Read lango Ecita 2 Bible Online

Ecita 2 - lango bible

Ecita 2

¹Icennere i kare ame akemo abaka Akacuwera okwe, en ocako po pi Vaciti kede gin ame en otimo, karacel kede cik ame omoko i kome.

²Otic abaka ame tio baŋe te kobbe ni, “Myero yeny nyannoro a mom ru oŋeye ico pi abaka.

³Abaka myero yer odoŋe mogo me ketgi i dul lobo apapat ame tye i te loccere, me gin cok kodi anyira-nono luŋ i ot a mon ame tye i boma adwoŋ me Cuca, me gin bed i te loc a Egai, lo ame oroo oko ame loo mon abaka; myero migi moo a ŋwece kur me wiregi.

⁴Doŋ nyannoro i akinagi ame bino yomoro cuny abaka myero dok agoŋ abaka me awora kaka Vaciti.” Kop man te yomoro cuny abaka, omio en te timo kittono.

⁵I kare-nono onwoŋo tye Ajudaya moro i Cuca, dano-nono nyiŋe onwoŋo Mordekai; en obedo wot a Jair, wot a Cimei, wot a Kic, dano me Benjamin,

⁶ame rik onwoŋo otero i Jerucalem acalo opii, kun otere karacel kede jo ocele ame i akinagi rik tye iye Yekonia abaka me Juda, ame gin jo ame rik abaka Nebukadnejar otero oko i opii.

⁷En Mor dekai onwoŋo opito Adaca, ame en Ecita, ame obedo nyako omin pappere, pien pappere kede tottere onwoŋo doŋ mom. Nyako-ni onwoŋo ber dok mwonya meicel; i kare ame tottere kede pappere oto. Mordekai ogame acalo nyare ikome.

⁸Doŋ i kare ame abaka omio cik, ote rabo pire i lobo luŋ, i kare ame otye ka coko anyira luŋ i telo Cuca, boma adwoŋ, kan ame Egai gwoko iye mon, Ecita daŋ rik ote tero i paco abaka, ote daŋ keto kan ame Egai gwoko iye mon.

⁹Ecita te yomoro cunye meicel, eka te wayo tammere oko i kome; mannono te miyo en ru pokki Ecita moo mere me wir kede cammere, te daŋ yero aŋeca abiro i paco aba ka me konye, eka te kete i kabedo aber meicel ame ogwoko iye mon abaka, karacel kede aŋeca abiro-ca me konye.

¹⁰Ecita mom onyuto rokkere, akadi wati mere daŋ, pien Mordekai onwoŋo ocike ni myero kur kobi.

¹¹Doŋ kare ducu Mordekai woto i ŋe cel me paco a mon me eŋe kite ame Ecita tye kede, karacel kede gin ame tye ka timere i kome.

¹²Nyako acel acel rik woto baŋ abaka Akacuwera ka kare mere oromo, i ŋe bedo dwete apar wie aryo kun owinyo cik ame onwoŋo oketo pirgi gin mon. Man rik obedo kare me yiko bergi bedo amwonya meicel, kun owirre kede moo murra dwete abicel, eka dok pi dwete abicel ocele ote bedo wirre kede kit moo ocele apapat ame mon wire kede.

¹³I kare me wot anyira-ni baŋ abaka, rik omio nyako acel acel tero gin ame cunye mito wot kede i paco abaka, kun ya kede i ka gwoko mon.

¹⁴Nyako acel acel woto otyeno te dwogo odiko kun woto doŋ i ka gwoko mon namba aryo, ame tye i te loc a Cacigaj, ame obedo dano abaka ame oroo oko ame gwoko aŋeca abaka; nyako ame owoto oko baŋ abaka mom dok dok kuno tuno ka en oyomoro cuny abaka, eka ote doŋ lwoŋe alwoŋa i nyiŋe.

¹⁵A doŋ kare me wot Ecita baŋ abaka oromo, Ecita ame obedo nyaka Abikail, omin papa a Mordekai, ame rik ogame acalo nyare, en mom openyo ni mie ginnoro. En openyo ka Egai, agwok mon abaka ame oroo oko, te lubo tammere. Ecita owao tam a jo luŋ ame onene, omio gin luŋ opwoc.

¹⁶I kare ame otero Ecita baŋ abaka Akacuwera i paco mere, i dwe me apar, ame mannono obedo dwe ame olweoŋo ni Tebet, i mwaka me abiro me loc abaka Akacuwera,

¹⁷abaka omaro Ecita atek meicel ame kato anyira ducu ame otero i nyime. Ecita te bedo kede gum i nyim abaka, dok abaka te pwoye ame kato anyira ocele luŋ, Abaka te kwanyo tok kwogo keto i wi Ecita me bedo agoŋ abaka me awora akaka Vaciti.

¹⁸Abaka te tedo twon arama adwoŋ meicel pi oloccere kede odoŋe wi ticcere, ame arama mere onwoŋo otedo me woro Ecita. Dok te miyo weo baŋ jo luŋ ame tye i dul lobo luŋ ame en loo, kun poko daŋ mot apapat kite ame lonyo mere tye.

¹⁹Kare ame dok ocoko anyira a mom ru oŋeye kede co, kar acel tyen me aryo, Mordekai onwoŋo tye obedo i doggola me cel abaka.

²⁰I kare-nono onwoŋo Ecita mom ru onyuto kopporo i kom wati mere onyo rokkere, kun lubo cik a Mordekai ame rik ociko kede; en obedo winye kite ame rik winye kede i kare ame pite.

²¹I nino moro Mordekai onwoŋo tye i dok tic abaka. I karenono akemo omako jo aryo, Bigitan kede Terec, ame gin jo ame onwoŋo oroo oko; jo man rik onwoŋo obedo ogwok doggola me ot abaka, gin te bedo yenyo yo me neko abaka Akacuwera oko.

²²Mordekai rik te giporo imungi-nono oko, eka te tito oko baŋ Ecita agoŋ abaka, Ecita te kobo koppono oko baŋ cware, kun kobo nyiŋ Mordekai.

²³I kare ame obedo yenyo kop man ote nwoŋo ni obedo kop ateni, rik ote neko jo aryo ame oroo-nono oko, kun odeogi adea. Kop man ote coyo i buk me Tekwaro ame tito gin ame otimere, ocoo i nyim abaka.