Read lango Yaa 38 Bible Online

Yaa 38 - lango bible

Yaa 38

¹Dok te tiyo keno lam me yalo Obaŋa i mot awaŋa kun tio i bao me okuto alwi; borrere futi abiro kede nucu, laccere futi abiro kede nucu, ame twoke aŋwen luŋ rorom, borrere me malo te bedo futi aŋwen kede nucu.

²Otio tuŋ aŋwen i twoke aŋwen luŋ, kun tuŋŋono luŋ okubere karacel kede, dok daŋ omwono komgi oko i mola.

³Te tiyo daŋ jami me keno me lam luŋ: tako, atok buru, becan, acob riŋo kede weer me waŋo mac. Jami ticcono luŋ otio kede mola.

⁴Te yiko daŋ keikei me keno lam; ame bwo mola okakado, te keto buto i kore i te arii mere.

⁵Eka te twako mola tiyo atem aŋwen me keikei mola ca, me rwako ludi me tiŋo.

⁶Te tiyo ludi kede bao okuto alwi, te mwono komgi oko i mola.

⁷Te rwako tol donyo iyi atem ame tye i ŋet keno me lam, wek bed me tiŋo. Otio ame yie twolo kun otio i bao.

⁸Dok te tiyo tako me mola kede akwak tere me mola, kun tio kede dabaraŋ mon ame tio tic i doggola kema me rwatte.

⁹Te yiko dyekal me kema. Oŋabo cuka me camanini ame uci mere owio abeco i dyekal tuŋ anyarolum borrere onwoŋo tye yadi pyerabic,

¹⁰Pagigi onwoŋo tye pyeraryo kede acib tergi daŋ pyeraryo, kun gin luŋ otio i mola. Ento agod pagi kede otac wigi otio kede ryal.

¹¹Me tuŋ anyarodi daŋ ote tiyo amannono; otio cuka ame borrere romo yadi pyerabic, kede pagi mere kede acib tergi daŋ pyeraryo ame daŋ otio i mola. Ento pagigi kede otac wigi otio daŋ me ryal.

¹²Eka i ŋete tuŋ to ote ŋabo iye boŋo ame borrere tye yadi pyeraryo wie abic, pagi mere tye apar, kede acib tergi daŋ apar. Agod me pagi kede otac wigi otio kede ryal.

¹³Aco tuŋ nyime ame tye tuŋ kide ote ŋabo iye cuka ame laccere tye yadi pyeraryo wie abic.

¹⁴Boŋo ame oŋabo i ŋet doggola tuŋ cel onwoŋo tye yadi abiro kede nucu, kun tye i pagi adek kede acib tergi daŋ adek.

¹⁵Ŋete tuŋ ocele daŋ onwoŋo otio amannono, i ŋet dog paco tuŋŋi kede tuŋŋi oŋabo iye cuka ame romo yadi abiro kede nucu, kun tye i pagi adek kede acib tergi daŋ adek.

¹⁶Cuka luŋ ame oŋabo i ŋet paco onwoŋo me camanini owio uci mere abeco.

¹⁷Acib pagi luŋ onwoŋo otio kede mola, cite agod pagi kede otac wigi onwoŋo me ryal, kun daŋ omwono wigi i ryal, karacel i pagi luŋ ame onwoŋo tye i dyekal oketo otac me ryal i wigi.

¹⁸Cuka me geŋo yo ame donyo i dyekal rik odeo kome aber kede uci obedo bululu bululu, amaramar kede arema kun boŋo-nono me camanini ame owio uci mere abeco. Borrere onwoŋo tye yadi apar, eka borrere me malo te bedo futi abiro kede nucu, ame rom aroma i cuka me aŋaba i dyekal.

¹⁹Pagi onwoŋo tye aŋwen kede acib tergi daŋ aŋwen ame otio i mola, cite agodgi me ryal, kun wigi omwono oko i ryal, kun otac wigi daŋ me ryal.

²⁰Teke me guro kema luŋ kede teke ame omano dyekal luŋ onwoŋo otio i mola.

²¹Jami ame otio i kema wellere ene, ame kema me kop me caden, kite a rik okwanogi kede i kare a Muca ociko, pi tic a jo Levi kun adwoŋ ticgi rik Itamar ame obedo wot a Aron ame alamdog.

²²Bejaleri wot a Uri ame wotta Kur, me itekere a Juda, rik otio jami luŋ ame Rwot ociko baŋ Muca.

²³En rik tye karacel kede Okoliab wot Akicamak, me itekere a Dan, lo ame onwoŋo adiro, ame roto kite me tic anyen, dok obedo ŋat a deo jami kede uci bululu bululu, amaramar kede arema, kede boŋo camanini ame owio uci mere abeco.

²⁴Jabu luŋ ame rik otio kede pi kabedo acil, kede jabu luŋ ame rik oya i mot ame omio, pekkere rik oromo talanta pyeraryo wie aboŋwen, kede cekel mia abiro kede pyeradek, kun onwoŋo opimo i cekel me kabedo acil.

²⁵Aco ryal ame oya ibaŋ lwak rik okwano ote nwoŋo pekkere romo talanta mia acel kede cekel tutumia acel, kede mia abiro, kede pyerabiro wie abic, kun daŋ nwoŋo opimo i cekel me kabedo acil.

²⁶Dano acel acel onwoŋo okelo beka acel (mano en nucu cekel me kabedo acil), mano pi dano acel acel ame rik onwoŋo okwano, cakere i kom jo ame mwakagi me dito tye pyeraryo, dok kede malo. Jo tutumia mia abicel kede adek, kede mia abic kede pyerabic.

²⁷Talanta mia acel me ryal onwoŋo obedo me twako acib pagi me kabedo acil, kede acib pagi me boŋo icika; acib tergi ame romo mia acel oya i kom talanta mia acel, talanta acel pi acib pagi acel acel.

²⁸Eka cekel tutumia acel kede mia abiro i pyerabiro wie abic, ote tiyo kede agod pagi luŋ, kun omwono daŋ i wigi ducu, eka ote tiyo daŋ otac wigi.

²⁹Mola ame omio onwoŋo oromo talanta pyerabiro kede cekel tutumia aryo kede mia aŋwen.

³⁰Mannono otio kede acib pagi me doggola kema me rwatte, kede keno lam me mola, kede keikei me mola, kede jami luŋ me tic i keno lam,

³¹kede acib pagi ame omano dyekal, kede acib pagi me dog paco me dyekal, karacel i teke me guro kema kede en omano dyekal.