Read lango Yubu 29 Bible Online

Yubu 29 - lango bible

Yubu 29

¹Yubu omedde i koppere kun kobo ni,

²“Lobo wirre ateni, kono kom onwoŋo atye kite a rik atye kede con ca, i kare ame rik Obaŋa gwoka iye ca;

³kare ame tara mere bedo lyel i wia malo, ame rik lero Obaŋa bedo mennya yo ka awot i piny acol.

⁴“I kare-naca rik atye aber meicel, mar Obaŋa mom rwenyo i kemana,

⁵i kare ame Won Twer Ducu pwod tye baŋa, otinona daŋ pwod bedo i ŋeta;

⁶ame ka rik tyena ogudo piny olwoko i cak, ame moo rik mol amola calo pii a wukere i lela.

⁷Kare ame ka awoto i dogcel ka ŋolo kop, ka ayiko kabedona i dye boma ka poro kop,

⁸awobe ka onena owoto oko teŋe, jo adoŋo ya malo te cuŋ acuŋa;

⁹aco rwode koŋ liŋ oko, kun oketo cingi i doggi,

¹⁰dwon jo adoŋo lin oko, lebgi te moko oko i dangi.

¹¹Ŋat owinyo kop i koma, cako lwoŋa ni, akome gum, ka onena i waŋe te doŋ moko amoka.

¹²Pien rik alaro ocan ka ce akok, karacel itino kic ame jo a konyo mom.

¹³Jo luŋ ame mito to kwaya winyo, rik amio mon ame coggi oto wero pi yomcuny.

¹⁴Rik arukere i kite atira ame buro koma oko, ŋolo kop atira rik calo jor kede tok ame mom rwenyo i baŋa.

¹⁵An rik acalo waŋ me neno piny baŋ jo a waŋgi oto, dok rik acalo tyen me wot baŋ jo oŋwalo,

¹⁶Rik daŋ atye acalo apap baŋ ocan, acwako naka pido a lo a mom aŋeo.

¹⁷Alwenyo i tekona luŋ i jo a kitegi mom atira, abedo laro jo i cingi oko calo ŋat omao lee i dog eŋatu.

¹⁸Rik ate tamo ni abino to i pacona, kun nino me kwona i lobo pol calo kwoyo,

¹⁹dok rom aroma i yat ame lwite obakere atata i ŋet kulo, ame toyo mom rwenyo i jane dyewor luŋ,

²⁰kun kwogona tye kite acel kare ducu, dok tekona mom dok piny.

²¹“Jo yam ka owinyo koppa, liŋ oko mot, kun otero yitgi me winyo tam ame amiyogi.

²²Ka an doŋ akobo gin mom dok gamo koppa, koppa rik tye calo kot ame oony i komgi.

²³Rik okuro koppa calo jo ame kuro kot, ogamo tam i baŋa calo jo ame mato pii kot me iporo.

²⁴Ka abwonyo, gin mom ye ni abwonyo, obedo neno waŋa naka, kun mom omito ni cunya waŋ.

²⁵An a rik anyuttigi yo a myero olub kun an abedo calo rwotgi, an abedo calo abaka ame tye i akina monnyere, calo ŋat ame kweo cuny jo a koko danogi i oto.”