Read lango Yubu 3 Bible Online

Yubu 3 - lango bible

Yubu 3

¹Icennere Yubu en ame te geyo ŋamo doge kun ceno kede nino ame rik onywale iye.

²Yubu obedo koko kun kobo ni,

³“Nino ame rik onywala iye kono orwenyo oko, do ber, karacel kede dyewor ame rik oyaca i ye,”

⁴Nino-naca kono odoko acol icuc! Wi Obaŋa ame tye malo kono owil oko iye, kono lero moro mom omenyo kadi acel!

⁵Mutu kede colpiny kono omao nino-nono oko, pol kono doŋ obedo iye colpiny ocido icuc kono omio obedo iyiliyili.

⁶Dyewor oyaca iye kono doŋ ocido odoco, ame mom doŋ oromo bedo i yomcunnyoro iye, i akina ninne luŋ a tye i mwaka, me ŋol doŋ nyiŋe oko i akina nino ame tye i dwete luŋ.

⁷Dyeworrono kono mom onywalo iye atinnoro, meredo me yomcuny kur winyere iye.

⁸Wegi ceŋ kono oceno nino-nono oko, jo ame odiro i lwoŋo twon twol a ŋeo paŋere meicel.

⁹Acer luŋ ame ryeny i dyeworrono myero odok acol oko, myero dyeworrono kur lero kwe kono mom doŋ oneno ru-piny atwal.

¹⁰Pien rik mom ocego dog ot nywal a totta oko, mom daŋ oŋena neno ayela ame tye i kwo.

¹¹“Piŋo kara rik mom ato oko kare ame onywala? Piŋo kara rik mom adonyo iyi totta keken ate to oko?

¹²Piŋo kara rik omio tyen ojola? Piŋo tuno aryo twal oye ni adotgi?

¹³Kono gire nyo atye abuto piny mot, kono nyo abuto gira piny, kono nyo awe gira oko,

¹⁴kono nyo atye gira karacel obakki kede omi-tam adoŋodoŋo me lobo ame rik ogegero udi mogo adoŋodoŋo pirgi,

¹⁵Kono atye gira karacel i rwode ame rik tye i jabu, ame ryal rik oyido i udigi ayida.

¹⁶Kono nyo oyika gira oko calo atin abwoggi calo itino ame mom oneno waŋ ceŋ,

¹⁷Ayela otim tim areco gik oko kuno, jo ame ol tye gigi oweo kuno,

¹⁸Obuc bedo gigi doŋ mot karacel kuno, kun mom dok owinyo dwon odoŋe a loogi i tic.

¹⁹Jo adoŋo kede atino luŋ tye kuno, opii i kuno nwoŋo doŋ ogonyo oko i te loc adwoŋŋere.

²⁰“Piŋo Obaŋa medde menyo ŋat a tye i can; dok piŋo en mio ŋat a tye i ton cuny adwoŋ medde bedo kwo?

²¹Kodi jonnono kuro to, cite to mom bino baŋgi, gin obedo yenyo atek meicel akato lonyo ame okano.

²²Dok ka ocop i kom lyel olelo meicel, kun cunygi yom okato kare.

²³Piŋo Obaŋa medde menyo ŋat ame yo doŋ orwennye oko, dano ame doŋ otyeko guro oko i cel.

²⁴Pien cucurana doŋ calo kwon ame acamo, aomo cunya doŋ bino tere i tere calo pii aony.

²⁵Pien gin ame alworo en a dok bino i koma, gin ame mia twon lworo adwoŋ en ame poto i koma,

²⁶Cunya mom gire pye mot, akadi liŋ mot, mom awe kadi acel, ayela bino teretere.”