Read lango Nekemia 10 Bible Online

Nekemia 10 - lango bible

Nekemia 10

¹Jo ame te keto ciŋgi iye te bedo Nekemia, gabuna, wot a Kakalia, Jedekia,

²Ceraya, Ajaria, Jeremia,

³Pacur, Amaria, Malkija,

⁴Kattuc, Cebania, Malluk,

⁵Karim, Meremot, Obadia,

⁶Daniel, Ginneton, Baruk,

⁷Mecullam, Abija, Mijamin,

⁸Majia, Bilgai, kede Cemaya. Jo magi luŋ obedo olamdog,

⁹Jo Levi ame oketo cingi te bedo Yecua wot Ajania, Binnui me doggola a Kenada, Kadmiel,

¹⁰karacel kede omegogi Cebania, Odia, Kelita, Pelaya, Kanan,

¹¹Mika, Rekob, Kacabia,

¹²Jakkur, Cerebia, Cebania,

¹³Odia, Bani, Beninu,

¹⁴Otel a lwak ame oketo cingi obedo. Paroc, Pakat-moab, Elam, Jattu, Bani,

¹⁵Bunni, Ajigad, Bebai,

¹⁶Adonija, Bigvai, Adin,

¹⁷Ater, Kejekia, Ajur,

¹⁸Odia, Kacum, Bejai,

¹⁹Karib, Anatot, Nebai,

²⁰Magpiac, Mecullam, Kejir,

²¹Mecejabel, Jadok, Jadua,

²²Pelatia, Kanna, Anaya,

²³Kocea, Kanani, Kacub,

²⁴Kalokec, Pila, Cobek,

²⁵Rekum, Kacabina, Maceya,

²⁶Akia, Kanan, Anan,

²⁷Malluk, Karim, Bana.

²⁸Wan jo Icrael, olamdog, Olevi, ogwok doggola ot Obaŋa, ower, jo ame tio ticcogo apek i ot Obaŋa, kede jo ocele luŋ, ame pi woro cik Obaŋawa opokere oko kenwa i akina orok ame bedo i lobowa; wan karacel kede monwa, itinowa, ame oteggo ame romo doŋ niaŋ kede ŋeyo,

²⁹wan luŋ oribere kede owotewa ame telowa i kwoŋ kede i ceŋ ka ce oturo kop ame ocikere iye, kun okwoŋo ni obino lubo cik Obaŋawa ame rik en omio baŋ Muca amiro mere, te miyo baŋwa. Wan ocikere me lubo kede tiyo gin ame Rwot Obaŋawa ocikowa iye; dok ocikere daŋ me lubo cikkere luŋ kede icwillere.

³⁰Mom obino nyomere kede orok ame bedo i lobowa.

³¹Ka ce gin bino kelo ginnoro me acata baŋwa i ceŋ cabit onyo i nino moro acil, wan gire mom obino wilo gigi-nono. I mwaka me abiro mom obino dok puro pottiwa ame onwoŋo ojeŋo baŋwa, dok daŋ obino jalo banya luŋ ame okoporo-nono.

³²Mwaka acel acel wan obino miyo acel me adek me cekelwa me konyo tic me woro i ot Obaŋawa.

³³Wan obino miyo ogati ame oketo i nyim Rwot, moko kwon me yalo Rwot nino i nino, leyi me awaŋa alutu nino i nino, mot acil ame omio i ceŋ cabit, kede iyi ecuban me por dwe, kede me ecuban ocele mege, kede mot ocele acil, kede leyi ame oyalo Obaŋa pi kwanyo bal i kom jo Icrael, karacel i gin ame mitte luŋ me tic i ot Obaŋawa.

³⁴Wan jo luŋ me Icrael, olamdog, Olevi, wan otyeko bolo kwir me neno kite ame obino kelo kede yen i ot Obaŋawa, kun lubo doggola a kwariwa. Obino kela i kare ame wan oyiko, mwaka i mwaka, me awaŋa i wi keno lam a Rwot Obaŋawa, kite ame ocoo kede i buk cik.

³⁵Wan otyeko miye me tero i ot a Rwot Obaŋawa mwaka i mwaka kit cam luŋ ame ogeo cek i pottiwa, kede nyig yen luŋ ame ogeo nyak i yenwa ame ocamo.

³⁶Dok daŋ obino tero baŋ olamdog ame tio tic i ot Obaŋawa itino kao awobe ame wan ogeo nywalo, atin twon, atin nyok romo kede me dyel ame ogeo nywalo, kite ame ocoo kede i buk cik.

³⁷Obino daŋ tero baŋ olamdog i ot Obaŋawa mwaka i mwaka moko ame ogeo rego, kede motwa ocele mege acalo koŋo olok, moo, kede kit yen ducu me aketa iyi icika me kano jami. Dok obino daŋ tero baŋ jo Levi acel me apar me gin oya i pottiwa, pien mannono obedo ticgi me rayo i akina pacciwa.

³⁸Olamdog ame obedo ikwae Aron ikokome bino bedo tye i kare ame jo Levi gamo acel me apar. Jo Levi bino tero acel me apar ame gin ogamo i ot Obaŋawa, iyi icika ame okano iye.

³⁹Pien jo Icrael kede jo Levi bino tero mot me moko kwon, koŋo olok, kede moo iyi icika ame okanogi iye, kan ame jami me tic i kabedo acil bedo iye, kan ame olamdog ame tye i tic, ogwok doggola ot Obaŋa kede ower bedo iye. Wiwa mom bino wil kadi acel me gwoko ot Obaŋawa.