Read lango Yubu 6 Bible Online

Yubu 6 - lango bible

Yubu 6

¹Yubu te gamo koppere ni,

²“Kono onwoŋo otwero pimo akemona, dok daŋ oromo pimo can opoto i komani i mijan, do ber!

³Pien pekkere kono okato pek a kwoyo me dog nam oko, mannono en omio onwoŋo akobo kop atata.

⁴Won Twer Ducu doŋ ocobo koma oko atero mere, kwirgi olal otuno naka i cunya twal;

⁵Obaŋa doŋ okado koma luŋ i lworo mere, Kana me tim kok ka ce tye i lum? Twon kok ka cemmere tye i nyime?

⁶Cam abot twero camere aboŋo kado? Pig toŋ gweno kan atarrere-ni bille amit?

⁷Cunya okwerogi, mom mito agudgi kadi acel; gin luŋ calo cam ame lemo cunya.

⁸“Kono onwoŋo Obaŋa twero miya gin ame akwao; dok kono onwoŋo romo miya gin ame amito;

⁹kono Obaŋa oye neka oko, kono oyaro ciŋe te miyo waŋa rwenyo oko atwal.

¹⁰Kono otimere amannono kono cunya okwe, kono alelo meicel, kadi bed rem mom weka kare moro me weo pien an onwoŋo mom akwero kop a Ŋat Acil.

¹¹Tekona kara rom mene, ame mia akuro nono? Kwona kara bino gik iŋo ba, me adi cunya?

¹²Koma tek calo kidi bo? Riŋo koma calo mola bo?

¹³Iyi ateni, an doŋ mom aromo konyere kena, ginnoro luŋ a myero konya doŋ oya oko i koma.

¹⁴“Ŋat ame kwero timo awottere kica, nwoŋo mom doŋ lworo Won Twer Ducu.

¹⁵Omegona, wegi adote calo pii i kulo, ame ka opoŋ, pii mere mol te two oko,

¹⁶orom aroma i pii ocido orubere kede pee, kan ame pee oya i wi kidi pono iye.

¹⁷I kare me oro orwenyo oko, ka piny lyet mom onen,

¹⁸Owot iyo weko yo me yenyogi, ocoro dye tim ote rwenyo oko.

¹⁹Owot ame oya i Tema bedo yenyogi, jo ame oya i Ceba bedo keto gengi iye.

²⁰Gengi-nono kelligi cwercuny, lewic en a lunyo makogi ka otuno kuno,

²¹Wun aman doŋ irom wunu i kulli-nono baŋa, ineno wunu can opoto i koma, lworo te makowu,

²²Onwoŋo akwao ni imia wunu mottere bo? Onyo akwao ru ijuk lonyowu icul wunu i muŋ me laro kwona?

²³Akwao ni ilara wunu i ciŋ okworra bo? Onyo ni ilakoro wunu an i ciŋ jo ame wuna?

²⁴“Pwonya wunu, me aliŋ iti, nyutta wunu bal ame atimo.

²⁵Kop a ŋat ame genne tek meicel! Kara ajukewu konyo dano niŋo?

²⁶Itamo ni itwero juko wunu kop ame akobo? Aco kop a ŋat ame piny oloo calo yamo,

²⁷Iromo bolo wunu kwir i kom otino kic, kede loko owotewu doko gin me acata?

²⁸“Tim wunu ber inena wunu, mom abino kobo kopporo me goba i nyimwu.

²⁹Tim wunu ber, iwek tima wunu kittono ba, lok doŋ tamwu ba, pien kop mom romo loya.

³⁰Tye kopporo ame akobo me goba? Mom aromo poko kop ame kela can bo?”