Read lango Jabuli 110 Bible Online

Jabuli 110 - lango bible

Jabuli 110

¹Man wer ame Daudi owero. Rwot okobbi Rwotta ni, “Bed i laŋeta tuŋ cem, i kabedona me kwogo, ituno ka abino keto okworri piny i te tyeni.”

²Rwot bino cwayo abiro me loccere kun ya i Cion, en bino miyo ilo loc i akina okworri.

³I nino ame ibino lweny okworri, joni bino miye amia kengi me wot lweny, i wi kidi acil. Calo toyo ame luk idiko con, awobeni daŋ bino bino baŋi kittono.

⁴Rwot doŋ otyeko kwoŋ oko, mom dok bino loko tammere, “Yin ibedo alamdog nakanaka, i kite a Melkijedek.”

⁵Rwot tye i ciŋi tuŋ cem, en bino keketo obakki oko i nino ame akemo bino make,

⁶En bino ŋolo kop i akina rok ducu, bino miyo kom jo oto radde arada i bar me lweny; bino daŋ keketo rwode oko, kun miogi okeketa ata i wi lobo luŋ.

⁷En bino mato pii i kulo ame tye i ŋet yo, mannono bino miyo en tiŋo wie malo.