Read lango Yubu 16 Bible Online

Yubu 16 - lango bible

Yubu 16

¹Yubu dok te gamo ni,

²“Atyeko winyo kodikoppono apol meicel, wun luŋ ibedo wunu okwe cuny ame medo ka cwercuny,

³Kop ame obedo yamo ata-ni twero gik bo? Onyo ŋo atugo cunywu omio ibedo gamo wunu doga?

⁴An daŋ onwoŋo atwero kop bala wun, kono onwoŋo wun itye wunu kite ame atye kede-ni; onwoŋo atwero kobo kop apol meicel i komwu, kun ayeyeŋo wia i komwu,

⁵dok onwoŋo atwero kobo kop me cukoro cunywu; rem i komwu onwoŋo twero kwe oko pi kop alim ame akobbiwu.

⁶“Ka ce an akobo kop, rem i koma mom kwe; ka aliŋ, rem i koma bedo aberber bo?

⁷Ateni, Obaŋa doŋ otyeko tekona odoco, ojwero jona ducu,

⁸En doŋ otyeko maka oko, odoko daŋ acaden me nyuto balla; jonya-ni doŋ odoko akworra oko, kobo doŋ koppere me caden i nyima.

⁹Yie okwera, akemo te miye kikilo an calo lee, okao lake meicel i koma, okworra yabo waŋgi i koma calo dano opako toŋŋere me neko lee.

¹⁰Jo oŋamo doggi i koma, ote doŋo lema apala apala, ocokere karacel me lweny koma.

¹¹Obaŋa doŋ otyeko miya i ciŋ jo a mom ŋec, obola i ciŋ jo areco,

¹²Onwoŋo abedo gira mot, cite en ocanya piny te dada oko, omaka i ŋuta te ŋiŋido an atitino. En obedo cobo koma i toŋŋere,

¹³wegi atero mere ogura oko dyere, Oryeko aŋalurana oko aboŋo kica, te onyo pig epiona oko piny.

¹⁴Onukino keto can i koma meicel, kun riŋo i koma calo cirikale.

¹⁵Ate lunyo kwoyo doŋ puko me arukana, tekona luŋ doŋ te buto iyi apua amwa-ru.

¹⁶Koko doŋ omio waŋa obok pee, aco pyen waŋa doŋ ocido icuc,

¹⁷kadi bed mom adwaro kolo kadi acel, dok balloro gire mom i kwacca.

¹⁸“Yin lobo we, tim ber kur iwum remona, wek kokona kur nwoŋ kannoro me weo,

¹⁹Kadi bed aman acadenna tye i polo, dok ŋat ame cuŋ pira tye malo.

²⁰Owotena doŋ caa acaa, pig waŋa cwer i nyim Obaŋa,

²¹ni kono en epido pira, ka acuŋ nyime, kite ame dano laro kede pi awottere.

²²Pien ka kare me kwona doŋ otum, abino wot kan ame mom dok abino dwogo iye.”