Read lango Jabuli 121 Bible Online

Jabuli 121 - lango bible

Jabuli 121

¹Man obedo wer me yito malo. Atiŋo waŋa malo, aneno lobo ame obedo kidikidi; kony ame an amitoni, kara bino ya i kwene?

²Kony bino ya i baŋ Rwot, ame oketo polo kede lobo.

³En mom bino ye tyeni cer, ŋat ame gwoki mom bino nino kadi acel.

⁴Nen ba, ŋat ame gwoko jo Icrael, nino mom bino mako waŋe, dok daŋ mom bino nino atwal.

⁵Rwot, en ame gwoki, dok en tye acalo tipo me weoni, en tye i ŋeti i ciŋi tuŋ cem.

⁶Ceŋ mom bino waŋo komi dyeceŋ, akadi dwe daŋ dyewor.

⁷Rwot bino gwoki i kom ginnoro luŋ arac, en bino gwoko kwoni.

⁸Rwot bino gwoki i kabedo luŋ ame ibino wot iye, cakere i kare-ni naka waŋ i waŋ.