Read lango Jabuli 116 Bible Online

Jabuli 116 - lango bible

Jabuli 116

¹An amaro Rwot, pien en owinyo kokona, dok daŋ owinyo kwacca ame abako kede doga baŋe.

²Pien en ociko yite me winyo kwacca, mannono omio an abino kok baŋe pi kare luŋ ame pwod atye kwo.

³To ociko owiccere ogura kede dyere, rem me lyel daŋ omaka oko ikiŋ, can kede rem adwoŋ meicel ocira oko.

⁴Alwoŋo nyiŋ Rwot, kun akobo ni, “Ama Rwot, tim berilar kwona!”

⁵Rwot akica dok kite atira; Obaŋawa timo jo kica.

⁶Rwot gwoko jo ame kwia piny, i kare ame rik odwoka piny, en olara.

⁷Dwog cen, yin tipona, me iwe, pien Rwot doŋ otyeko nyuto berrere baŋi.

⁸Rwot olaro tipona oko i to, omia aweo pig waŋa oko, omio tyena mom doŋ twomere i ginnoro.

⁹Atye ka wot i nyim Rwot, i lobo a jo akwo.

¹⁰Amedde bedo kede iye ikome kadi bed nyo akobo ni, “Can odia meicel”;

¹¹dok i kare ame onwoŋo atye kede lworo ame akobo ni, “Dano ducu mom genne kadi acel.”

¹²Abino miyo gin aŋo baŋ Rwot, pi gin aber luŋ ame en otimo baŋa?

¹³Abino pwoyo Rwot pi larena, abino pwoye kun alwoŋo nyiŋe,

¹⁴abino cobo kwoŋ ame yam akwoŋo baŋ Rwot, i nyim lwakkere luŋ kun ocokere.

¹⁵Ka ŋat ageno Rwot oto, pire tek meicel i nyim Rwot.

¹⁶Ama Rwot, an abedo amironi, atin a dako aŋecani, yin doŋ ityeko gonyo tol ame itwea kede.

¹⁷Abino miyi mot me pwoyi, dok abino kok baŋi kare luŋ.

¹⁸Abino co bo kwoŋŋa ame akwoŋo baŋ Rwot, i nyim lwakkere luŋ ame ocokere,

¹⁹i dyekal me ot a Rwot i nyimi i Jerucalem. Pak wunu Rwot.