Read lango Jabuli 11 Bible Online

Jabuli 11 - lango bible

Jabuli 11

¹Baŋ adwoŋ wer: Man wer a Daudi An gira alaro baŋ Rwot, kara ŋo omio yin dok ikobba ni, “Lwi oko calo winyo me iwot ibed i wi kiddi malo,

²Koŋ inen kite ame jo areco atelo kede akud aterogi, oketo doŋ aterogi oko i kom tol atero, me ocel jo a cunygi ler i colpiny,

³Ka ce acakki me te ot doŋ oballe oko, dano a kite atira twero timo gin aŋo”?

⁴Obaŋa tye i ode acil, kom loc Obaŋa tye malo i polo; en neno jo luŋ ame tye i lobo, dok ŋeo gin ame gin tio luŋ,

⁵Pien Rwot temo jo a kitegi atira kede jo areco, en dago ŋat ame maro timo tim me byemi.

⁶En bino coro loti mac kede gweŋ calufa i kom jo areco bino pwodogi i yamo oro alyet meicel.

⁷Pien Rwot kite atira, en maro daŋ tim atira, jo a cunygi ler bino neno waŋe.