Read lango Yaa 24 Bible Online

Yaa 24 - lango bible

Yaa 24

¹Rwot dok te kobbi Muca ni, “Biye malo baŋa kan wun kede Aron, kede Nadab, kede Abiku karacel kede odoŋe a jo Icrael pyerabiro, bin iwora wunu i kannabor.

²Muca kene en ame myero nok Rwot ceggi, ento jo Icrael ocele luŋmom myero bin aceggi. Jo myero mom yit karacel kede malo.”

³Muca te dwogo baŋ jo, te daŋ tittigi kop a Rwot okobo luŋ karacel kede cikkere luŋ. Jo luŋ te gamo i dwongi acel ni, “Wan obino tiyo ginnoro luŋ ame Rwot ociko.”

⁴Muca te coyo kop a Rwot luŋ. Orwo mere en te dilo odiko con, te cano keno me lam i te kidi, te daŋ cibo gweŋe apar wie aryo kuno ame oporo wel atekere apar wie aryo me Icrael.

⁵En te cwayo awobe Icrael me wot yalo Obaŋa i mot awaŋa alutu kede twoni me mot me kweyo cuny.

⁶Icennere Muca te kwanyo nucu meremo leyi oŋolo, te onyo i weer, kede dok nucu mere, te coro i kom keno me lam.

⁷Te dok kwanyo buk me cikere kwano baŋ jo. Jo te gamo ni, “Wan obino tiyo ginnoro luŋ ame Rwot ociko, dok daŋ obino winyo koppere.”

⁸Muca dok te tino remo coro i kom lwak, kun kobo ni, “Nenu remo me cikere ame Rwot ocikere kedwu, ame rwatte ikop magi luŋ.”

⁹Muca, Aron, Nadab, Abiku ka race I kede odoŋe a jo Icrael pyerabiro te wot malo,

¹⁰te neno Obaŋa a jo Icrael. I te tyene piny rik tye iye ginnoro acalli capir ame opeto kun ryeny bala polo ikokome.

¹¹Cite Obaŋa mom ogudo kom odoŋe me Icrael i ciŋe; gin oneno Obaŋa, ote cam dok daŋ ote mat.

¹²Rwot te kobbi Muca ni, “Biye baŋa malo i wi kidi, me ibed ikura kuno. Me abin amii kiddi apada ame acoo iye kede gin aciko me pwonyo lwak.”

¹³Muca te ya malo karacel kede Yocwa ame onwoŋo konye. Muca te wot i wi kidi Obaŋa.

¹⁴En okobbi odoŋe ni, “Bed ikura wunu kan, tuno ka an adwogo baŋwu. Nen, aweko Aron kede Kur odoŋ baŋwu, ka ce ŋattoro tye kede kopporo myero wot nengi.”

¹⁵Kare ame Muca doŋ oyito oko malo i wi kidi, pol te wumo kidi oko,

¹⁶Kwogo a Rwot te bedo i kom kidi me Cinai, pol te wumo oko pi nino abicel, cite i nino me abiro, Rwot te lwoŋo Muca i dye pol.

¹⁷I karenono kwogo a Rwot te nen baŋ jo Icrael bala mac arum ame awaŋ alyet i wi kidi.

¹⁸Muca te wot donyo i dye pol, te bedo kuno nino pyeraŋwen, dyeceŋ kede iwor.