Read lango Yubu 27 Bible Online

Yubu 27 - lango bible

Yubu 27

¹Yubu te medde dok i koppere, kun kobo ni,

²“Kite ame Obaŋa tye kede kwo-ni, ame okwanyo twer ame an atye kede, kede Won Twer Ducu ame omio cunya kec wok-ki,

³ka ce pwod wee me” kwo tye i koma, dok cuny Obaŋa daŋ pwod tye i wuma,

⁴kop me goba mom bino doonyo i doga, mom daŋ abino bwolo ŋattoro kadi acel.

⁵Mom abino ye kadi acelni kopwa tye kakare, myero ato ame mom aloko kita kadi acel.

⁶Abino lido kitena atira, kun mom aweko kadi acel, aŋeo atira i cunya-ni mom atye kede nino moro i kwona ame lewic twero maka iye.

⁷“Mi okworra luŋ obed calo otim tim areco, dok jo ame mito lweny i koma bed calo jo a kitegi reco.

⁸Kara ŋat a mom ŋeo Obaŋa tye kede gen aŋo; ka Obaŋa doŋ omio waŋe orwenyo oko, ame en doŋ okwanyo kwo mere oko?

⁹Ce ni Obaŋa bino winyo koko mere, ka ce en opoto i peko moro?

¹⁰Cunye bino bedo ayom i kom Won Twer Ducu? En bino kwayo Obaŋa kare luŋ?

¹¹Abino pwonyowu kop i kom twer Obaŋa, mom abino kano ginnoro ame Won Twer tye kede.

¹²Nen ba, wun luŋ doŋ ityeko neno wunu kede waŋwu, kara piŋo dok iloko wunu odoko gin a konnyere mom?

¹³“Man en gin ame Obaŋa opokki lo arac, dok en gin ame owun jo nwoŋo i baŋ Won Twer Ducu.

¹⁴Ka ce itino mere onya, onekogi oko i pala lweny ikwae daŋ mom bedo i cam ame romogi,

¹⁵Jo ame en oto oweko kwo, too edeke neko oko, mongi mom kokogi.

¹⁶Kadi bed en dwoŋ i lim meicel calo kwoyo, dok boŋŋi mere oyido rom mene;

¹⁷en twero loko gire, cite jo a kitegi atira en abino ruko, jo a balloro mom i komgi en abino poko limmere,

¹⁸Ot ame en ogero bino bedo calo boo otyetyem, onyo peru ame akur winyo i poto ogomo,

¹⁹Donyo i kabuto kun pwod olony, cite mom te medde bedo kittono, en bino co i waŋ nino nwoŋo lonyo doŋ mom.

²⁰Lworo te onyere i kome calo abwal pii; dyewor yamo ajuru te bino tere oko,

²¹Yamo oya i tuŋ kide bino tiŋe te tere oko, kun kwanye oko i kabedo mere,

²²Bino kodo i kome aboŋo kica, te miyo en riŋo adwimme bwot i ciŋe.

²³Yamo te ŋur calo ŋat a bapo ciŋe i yore, dok acalo ŋat ame tye ajwiye i yore.”