mito. Pokere wunu oko i kom rok luŋ ame tye ka bedo i lobowa dok daŋ myero iryem wunu mon ame inyomo wunu i baŋ orok oko.”

¹²Lwak luŋ te gamo koppere kede dwon aloŋo kun owo ni, “Myero gire timere amannono, wan myero otim gin ame ikobo.”

¹³Dok ote medo ni, “Cite jo pol meicel, dok kot daŋ tye acwe atek. Pe bedo yot wan me bedo cuŋ i dyekal kannaler kit man. Man mom tic ame twero cobere i nino acel onyo aryo, pien polwa oturo cik man.

¹⁴Myero odoŋe ame loowa en ame cuŋŋi lwak luŋ; jo luŋ ame onyomo mon orok ame tye i bomawa ducu myero bin i nino kede caa ame ociko, kun obino karacel kede odoŋe ame loogi kede oŋolkop me bomagi-nono. Man bino miyo akemo Obaŋa ame omake i komwa wok-ki pi bal man kwe oko.”

¹⁵Jo luŋ te ye tam ame okelo-nono kono ka Yonacan wot Acael kede Jajeya wot a Tikiva en okwero kun Mecullam kede Cebbetai, ame gin jo Levi cwakogi.

¹⁶Jo luŋ ame odwogo iyi opii te timo amannono, Ejira alamdog te yero jo i akina jo ame loo doggola a kwarigi, kun lubo kite ame doggola acel acel tye kede, te coyo daŋ nyiŋ ŋat acel acel piny. I nino dwe acel me dwe me apar, gin te bedo piny me koŋ yenyo tyen kop man,

¹⁷eka i nino dwe acel me dwe me agege me mwaka anyen, en ame tic me yenyo tyen kop a jo ame onyomo mongi i baŋ orok otum iye.

¹⁸Magi gin nyiŋ olamdog ame onwoŋo onyomo mongi i baŋ orok: I kom awobe me doggola a Yecua wot a yekojadak kede omego mere onwoŋo tye iye: Maceya, Eliajer, Jarib, kede Gedalia.

¹⁹Gin luŋ ocikere ni obino ryemo mongi oko, gin te yalo Obaŋa kede nyok romo acalo motgi me walakino i roc.

²⁰I kom jo me doggola a Immer te bedo iye Kanani kede Jebadia.

²¹I kom jo me doggola a Karim te bedo iye: Maceya, Cemaya, Jekiel, kede Ujia.

²²I kom jo me doggola a Pacur te bedo iye: Elioenai, Maceya, Icimael, Netanel, Jojabad, kede Elaca.

²³Jo Levi ame onyomo mongi i baŋ orok ene: Jojabad, Cimei, Kelaya ame nyiŋe ocele Kelita, Petakia, Juda kede Eliejer.

²⁴I kom ower Eliacib kene en ame onyomo dako mere i baŋ orok, Aco i kom jo ame gwoko doggola ot Obaŋa te bedo: Callum, Telem, kede Uri.

²⁵Eka i kom jo ocele te bedo jo magi: I kom jo me doggola a Paroc tye Ramia, Ijjia, Malkija, Mijamin, Eliajar, Malkija, kede Benayo.

²⁶I kom jo me doggola a Elam te bedo Matania, Jekaria, Jekiel, Abdi, Jeremot, kede Erica.

²⁷I kom jo me doggola a Jattu tye Elioenai, Eliacib, Matania, Jeremot, Jabad, kede Ajija.

²⁸I kom jo me doggola a Bebai te bedo Jekokanan, Kanania, Jabbai, kede Atilai,

²⁹I kom jo me doggola a Bani te bedo: Mecullam, Malluk, Adaya, Jacub, Ceal, kede Jeremot.

³⁰I kom jo me doggola a Pakat-moab te bedo: Adna, Celal, Benayo, Maceya, Matania, Bejalel, Binnui, kede Manace,

³¹I kom jo me doggola a Karim te bedo Eliejer, Icija, Malkija, Cemaya, Cimeon,

³²Benjamin, Malluk, kede Cemaria.

³³I kom jo me doggola a Kacum te bedo Matenai, Mattata, Jabad, Eliepelet, Jeremai, Manace kede Cimei.

³⁴I kom jo me doggola a Bani tye iye Madai, Amuram, Uel,

³⁵Benayo, Bedeya, Celuki,

³⁶Vania, Meremot, Eliacib,

³⁷Matania, Mattenai, kede Jacu,

³⁸I kom jo me doggola a Binnui te tye iye Cimei,

³⁹Celemia, Natan, Adaya,

⁴⁰Makenadebai, Cacai, Carai,

⁴¹Ajarel, Celemia, Cemaria,

⁴²Callum, Amaria kede Yucepu.

⁴³I kom jo me doggola Nebo te bedo Jeyel, Mattitia, Jabad, Jebina, Jaddai, Joel, kede Benaya.

⁴⁴Jo magi luŋ onwoŋo rik onyomo anyira orok. Gin rik te ryemogi oko karacel kede itinogi.