Read lango Ejira 2 Bible Online

Ejira 2 - lango bible

Ejira 2

¹Magi gin jo me Juda ame rik oya iyi opii i Babulon kan ame rik abaka Nabukadnejar oterogi iye acalo opii, Gin luŋ odwogo i Jerucalem kede i Juda, kun ŋat acel acel dok cen i boma me turgi.

²Otel ame owoto kedgi ene: Jerubabel, Yecua, Nekemia, Ceraya, Reelaya, Mordekai, Bilcan, Micpar, Bigvai, Rekum kede Bana. Man en wel jo Icrael ame odwogo iyi opii,

³Jo me doggola a Paroc rik tye tutumia aryo, mia acel kede pyerabiro wie aryo,

⁴Jo me doggola a Cepatia te bedo mia adek kede pyerabiro wie aryo,

⁵Jo me doggola Arak, mia abiro kede pyerabiro wie abic,

⁶Jo me Pakat-moab, ame obedo jo me doggola a Yecua kede Yoab, te bedo tutumia aryo, mia aboro kede apar wie aryo,

⁷Jo me doggola a Elam te bedo tutumia acel, mia aryo kede pyerabic wie aŋwen,

⁸Jo me doggola a Jattu te bedo mia aboŋwen kede pyeraŋwen wie abic.

⁹Jo me doggola a Jakkai te dwogo mia abiro kede pyerabicel nono,

¹⁰Jo me doggola a Bani te bedo mia abicel kede pyeraŋwen wie aryo,

¹¹Jo me doggola a Bebai odwogo mia abicel kede pyeraryo wie adek,

¹²Jo me doggola Ajigad te dwogo tutumia acel, mia aryo kede pyeraryo wie aryo,

¹³Jo me doggola Adonikam te dwogo mia abicel kede pyerabicel wie abicel.

¹⁴Jo me doggola a Bigvai te dwogo tutumia aryo, kede pyerabic wie abicel.

¹⁵Jo me doggola Adin odwogo mia aŋwen kede pyerabic wie aŋwen,

¹⁶Jo me doggola Ater ame obedo dano me doggola a Kejekia te bedo pyeraŋwen wie aboro,

¹⁷Jo me doggola a Bejai odwogo mia adek kede pyeraryo wie adek,

¹⁸Jo me doggola a Jora te bedo mia acel kede apar wie aryo,

¹⁹Jo me doggola a Kacum odwogo mia aryo kede pyeraryo wie adek.

²⁰Jo me doggola a Gibbar odwogo pyeraboŋwen wie abic.

²¹Jo ame rik kwarigi bedo i Beterekem odwogo mia acel kede pyeraryo wie adek.

²²Jo ame kwarigi obedo i Netopa odwogo pyerabic wie abicel.

²³Jo ame kwarigi obedo i Anatot odwogo mia acel kede pyeraryo wie aboro.

²⁴Jo ame kwarigi obedo i Ajimavet odwogo pyeraŋwen wie aryo.

²⁵Jo ame kwarigi obedo i Kiriatjearim, Cepira, kede i Beerot odwogo mia abiro kede pyeraŋwen wie adek.

²⁶Jo ame kwarigi obedo i Rama kede i Geba odwogo mia abicel kede pyeraryo wie acel.

²⁷Jo ame kwarigi obedo i Mikmac odwogo mia acel kede pyeraryo wie aryo,

²⁸Jo ame kwarigi obedo i Betel kede i Ai odwogo mia aryo kede pyeraryo wie adek.

²⁹Jo ame kwarigi obedo i Nebo odwogo pyerabic wie aryo.

³⁰Jo ame kwarigi obedo i Magbic odwogo mia acel kede pyerabic wie abicel.

³¹Jo ame kwarigi obedo i Elam ocele mere odwogo tutumia acel, mia aryo kede pyerabic wie aŋwen.

³²Jo ame kwarigi obedo i Karim odwogo mia adek kede pyeraryo,

³³Jo ame kwarigi obedo i Lod, Kadid, kede i Ono, odwogo mia abiro kede pyeraryo wie abic,

³⁴Jo ame kwarigi obedo i Jeriko odwogo mia adek kede pyeraŋwen wie abic.

³⁵Jo ame kwarigi obedo i Cena odwogo tutumia adek, mia abicel kede pyeradek.

³⁶Magi en ame obedo jo me doggola olamdog ame odwogo iyi opii: Ikwae a Jedaya me doggola a Yecua odwogo mia aboŋwen kede pyerabiro wie adek,

³⁷Jo me doggola Immer odwogo tutumia acel kede pyerabic wie aryo.

³⁸Jo me doggola a Pacur odwogo tutumia acel, mia aryo, kede pyeraŋwen wie abiro.

³⁹Jo me doggola a Karim odwogo tutumia acel kede apar wie abiro.

⁴⁰Magi en ame obedo jo Levi ame odwogo iyi opii: Jo me doggola a Yecua kede me a Kadmiel ame obedo ikwae Odavia te bedo pyerabiro wie aŋwen,

⁴¹Jo Levi ame rik gin ower, ame obedo ikwae Acap odwogo mia acel kede pyeraryo wie aboro,

⁴²Jo Levi ame rik obedo ogwok doggola ot Obaŋa, ame obedo ikwae a Callum, Ater, Talmon, Akkub, Katita, kede ikwae a Cobai odwogo mia acel kede pyeradek wie aboŋwen.

⁴³Magi en ame obedo jo ame odwogo iyi opii i akina jo ame rik tio ticcogo apek i ot Obaŋa: jo me doggola a Jika, Agaba, Tabaot,

⁴⁴jo me doggola a Keroc, Ciaka, kede Padon,

⁴⁵jo me doggola a Lebana, Agaba, kede Akub,

⁴⁶jo me doggola Agab, Camlai, kede Kanan,

⁴⁷jo me doggola a Giddel, Gakar kede Reaya,

⁴⁸jo me doggola a Rejin, Nekoda, kede Gajam,

⁴⁹jo me doggola a Ujja, Pacea kede Becai,

⁵⁰jo me doggola Acina, Meunuim, kede Nepicim,

⁵¹jo me doggola a Bakbuk, Akupa kede Karkur,

⁵²jo me doggola a Bajlut, Mekida, kede Karica,

⁵³jo me doggola a Barkoc, Cicera kede Tema,

⁵⁴jo me doggola a Nejia kede Atipa.

⁵⁵Magi obedo jo ame odwogo Iyi opii i akina ikwae omiro ame rik tio baŋ Culeman: jo me doggola a Cotai, Acoperet, Peruda

⁵⁶jo me doggola a Jaala, Darkon, kede Gidel,

⁵⁷jo me doggola a Cepatia, Kattil, Pokeret-Kajebaim kede Ami.

⁵⁸Wel jo luŋ ame rik tio ticcogo apek i ot a Rwot kede ikwae omiro, ame rik tio baŋ abaka Culeman ame odwogo iyi opii rik romo mia adek kede pyeraŋwen wie aryo.

⁵⁹Magi daŋ obedo jo ame oya i Tel-mela, Tel-karica, Kerub, Addan, Immer; gin onwoŋo mom otwero nyuto doggola a kwarigi ame gin oya iye ame twero cimo kannaler ka ce gin obedo jo Icrael.

⁶⁰Obino jo a Delaya, Tobia, kede jo a Nekoda; gin luŋ mia abicel kede pyerabic wie aryo.

⁶¹Medo i kom mannono, ikwae olamdog magi daŋ obino: jo me doggola a Kabaya, Kakkoj, kede me a Bariillai ame rik onyomo dako mere i akina anyira a Barjillai me Gilead, rik daŋ ote cako lwoŋe kede nyiŋ papa a cegenono.

⁶²Otemo yenyo nyiŋ jo man ka ce onwoŋo tye i buk ame ocoo iye nyiŋ kwaro a jo Icrael, cite mom ote nwoŋo, omio ote kwanyo nyiŋgi oko i kom olamdog, ote dwoko i akina jo ocele ame mom obedo olamdog,

⁶³Gabuna rik te miyogi ŋeyo ni kite acalo gin ame nyuto ni gin obedo ikwae olamdog mom tye-ni, gin doŋ mom bino medde camo cam ame omio baŋ Obaŋa, tuno ka alamdoggoro tye ame romo penyo tam Obaŋa, kun tio Urim kede Tumim.

⁶⁴Lwak luŋ ame rik odwogo iyi opii rik romo tutumia pyeraŋwen wie aryo, mia adek kede pyerabicel nono,

⁶⁵kun mom okwano iye omirogi kede aŋecagi ame rik tye tutumia abiro, mia adek kede pyeradek wie abiro, karacel kede ower a co kede a mom ame rik romo mia aryo nono,

⁶⁶Aguragura ame gin odwogo kede rik romo mia abiro kede pyeradek wie abicel, kede kane adoŋo mege ame romo mia aryo kede pyeraŋwen wie abic,

⁶⁷kede inaga mia aŋwen kede pyeradek wie abic, kede dok kane ocele tutumia abicel, mia abiro kede pyeraryo nono.

⁶⁸Kare ame jo man otuno i ot a Rwot, ame rik tye i Jerucalem, odoŋe atekere mogo rik te miyo mot ame cunygi okwanyo me konyo tic me gero ot Obaŋa i kakare aconnaca ikokome.

⁶⁹Gin omio gin ame onwoŋo tye i ciŋgi, kun ŋat acel acel mio gin ame eromo miyo, Gin te miyo iyi cao ticcono jabu ame pekkere romo dari tutumia apar wie abicel, mia abic kede pyeraryo nono, kede ryal ame pekkere romo cekel tutumia acel kede apar wie abiro, kede boŋŋi me aruka olamdog ame romo mia acel.

⁷⁰Olamdog kede jo Levi, karacel kede jo ocele mogo rik te bedo i Jerucalem, kene i ŋete, eka ower, ogwok doggola ot a Rwot kede jo ame tio ticcogo apek i ot a Rwot, kede jo Icrael odonnege luŋ, te doŋ bedo i bomagi.