Read lango Jabuli 112 Bible Online

Jabuli 112 - lango bible

Jabuli 112

¹Pak wunu Rwot. Dano ame lworo Rwot tye kede winyo, ame cunye yom i lubo cik a Rwot.

²I kwae bino bedo twoni jo atek i lobo, ikwae a ŋat ame cunye ler bino bedo kede winyo,

³Jo me ode bino lony kun otye i jami abup meicel, dok kite atira-nono bino perakino nakanaka.

⁴Ceŋ bino donyo, bino ryeny i colpiny pi jo ame cunygi ler; Rwot ber, akica, dok kite atira.

⁵Dano ame cunye yom ame mio ocan koporo jami baŋe, bino bedo aber; dano ame wie mom wil i kom cikkere mere.

⁶Pien dano ame kite atira mom obino coro teŋe, obino po pire nakanaka.

⁷En mom bedo kede lworo kadi owinyo kop arac ame cwero cunye, bedo ame cunye tek kun geŋo Rwot.

⁸En bedo ame cunye opye mot, kun mom lwor kadi acel, tuno ka oneno doŋ otyeko loyo okworrere.

⁹En poko jami mere baŋ ocan i yomcuny, kite atira perakino waŋ i waŋ, dano-nono bino bedo i twer kun daŋ olwore,

¹⁰Lo arac ka oneno, akemo cako mako oko; bedo kakao lake, ame cunye doŋ oballe oko; gen ame dano arac tye kede kec nono.