Read lango Yubu 26 Bible Online

Yubu 26 - lango bible

Yubu 26

¹Yubu dok te gamo ni,

²“Kite ame ikonyo kede ŋat ame twerrere mom! Kite ame ikonyo kede ciŋ dano ame teko daŋ mom iye!

³Kite ame ikonyo kede ŋat a ryeko mere mom, kun ititte ŋec me ateni apol ata.

⁴Ŋa obedo konyi i kop luŋ ame ibedo kobo, dok kit cuny ame itye kede-nono ŋa omi?

⁵“Tipo a jo ame tye piny i te lobo kom myel amyela, pii kede jami luŋ a tye iye tye kede lworo.

⁶Lyel me Ceol tye yie nono i nyim Obaŋa, kan a jo oto bedo iye mom tye kede ginnoro me wumo wie,

⁷En oryeo piny i tuŋ to, i dye yamo ata, mom daŋ oŋabo lobo i kom ginnoro,

⁸Tweo-gu pii malo i kom pol ocido icuc, pol mom yec kadi acel i tere pi pek a pii.

⁹En wumo waŋ dwe oko, eka te yaro pollere oko.

¹⁰En otyeko coyo gin aluluŋ i wi pii, i waŋ apokki ame poko lero kede kan acol icuc.

¹¹Pii luŋ ame tye i polo ocuŋ iye, ka en ojukogi, gin owuro meicel.

¹²En mio pii nam liŋ mot pi teko mere, pi ryeko mere omio en ogoo Rakab.

¹³Weo me doge omio polo oyabere te nen acil, enocobo twon twol aŋeo paŋŋere meicel.

¹⁴Koŋ inen, mannono kom pwod lak gin ame en tio, wan kom pwod owinyo calo kop ame omuŋo amuŋa. Cite ka teko mere omwoc calo kot, ŋa a romo niaŋ iye.”